ናሂሚያ ማጻፋ 9:8 - Geeshsha Maxaafa

⁸ Izi nees ammanettida as gididayssa beyada izara caaqettadasa; Kanaane asay, Hiite asay, Amoore asay, Paarize asay, Yaabuse asaynne Gergese asay izan diza biitta, iza zereththatas duussa biitta gidana mala laatissanaas caaqo qaala geladasa; neni xillo gidida gishshas ne caaqo qaala minththa naagadasa.

ጋሞ ማጻፋ

⁸ ኢዚ ኔስ ኣማኔቲዳ ኣስ ጊዲዳይሳ ቤያዳ ኢዛራ ጫቄታዳሳ፤ ካናኔ ኣሳይ፥ ሂቴ ኣሳይ፥ ኣሞሬ ኣሳይ፥ ፓሪዜ ኣሳይ፥ ያቡሴ ኣሳይኔ ጌርጌሴ ኣሳይ ኢዛን ዲዛ ቢታ፥ ኢዛ ዜሬታስ ዱሳ ቢታ ጊዳና ማላ ላቲሳናስ ጫቆ ቃላ ጌላዳሳ፤ ኔኒ ጺሎ ጊዲዳ ጊሻስ ኔ ጫቆ ቃላ ሚን ናጋዳሳ።

ናሂሚያ ማጻፋ 9:8 Referans Kwoze

Ibirawe 6:18

Xoossi ay wodekka wordotanaas dandayenna; izi laamettontta nam7u miishshatan nu sinththan diza hidotaa oykkanaas izakko shiiqida nuni gita minoteth demmana mala ooththides.

ሜቴ ማጻፋ 15:6

Abraameykka GODAA ammanides; iza ammanoykka Xilloteththan qoodettides.

ኢያሶ ማጻፋ 23:14

«Be7ite taas ha7i hayqo wodey gakkides; GODAA intte Xoossay inttes immida lo7o hidota ubbaafe issinokka izi ashshonttayssa intte kumeththa wozinappenne kumeththa shemppofe ereeta; izi inttes immana gida hidotay pacey baynda mulera polettides.

ሜቴ ማጻፋ 12:7

GODAY Abraames qonccidi, «Ha biittaa tani ne zereththas immana» gides; izi baas qonccida GODAAS he sohon yarsho yarshizaso keexxidi goynnides.

1ዮሃኒሳ ኪታ 1:9

Nuni nu nagaraa paaxikko izi nu nagaraa atto gaanaassinne nu qohoppe nuna wursi geeshshanaas izi ammanettidaadenne xillo.

Ibirawe 11:17

Xoossi Abrahaamey ba naaza Yisaaqa shukkana mala paacciin Abrahaamey Yisaaqa yarshanaas ammanon shiishshides; Xoossi izas immana gidayssa izikka ba naa issineza shukkanaas giigettides.

Titosas 1:2

iza ammanoynne erateththay kaseppe oykkidi wordotontta Goday daro wodeppe kase ba immida mernaa de7o hidota mala.

ሃዋሬታ ኦሶ 13:22

Sa7oole shaaridaappe guye Dawite kawoththides; iza gishshas, ‹Ta wozina mala hanizayssanne ta koyidayssa ubbaa ooththiza Isseye naa Dawite ta demmadis› giidi Dawite gishshas Xoossi markkattides.

ኢያሶ ማጻፋ 11:23

GODAY Muse azazida mala Iyaasoy biitta ubbaa oykkides; histtidi Isra7eele asaas istta qommon qommon shaakki immides; hessafe guye biittay olappe shempides.

ኢያሶ ማጻፋ 11:3

Qasse arshey keziza baggaranne wulliza baggara diza Kanaanetas, Amooretas, Hiitetas, Paarizetas, shaara menththon diza Yaabusetassinne Mixiphpha biittan Hermoone zumaappe garsa baggara diza Hiiwe kawotas kiittides.

ኢያሶ ማጻፋ 9:1

Yordaanoose shaafappe arshey wulliza baggara pude gezzen diza derey, gadhan diza derey Libaanoose gakkanaas diza gita abbaa gaxan diza Hiiteta, Amooreta, Kanaaneta, Paarizeta, Hiiwetanne Yaabuseta kawoti ubbay Isra7eele asay xoonidayssa siyida.

ዛሬ ማጻፋ 26:3

Histtada he woden aawateththan ooththiza qeesezakko baada, «GODAA ne Xoossay nuus immana giidi kase nu aawatas caaqqida biittayo ta gelidayssa ne GODAA sinththan hach markkattays» ga.

ዛሬ ማጻፋ 9:5

Intte istta biittaa laattana mala GODAA intte Xoossay isttas aaththi immizay intte xillonne suure ooththida gishshas gidenna; istti iitata gidida gishshassinne Xoossay kase intte aawatas Abrahaames, Yisaaqassinne Yaaqoobes immida hidota qaalaa naaganaas koyida gishshas istta shoddi gooddana.

ዛሬ ማጻፋ 7:1

GODAA intte Xoossay intte laattanaas biza biittayo inttena gelththiza wode qasseka inttefe wolqqamizanne minniza laappun kawoteththata heytikka Hiiteta, Gergeseta, Amooreta, Kanaaneta, Paarizeta, Hiiwetanne Yaabuseta intte sinththafe dhoqalli dhayssana.

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ኬሳ ማጻፋ 3:17

Tani inttena Gibxe biittaa waayeppe kessada pude maaththinne eessi goggiza Kanaaneta, Hiiteta, Amooreta, Paarizeta, Hiiwetanne Yaabuseta biitta efana gadis› gides» gaada yoota.

ኬሳ ማጻፋ 3:8

Hessa gishshas tani istta Gibxe biitta asata kusheppe ashshanaasinne he biittafe istta kessada, aahonne lo7o biitta efanaas haa duge wodhdhadis. He biittay maaththinne eessi goggiza biitta; ha7i he biittan Kanaaneti, Hiiteti, Amooreti, Paarizeti, Hiiwetinne Yaabuseta geetettiza asati deettes.

ሜቴ ማጻፋ 22:12

«Naaza bolla ne kushe woththofa; iza aykkoka ooththofa; neni ne mexi issi naazakka tana diggontta gishshas neni Xoossas yayyiza as gididayssa tani ha7i eradis» gides.

ዬ ማጻፋ 116:5

GODAY kiyanne xillo; nu Xoossay maarizayssa.

ታይቦ ማጻፋ 13:29

Amaaleeqe asay Negeben dishin, Hiite asay, Yaabuse asaynne Amoore asay bolla gezze biittan Kanaane asay qasse Yordaanoose haaththa gaxaninne Mediteraane abba achchan deettes» gi yootida.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

2ሳሜላ ማጻፋ 22:31

«Xoossa ogey kumeththa; GODAA qaalay muuruta; izan ammanettidayta ubbaas izi gondalle.

1ታሪኬ ማጻፋ 1:14

qasseka Kanaaney Yaabusetas, Amooretas, Gergesetas,

1ታሪኬ ማጻፋ 16:16

Abrahaames caaqqida caaqaa, Yisaaqas immida hidota qaalaa,

ኢዝራ ማጻፋ 9:15

GODAA Isra7eele Xoossawu! Neni tumu pirdiza Xoossa; gido attiin nuni guuththati dhayoppe attidi de7on daana mala ooththadasa; nuni ne sinththi shiiqana bessizayta gidokkoshin hekko nuni nu moorora ne sinththi shiiqidos.»

ናሂሚያ ማጻፋ 9:33

Ne nuna qaxxayana gaada ne ooththidayssi wuri likke; nuni nagara ooththikokka neni ne ammaneteththan minna eqqadasa.

ሂዚቄላ ቲንቢቴ 33:24

«Haysso asa nawu! Isra7eele biittan laaletti diza asati, ‹Abrahaamey barkka diza issi as gidikkoka biittayo laattides; nuni gidikko cora; tumappe biittaya nuus xinxxo gida imettadus› geettes.