ናሂሚያ ማጻፋ 1:3 - Geeshsha Maxaafa

³ Isttika taas, «Di7ettidi Baabiloone biitta bontta attida Ayhudati gita metoninne waaye giddon deettes; Yerusalaame gimbetti laalettidi kundida; qasse gimbeza gordiza pengeti taman xuugettida» gida.

ጋሞ ማጻፋ

³ ኢስቲካ ታስ፥ «ዲኤቲዲ ባቢሎኔ ቢታ ቦንታ ኣቲዳ ኣይሁዳቲ ጊታ ሜቶኒኔ ዋዬ ጊዶን ዴቴስ፤ ዬሩሳላሜ ጊምቤቲ ላሌቲዲ ኩንዲዳ፤ ቃሴ ጊምቤዛ ጎርዲዛ ፔንጌቲ ታማን ጹጌቲዳ» ጊዳ።

ናሂሚያ ማጻፋ 1:3 Referans Kwoze

ናሂሚያ ማጻፋ 2:17

Hayssafe guye, «Ane nuus diza meto xeellite! Yerusalaamey laalettida laaleththi doore gidides; izi gimbeza pengetikka taman xuugetti dhayda; hessa gishshas ane dendidi katamaza gimbe zaari gimboos; nu bolla gakkida yeellateththaaka ane diggoos» gadis.

2ካዎታ ማጻፋ 25:10

Kawo bonchcho naagizayta azazizayssa kaallida kumeththa Baabiloone olanchchati Yerusalaame yuushon diza gimbeza laalli yeggida.

ናሂሚያ ማጻፋ 7:6

Baabiloone kawo Nabukadanaxoorey di7idi ba dere efida asatappe guye ba katama katama Yerusalaamenne Yuhuda simmida asati hayssafe kaallizayta;

ናሂሚያ ማጻፋ 2:13

Giddoth zulle pengera kezada dawe pultto geetettizasora pinnada duge baggan buura yeggizasora aadhdha bashe laalettida katamanne taman eexxi dhayda gimbe pengeta beyadis.

ናሂሚያ ማጻፋ 2:3

Tanikka keeha babbashe, «Kawoo! Ne mernaas kawota! Kase nu aawati izan moogettida katamay laalettidinne he katama gimbe pengey taman xuugetti dhayshin tani waanada ceecikkinaa!» gadis.

ኢዝራ ማጻፋ 5:8

nuni Yuhuda biitta biidi gita Xoossa Keeththay gita masettida shuchchaninne miththan keexettidayssa be7idayssi nees eretto; he oosozikka cimati kaaleththishin maaraninne eeson ooseteththa bolla dees.

ኤርማሳ ዚላስ 5:1

Abeet GODAWU! Nu bolla gakkidayssa ne qoppa; nu kawushshateththaka xeella.

ኤርማሳ ዚላስ 3:61

Ta GODAWU! Istti tana cayida cashshanne ta bolla maqettida maqqoza ne siyadasa.

ኤርማሳ ዚላስ 1:7

Yerusalaamey metotida wodeninne waayettida gallassatan kase izis diza aqota yuushsha qoppawus; iza morkke kushen kundida wode izo maaddizay oonikka baynda wode, izi morkketi izi kundeththaa be7idi izi bolla miiccida.

ኤርማሳ ቲንቢቴ 52:14

Kawoza bonchcho naagiza wottadarata halaqappe garsara diza Baabiloone olanchchati ubbay Yerusalaame yuushon diza gimbeza ubbaa laallida.

ኤርማሳ ቲንቢቴ 42:18

«Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.

ኤርማሳ ቲንቢቴ 39:8

He wode Baabiloone olanchchati kawo keeththanne asay diza keeththata ubbaa taman xuuggida; Yerusalaame gimbekka laallida.

ኤርማሳ ቲንቢቴ 29:18

Tani istta mashshan, koshaninne iita hargen yedeththana; histtada tani istta sa7a kawoteththata ubbaa sinththan kadhessinne qidhes kessana; qasse tani istta yedeththa yeddida deraa giddon qanggeththassinne dagamas, boressinne kadhes malata gidana.

ኤርማሳ ቲንቢቴ 24:9

Biitta bolla kawoteththata ubbaa sinththan harassettizaytanne cayettidayta gidana; istta laalla yeddizaso ubbaan istti qidhes, leemisos, kadhessinne qanggeththas ta istta ooththana.

ኤርማሳ ቲንቢቴ 5:10

Qasseka GODAY, «Woyne tura giddo biidi iza moorite; gido attiin mulera dhayssofte. Istti GODAAS gidontta gishshas izi haggata tarshi tarshi yeggite; Isra7eele asaynne Yuhuda asay mulera tana kaddida» gees.

ኢሳያሳ ቲንቢቴ 43:28

Hessa gishshas tani ne Xoossa Keeththa halaqata kawushshana; Yaaqoobe bashshas, Isra7eelekka cashshas aaththa immana» gees.

ኢሳያሳ ቲንቢቴ 5:5

Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ዬ ማጻፋ 79:4

Nu shoorotas nuni qilccas gididos; nu heeran dizaytas qidhessinne miichchas attidos.

ኣስቴሪ ማጻፋ 1:1

Kawo Arxekisisi Hinde biittafe Tophphiya biitta gakkanaas diza 127 dereta haariza wode hayssafe kaallizayssi hanides;

ናሂሚያ ማጻፋ 11:3

Hara gutataninne katamatan de7iza Isra7eele asay, qeeseti, Lewe baggati, Xoossa Keeththa oosanchchatinne Solomoone aylleta zereththati ba haaroy dizason dizason de7ida; hayssafe kaalli xaafettidayti Yerusalaamen de7iza Yuhuda dere kaaleththiza asata.

ኢዝራ ማጻፋ 2:1

Baabiloone kawo Nabukadanaxoorey Baabiloone dere di7i efidaytappe Yuhudanne Yerusalaame katamata simmida asati hayssafe kaalli dizayta;

1ካዎታ ማጻፋ 9:7

Isra7eele deraa kase tani immida biittaafe dhoqallana; tani ta sunththas dummasida ha Xoossa Keeththaaka aggaagana; hessafe guye Isra7eele asay kawoteththata ubbaa giddon qidhessinne miichchas attana.

ሌሚሶ ማጻፋ 25:28

Bana haarontta asi gimbey laalettida katama mala.

ኤርማሳ ዚላስ 2:9

Izi pengeti duge biittan gelida; kare gordiza birata kolatati meqeretti wodhdhida; izi kawozinne daannati ayzaabetan di7etti bida; hayssafe guye kase isttas diza wogay ooththenna; izi nabetaska hayssafe guye GODAAPPE ajjuutay qonccenna.

ሌዌታ ማጻፋ 26:31

Ta intte katamata laallana; intte goynnizasota ta kays histtana; sawiza intte yarshoza ta ekkike.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

2ታሪኬ ማጻፋ 36:19

Hessafe guye Baabiloone olanchchati Xoossa Keeththaa taman xuuggida; Yerusalaame dirsa gimbezakka laallida; kawoteththa keeththata taman xuuggida; heen de7iza al7o miishshata ubbaaka dhayssida.