ናሆሜ ቲንቢቴ 2:2 - Geeshsha Maxaafa

² Dhayssizayti istta mela ashshikokka, istti woyne atakilte tokkizasoho mulera dhayssikoka Isra7eele bonchcho ubbaa mala GODAY Yaaqoobe bonchchoka zaarana.

ጋሞ ማጻፋ

² ይሲዛይቲ ኢስታ ሜላ ኣሺኮካ፥ ኢስቲ ዎይኔ ኣታኪልቴ ቶኪዛሶሆ ሙሌራ ይሲኮካ ኢስራኤሌ ቦንቾ ኡባ ማላ ጎዳይ ያቆቤ ቦንቾካ ዛራና።

ናሆሜ ቲንቢቴ 2:2 Referans Kwoze

ሶፎናሳ ቲንቢቴ 3:11

Intte ta bolla polida qoho ubbaafe dendidayssan; he gallas yeellatekketa; ba otoreteththan ufayettizayta, hanno ha katamayppe ta diggana. Hessafe guye ta geeshsha zuman, intte ta bolla otoretteketa.

ሂዚቄላ ቲንቢቴ 37:23

Istti bantta eeqa xoossatan, harassiza bantta misletan, woykko bantta nagarankka banttanateththaa tunisettenna. Gaasoykka istti tana aggidi ooththida nagara ubbaafe ta istta ashshananne geeshshana; istti ta dere gidana; tanikka istta Xoos gidana.

ኢሳያሳ ቲንቢቴ 60:15

«Hanne ixettada yegettidaaree, oonikka ne giddora kanththi bizaaro gidontta aggikokka tani nena mernaa ceeqossinne yeleta ubbaas ufays histtana.

ሆሴኤ ቲንቢቴ 10:1

Isra7eele asay daayida woyne miththa mala. Istti daro ayfe ayfida; ayfezi darida keena daro yarshosoho medhdhida. Istta biittaya lo7o ayfe immada istta duresida mala istti goynniza tuussata aleqessida.

ኤርማሳ ቲንቢቴ 49:9

Woyne maxizayti intteko yiidi maxishe pushulo ashshi erettennee? kaysoti kaysotana gelikko ba koyidayssa xalla ekkeettes deettennee?

ኤርማሳ ቲንቢቴ 25:29

Be7ite; ta sunththay xeygettida katamayo ta dhayso doommana; histtiin intte qaxxayettontta atti baanee? Tani sa7an diza ubbaa bolla ola xeygida gishshas intte qaxxayettontta atteketa› gees» gides.

ዬ ማጻፋ 47:4

Izi nuus laata biitta doorides; he biittayn izi dosiza Yaaqoobey ceeqettees.

ኤርማሳ ቲንቢቴ 48:11

«Mo7aabey yelagateththafe doommidi gacettontta tocera diza woyne ushsha mala woppan dees; otoppe oton laamettibeenna; izi di7etti bi erenna; iza mal7oy kase diza mala dees; iza sawoykka laamettibeenna.

ሂዚቄላ ቲንቢቴ 37:21

Neni isttas Ubbaa Haariza GODAY, ‹Tani Isra7eele asaa istti bida kawoteththata giddofe kessana; tani istta ubbasoppe shiishshada istta biitta zaara ehana.

ናሆሜ ቲንቢቴ 2:10

Qocirettadus; bonqqettadus; kallottadus; wozinay taahides; gulbatey kokkorides; ashoy qaaxxides; ayfesoykka gilqides.

ናሆሜ ቲንቢቴ 3:14

Nena giddoththiza wodes haath duuqqa; nees teqe minththa giigsa; mana urqqa koya; Urqqaa yedhdhada xuube ooththa.