ናሂሚያ ማጻፋ 9:6 - Geeshsha Maxaafa

⁶ Hessafe guye Isra7eele asay, «Xoossoo, ne xalla Goda; Salonne salo bolla dizayta, sa7anne sa7a bolla dizayta, gita abbanne iza giddon dizayta ubbaa medhdhiday nena. Ubbaas de7o shemppo immadasa; Salo medheteththati ubbay nees goynneettes.

ጋሞ ማጻፋ

⁶ ሄሳፌ ጉዬ ኢስራኤሌ ኣሳይ፥ «ጾሶ፥ ኔ ጻላ ጎዳ፤ ሳሎኔ ሳሎ ቦላ ዲዛይታ፥ ሳኣኔ ሳኣ ቦላ ዲዛይታ፥ ጊታ ኣባኔ ኢዛ ጊዶን ዲዛይታ ኡባ ሜዳይ ኔና። ኡባስ ዴኦ ሼምፖ ኢማዳሳ፤ ሳሎ ሜቴቲ ኡባይ ኔስ ጎይኔቴስ።

ናሂሚያ ማጻፋ 9:6 Referans Kwoze

ኢሳያሳ ቲንቢቴ 37:16

«Abeet GODAWU, Ubbaafe Wolqqama Xoossawu, kirubetappe giddon uttiza Isra7eele Xoossawu, sa7aa kawoteththata ubbaa bolla ne xalla Xoossaa. Salonne sa7a neni medhdhadasa.

ሜቴ ማጻፋ 1:1

Xoossi koyro salonne sa7a medhdhides.

ዮሃኒሳ ኣጁታ 4:11

«Nu Godaa Xoossoo! Neni ubbaa medhdhida gishshas medheteththi wurikka medhettidaynne shemppora dizay ne shenen gidida gishshas gitateththi, bonchchoynne wolqqayka nees bessees» gida.

ዛሬ ማጻፋ 10:14

Saloynne saloppe bollan diza saloti, biittaynne biitta bolla diza ubbay GODAASSA.

ዛሬ ማጻፋ 6:4

Isra7eele asatoo! Intte hayssa akeekite! GODAA nu Xoossay izi xalla Xoossa.

ኢሳያሳ ቲንቢቴ 44:8

Yayyofte; dagammofte. Hayssa tani inttes yootabeekkinaa? Beniisofe ta inttena erisabeekkinaa? Hessas intte ta markkata. Taappe attiin hara xoossi dizee? Mulekka deenna; woykko hara Zaallay dizee? Deenna; ta oonakka erikke» gees.

ኢሳያሳ ቲንቢቴ 44:6

Isra7eele kawoynne istta wozzizay, GODAY Ubbaafe Wolqqama Xoossay, «Koyroy tana; wurseththika tana. Taappe hara Xoossi baawa.

2ካዎታ ማጻፋ 19:15

Hessafe guye Hizqiyaasi GODAAKKO, «Kirube bolla ne araatan uttida GODAA Isra7eele Xoossoo! Biitta bolla diza ubbaa bolla Xoossi nena; salonne sa7a medhdhiday nena.

ሜቴ ማጻፋ 2:1

Salo bollanne sa7a bolla dizay wuri hayssaththo oosetti polettides.

ኢሳያሳ ቲንቢቴ 43:10

«Intte tana erana malanne ammanana mala, izi tana gididayssa intte akeekana mala, ta markkatinne ta doorida ta aylleti inttena. Taappe kase hara xoossi oosettibeenna; taappe guyenkka hara xoossi deenna.

ዮሃኒሳ ኣጁታ 14:7

Izikka ba qaalaa dhoqqu histtidi, «Xoossas babbitenne iza bonchchite; iza pirda wodey gakkides; Salonne Sa7a, abbanne haaththa, pulttotakka medhdhida Xoossaas goynnite» gides.

ዬ ማጻፋ 36:6

Abeet GODAWU! Ne xilloteththay ubbaafe dhoqqa zumata mala; ne pirdayka ubbaafe ziqqa ciimma mala; neni asaakka do7aakka iitappe naagaasa.

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

Ibirawe 1:3

Izikka Xoossa bonchcho bessizaadenne Xoossa Xoossateththaas lo7o leemiso gididi ba wolqqama qaalan wursika shiishshi oykkides; izi asaa nagarappe geeshshidaappe guye salon bonchcho Xoossaa ushachchan uttides.

Ibirawe 1:6

Qasseka Xoossi ba bayra Naaza duge ha biittaa bolla yeddishe, «Xoossa kiitanchchati wurikka izas goynnetto» gides.

ኢሳያሳ ቲንቢቴ 37:20

Ha7ikka abeet GODAWU, nu Xoossawu neni GODAY xalla Xoossa gididayssa sa7a kawoteththati ubbay erana mala nuna iza kusheppe ashsha!» gi woossides.

ዬ ማጻፋ 86:10

Neni gita; malalisiza miish ooththaasa. Neni xalla Xoossa.

2ካዎታ ማጻፋ 19:19

Ha7ikka GODAWU nu Xoossawu! Neni xalla Xoossa gididayssa ha biittaa bolla diza kawoteththati erana mala iza kusheppe nuna ashsha» gi woossides.

ሂዚቄላ ቲንቢቴ 20:11

Asi naagizaakko shemppora paxa woththiza maara ta isttas immadis; ta wogaakka ta istta erisadis.

ዬ ማጻፋ 146:6

GODAY salonne sa7a, gita abbanne istta giddon diza ubbaa medhdhidayssa; izi ba ammaneteththaa mernaas naagizayssa.

ዬ ማጻፋ 103:21

Intteno salon de7iza minotoo! Iza shene ooththiza aylletoo! GODAA galatite.

ዬ ማጻፋ 33:6

Saloti GODAA qaalan medhettida. Iza doonappe keziza peenon salon diza medheteththati medhettida.

1ካዎታ ማጻፋ 22:19

Mikiyaasi zaaridi, «Histtiko GODAY gizayssa siya! GODAY ba kawoteththa araatan uttiin salo olanchchati ubbay iza ushachcharanne hadirsara eqqidayta tani be7adis.

ዮሃኒሳ ሚሺራቾ 10:30

Taninne ta aaway nu issino» gides.

ሜቴ ማጻፋ 32:2

Yaaqoobey istta be7idi, «Hayssi Xoossi aqizaso» gishe he sohoza Mahanayme gi sunththides.

ሃዋሬታ ኦሶ 4:24

Isttika hessa siyida mala ba qaala dhoqqu histtidi issife Xoossaako, «Wogga Godawu! Neni salonne sa7a, abbanne abba giddon dizayta wursa medhdhadasa.

ናሂሚያ ማጻፋ 9:5

Iyaaso, Qadim7eele, Baane, Hashabinaye, Sherebiya, Hoddiya, Shebaaniyanne Pattaya geetettiza Lewe bagga asati, «Intte dendi eqqidi mernaa GODAA intte Xoossaa galatite; galatappenne anjjofe dhoqqu dhoqqu gida bonchchettida Xoossa sunththa sabbite» gida.

ዬ ማጻፋ 24:10

Ha Bonchcho Kawoy oonee? He Bonchcho Kawoy salo medheteththa GODAA!

ዬ ማጻፋ 102:25

Neni beni sa7a medhdhadasa; salotikka ne kushe ooso.

ዬ ማጻፋ 115:15

Salonne sa7a medhdhida GODAY inttena anjjo!

ኢሳያሳ ቲንቢቴ 45:12

Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ዮናሳ ቲንቢቴ 1:9

Histtiin Yoonaasi zaaridi, «Tani Ibraawe asa; abbaanne biittaa medhdhida salo GODAA goynnays» gides.

ሜቴ ማጻፋ 1:9

Hessafe guye Xoossi, «Saloppe garsara diza haaththi issison shiiqi eelliko mela biittay qoncco» giin hanides.

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ዬ ማጻፋ 124:8

Salonne sa7a medhdhida GODAA sunththan nuus maadoy yees.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.