ታይቦ ማጻፋ 22:3 - Geeshsha Maxaafa

³ Isra7eele asay keehi daro gidida gishshas Mo7aabe asay keehippe babbides.

ጋሞ ማጻፋ

³ ኢስራኤሌ ኣሳይ ኬሂ ዳሮ ጊዲዳ ጊሻስ ሞኣቤ ኣሳይ ኬሂፔ ባቢዴስ።

ታይቦ ማጻፋ 22:3 Referans Kwoze

ኬሳ ማጻፋ 15:15

He wode Eedoome biitta halaqati dagammida. Mo7aabe biitta haarizayti hirgan kokkorida. Kanaane dere asay wuri seerides.

ኢሳያሳ ቲንቢቴ 23:5

Xirooseppe keziza paapunththay Gibxe biittan siyettiza wode istti ceecana.

ዬ ማጻፋ 53:5

Xoossi ba asaa morkkizayta meqeththaa laallana; istti kase dagammi erontta dagama dagammana. Xoossi istta kadhida gishshas istti yeellatana;

ኢያሶ ማጻፋ 9:24

Istti Iyaasos, «Nuni ne aylleti GODAA ne Xoossay ha biitta ubbaa inttes immanayssanne izan diza asaa ubbaa intte sinththafe dhayssanaas ba aylle Muse azazidayssa geeshshi siyidos. Hessa gishshas inttefe dendoyssan nu shemppos hirgidi hayssa ooththidos.

ኢያሶ ማጻፋ 2:24

Istti Iyaasos, «GODAY tumappe biitta ubbaa nuus aaththi immides; qasse he biittan diza asay wuri nuus yashshateththafe dendidayssan istta wozinay seeridayssa nu be7idos» gida.

ዛሬ ማጻፋ 2:25

Hachchafe guye awankka diza dere asay inttes babbana mala ta ooththana; oonikka intte gishshas siyidi wurikka hirgan kokkorana» gides.

ናሂሚያ ማጻፋ 13:2

Ha azazozi imettida gaasoykka Isra7eele asay Gibxe biittafe kezi biza wode Mo7aabe dere asaynne Amoone dere asay kaththinne haath Isra7eele asaa diggida gishshassa; hessafe bollarakka Isra7eele asaa doqqana mala Balaame geetettizaades miish immida; gido attiin Xoossay he doqeththaza anjjon laammides.

ኬሳ ማጻፋ 1:12

Gido attiin Gibxe asay istta keehi waayisida wode istti gujetti gujetti yelettidanne biitta gakkida. Hessa gishshas Gibxe asay Isra7eele nayta ixxides.

ኬሳ ማጻፋ 23:27

«Inttenara gaaggiza dereta ubbaa daganththana mala tani ta yashshateth intte sinththara yeddana; intte morkketi wuri inttes zokko zaaridi, baqatana mala ta ooththana.