ናሂሚያ ማጻፋ 9:5 - Geeshsha Maxaafa

⁵ Iyaaso, Qadim7eele, Baane, Hashabinaye, Sherebiya, Hoddiya, Shebaaniyanne Pattaya geetettiza Lewe bagga asati, «Intte dendi eqqidi mernaa GODAA intte Xoossaa galatite; galatappenne anjjofe dhoqqu dhoqqu gida bonchchettida Xoossa sunththa sabbite» gida.

ጋሞ ማጻፋ

⁵ ኢያሶ፥ ቃዲምኤሌ፥ ባኔ፥ ሃሻቢናዬ፥ ሼሬቢያ፥ ሆዲያ፥ ሼባኒያኔ ፓታያ ጌቴቲዛ ሌዌ ባጋ ኣሳቲ፥ «ኢንቴ ዴንዲ ኤቂዲ ሜርና ጎዳ ኢንቴ ጾሳ ጋላቲቴ፤ ጋላታፔኔ ኣንጆፌ ቁ ቁ ጊዳ ቦንቼቲዳ ጾሳ ሱን ሳቢቴ» ጊዳ።

ናሂሚያ ማጻፋ 9:5 Referans Kwoze

1ጴጽሮሳ ኪታ 1:3

Yesus Kirstoosi hayqoppe dendida gishshas nuus de7o gidida hidota immidayssi ba gita maaroteththan nuna baas ooraththa nayta histtida nu Godaa Yesus Kirstoosa Aaway Xoossi galatetto.

2ቆሮንቶሴ ኣሳስ 4:6

Kirstoosa sinththan Xoossi ba bonchcho erateththa poo7o nuus immanaas, «Poo7oy dhuman poo7o» gida Xoossi ba poo7o nu wozinan poo7isides.

Maatosa 11:25

He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays.

ኢዝራ ማጻፋ 3:11

Asaykka wuri, «Xoossay kiya Xoossa; izi Isra7eele asaa siiqiza siiqoy mernaassa» giza mazamure Xoossa bonchchos yexxida; Xoossa Keeththa yoch yes doommishin asay wuri ba qaala dhoqqu histtidi ililishe Xoossa galatides.

1ታሪኬ ማጻፋ 29:13

Ha7ikka nu Xoossawu! Nuni nena galatoos; ne bonchcho sunththaaka sabboos» giidi GODAA galatides;

ዬ ማጻፋ 146:2

Ta de7o layththa ubbaan tani GODAA galatana; tani shemppora paxa diza wode ubbaan ta Xoossa sabbana.

ዬ ማጻፋ 145:5

Istti ne bonchchonne ne gita teema haasayana; tanikka malalisiza ne oosoza zaara zaara qoppana.

ዬ ማጻፋ 145:2

Tani nena ubba gallas sabbana; ne sunththaaka mernaas galatana.

ዬ ማጻፋ 134:1

Intteno GODAA aylletoo! GODAA Keeththan omars ooththizaytoo! ubbayka haa yiidi GODAA galatite.

ዬ ማጻፋ 106:2

GODAY ooththida wolqqama ooso yootanaas, woykko iza galata ubbaa qonccisanaas dandayzay oonee?

ዬ ማጻፋ 16:2

Tani GODAAS, «Neni ta Godaa; neeppe attiin hara lo7oy taas deenna» gadis.

2ታሪኬ ማጻፋ 20:19

Qa7aate zarkketappenne Qoore zarkketappe amarda Leweti eqqidi bantta qaala dhoqqu histtidi GODAA Isra7eele Xoossaa galatida.

2ታሪኬ ማጻፋ 20:13

Yuhuda asay ubbay bantta machchetara, bantta naytara, bantta yidha naytara issi bolla GODAA sinththan eqqida.

1ታሪኬ ማጻፋ 29:20

Hessafe guye Dawiti duulata shiiqida asaas, «GODAA intte Xoossaa galatite» gides; histtiin ubba asay GODAA bantta aawata Xoossaa galatida; GODAA sinththan gufannidi goynnidanne kawaa bonchchida.

1ታሪኬ ማጻፋ 29:11

Abeet GODAWU! Saloninne sa7an diza ubbay neessa; gitateththi, wolqqay, bonchchoy, teemaynne puulateththi neessa.

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

1ካዎታ ማጻፋ 8:22

Hessafe guye Solomooney GODAAS yarsho yarshizaso sinththan kumeththa Isra7eele deraa duulatay dizason eqqidi ba kushe pude salo denththides;

1ካዎታ ማጻፋ 8:14

Isra7eele as ubbay duulatan kumi eqqidishin kawoy isttako simmidi,

ዛሬ ማጻፋ 28:58

Hayssa ha maxaafan xaafettida Xoossa wogaa intte lo7eththi naagontta aggiko qasse malalisizanne yashissiza GODAA intte Xoossa sunththaa intte bonchchontta aggiko,

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ኬሳ ማጻፋ 15:6

«Abeet GODAWU! Ne ushachcha kushey wolqqan goobides; GODAWU ne wolqqama ushachcha kushey morkke menththereththides.

1ካዎታ ማጻፋ 8:15

«GODAA Isra7eele Xoossay galatetto! Ta aawa Dawites ba doonan yootida hidota qaalaa ba kushen polides; he izi immida hidotay,

ናሂሚያ ማጻፋ 9:4

Lewe baggataska eqqiza madirakey dees; he madirakeza bolla Iyaasoy, Baaney, Qadim7eeley, Shebaaniyay, Buuney, Sherebiyay, Baneynne Kanaaney eqqidi ba qaala dhoqqu histtidi GODAA bantta Xoossako woossida.

ናሂሚያ ማጻፋ 9:6

Hessafe guye Isra7eele asay, «Xoossoo, ne xalla Goda; Salonne salo bolla dizayta, sa7anne sa7a bolla dizayta, gita abbanne iza giddon dizayta ubbaa medhdhiday nena. Ubbaas de7o shemppo immadasa; Salo medheteththati ubbay nees goynneettes.

ዳናታ ማጻፋ 13:18

Kiitanchchazikka «Ta sunththay malalsa; neni ta sunththaa ays oychchay?» giidi zaarides.

1ታሪኬ ማጻፋ 16:36

GODAA Isra7eele Xoossay mernaappe mernaa gakkanaas galatetto! Hessafe guye dere ubbay, «Amiin» giidi GODAA galatides.

ኢዮቤ ማጻፋ 1:21

«Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.

ዬ ማጻፋ 66:2

«Xoossa sunththi bonchchetto!» giidi yexxite; bonchcho galata izas immite.

ዬ ማጻፋ 99:3

Gitanne keehippe yashissiza ne sunththa istti ubbay sabbetto! izi dumma!

ዳኔላ ቲንቢቴ 2:20

Daaneeli, «Aadho erateththinne wolqqay izassa; hessa gishshas Xoossa sunththi merppe mernaas anjjetto.