ናሂሚያ ማጻፋ 2:1 - Geeshsha Maxaafa

^1-2 Kawo Arxekisisi kawotida nam7u tammanththo layththan Nisaane geetettiza aginan gallassatappe issi gallas kawozas woyneppe oosettida ushshu duuqqa immadis; he wodeppe attiin kase ta ceecishin kawozi beyi erontta gishshas, «Issi metoy ne bolla gakkiin attiin sakettontta coo mela ne ayfesoy waani laamettidee?» gi oychchides.

ጋሞ ማጻፋ

^1-2 ካዎ ኣርጼኪሲሲ ካዎቲዳ ናምኡ ታማን ላይን ኒሳኔ ጌቴቲዛ ኣጊናን ጋላሳታፔ ኢሲ ጋላስ ካዎዛስ ዎይኔፔ ኦሴቲዳ ኡሹ ዱቃ ኢማዲስ፤ ሄ ዎዴፔ ኣቲን ካሴ ታ ጬጪሺን ካዎዚ ቤዪ ኤሮንታ ጊሻስ፥ «ኢሲ ሜቶይ ኔ ቦላ ጋኪን ኣቲን ሳኬቶንታ ጮ ሜላ ኔ ኣይፌሶይ ዋኒ ላሜቲዴ?» ጊ ኦይቺዴስ።

ናሂሚያ ማጻፋ 2:1 Referans Kwoze

ኢዝራ ማጻፋ 7:1

Daro wodeppe guye Arxekisisi Paarise deren kawotida wode Izra geetettiza asi dees; izikka, Saraya naa, Sarayay Azaariyaasa naa, Azaariyay Kilqiyaasa naa, Kilqiyaasi Shaloome naa,

ናሂሚያ ማጻፋ 1:11

Godawu! Ha7ikka ta woossiza woosaa siya; nena dosidi bonchchana koyza oosanchchata woosa ezga; qasse hayssa kawoza sinththan taas teemateth immada hach tani ne oosanchchazi ooththana koyzayssa taas polisa.» Tani he wode kawoson woyne ushshu gaseththiza asa.

ናሂሚያ ማጻፋ 1:1

Hakaaliya naa Nahimiyay haasayda qaalay hayssafe kaalli dizayssa; Arxekisisi Paarise deren kawotida nam7u tammanththa layththan kisoole geetetti xeygettiza aginan ta Nahimiyay waanna katama Suusan days.

ኣስቴሪ ማጻፋ 3:7

Kawo Arxekisisi kawotida tammanne nam7anththo layththan, Nisaane geetettiza koyro aginan, Ayhudata wodhana aginanne gallassa erana mala, Puurime geetettiza saama Haamay dizason yeggida. Saamazikka Adaare geetettiza tammanne nam7anththo aginan yegettides.

ኢዝራ ማጻፋ 7:7

Qasse Arxekisisi kawotida laappunththa layththan qeesetappe, Lewetappe, yexxizaytappe, Xoossa Keeth naagiza zabetappe, oosanchchatappenne Isra7eele asaappe issi issi asata gujjidi Izrara issife Yerusalaame yida.

ሜቴ ማጻፋ 40:21

Ushshu duuqqizayta halaqaza kase iza shuumeteththan zaariin izi kawo kushen wanca woththides.

ሜቴ ማጻፋ 40:11

He wode Paaroone ushshaa xuu7ay ta kushen dees; tanikka woyneza ayfe maxada xuu7aza giddon gum7ada ushshaa Paaroones immadis» gi yootides.

ዳኔላ ቲንቢቴ 9:25

«Ne hayssa era, akeeka; Yerusalaame zaari ooththanaassinne ooraththanaas awajjay kezida gallassafe doommidi haariza tiyettidaadey yaana gakkanaas laappun saaminttanne usuppun tammanne nam7u saamintta gidana; Yerusalaame ogetinne izis dirsati zaari ooraxana; hessi polettanay meto wodenna.

ኢዝራ ማጻፋ 4:7

Paarise kawo Arxekisisi kawotida wode izara Bishilaame, Mitiradaaxu, Xaabi7eelera ooththiza laggeti izara issife gididi mooto dabdaabbe kawo Arxekisises xaafida dabdaabbezi Aramayke qaalaninne pidalen xaafettidi nababettana mala yedettides.