ናሆሜ ቲንቢቴ 1:8 - Geeshsha Maxaafa

⁸ Gido attiin izi Nannawe wolqqama di7o haaththan dhayssana; ba morkketa dhumay dizaso yedeththana.

ጋሞ ማጻፋ

⁸ ጊዶ ኣቲን ኢዚ ናናዌ ዎልቃማ ዲኦ ሃን ይሳና፤ ባ ሞርኬታ ማይ ዲዛሶ ዬዴና።

ናሆሜ ቲንቢቴ 1:8 Referans Kwoze

ሂዚቄላ ቲንቢቴ 13:13

Hessa gishshas Ubbaa Haariza GODAY, «Gimbe dirsaa dhayssanaas tani ta yiillon gote carko yeddana; ta hanqon shach yeddana; handzdzidze ira gita bashshara kiittana.

ኢሳያሳ ቲንቢቴ 28:17

Tani suure pirda wadha wodoro, xilloteththika tumbe mala ooththana; intte wordo zempposo ooththidayssa shachcha iray meeccana; intte qotetti attizasozakka haaththi mittana» gees.

ኢሳያሳ ቲንቢቴ 8:22

Hessafe guye istti duge biitta xeellana; istti xeellanayssika waaye, dhumanne dhippi gida babisiza miish xalla; istti girdi gida dhuman yegettana.

ሶፎናሳ ቲንቢቴ 2:13

Izi ba kushe pudeha baggan diza dereta bolla denththana; Asoore dhayssana. Nannawekka bulasana; bazzo biitta mala melissana.

ኣሞጼ ቲንቢቴ 8:8

Hayssa geedon biittay buro qaaxxana; biittay bolla dizay wurikka yeekkana; Abbaye shaafay kixxidi guummizayssaththo biitta ubbay qaaththi yoshikuyoshikana» giidi barkka banan caaqqides.

Maatosa 8:12

Salo Kawoteththi isttas gidana bessiza asati heen kare dhuman yegettana. Heenkka yeehonne achcha garccech gidana» gides.

Maatosa 7:27

Deexo iray bukkiin haroykka harottides; carkoyka carkides; he keeththaaka sugides; keeththayka iita kundeth kundides» gides.

ናሆሜ ቲንቢቴ 2:8

Nannawey eele haaththa mala; izi haaththika miccana. «Eqqa! Eqqa!» gi istti waassana; gido attiin guye simmizay deenna.

ናሆሜ ቲንቢቴ 1:1

Elqoshe dere as Nahomey Nannawe dhayo gishshas yootida ajjuuta maxaafay hayssafe kaallizayssa.

ዳኔላ ቲንቢቴ 11:40

«Wurseththa wodey gakkishin dugeha bagga kawoy pudeha bagga kawoza bolla olas worajjana; pudeha bagga kawoy para-gaaren, toganinne markabetan go7ettidi olaa eqettana; di7o haaththa mala daro dereta worajji oykkana.

ዳኔላ ቲንቢቴ 11:22

Hessafe guye izara eqettiza daro olanchchati iza sinththafe pitetti dhayana; caaqeththiza halaqazikka hayqqana.

ዳኔላ ቲንቢቴ 9:26

Usuppun tammanne nam7u saaminttatappe guyen tiyettidaadey aykko mooroy baynda asa kushen hayqqana; buro yaana halaqaza asati Yerusalaamenne Xoossa Keeththaa dippi histti dhayssana; iza wurseththika haaththa di7o mala yaana; wurseth gakkanaas olay gujji gujji baana; bashshi awajettides.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ኢዮቤ ማጻፋ 30:15

Gita dagamay tana gakkides; taas diza bonchchoy carko mala aadhdhides; ta attana giza hidotay shaara mala dendi dhaydes.

ዳኔላ ቲንቢቴ 11:10

Pudeha bagga kawo attuma nayti olas giigettishe keehi wolqqama olanchchata shiishshana; he ola asaykka ba sinththan diza biitta meecci efiza wolqqama di7o haaththa mala ba morkke miixa bolla meto gaththana.

ኢዮቤ ማጻፋ 40:11

Otoranchchata beyada kawushsha; ne hanqoza istta bolla guussa.

ኢሳያሳ ቲንቢቴ 13:9

Be7ite GODAA gallassay menxe iita; biitta mela ashshanaas izin diza nagaranchchata dhayssanaas bashsharanne gita hanqora yaana.

ኢሳያሳ ቲንቢቴ 13:10

Salo xoolinttetinne istta butteti poo7o immettenna; arshey buro mokkida mala dhumana; aginaykka ba poo7o immuku.

ኢሳያሳ ቲንቢቴ 28:2

Be7ite, Godaas wolqqamanne mino gidida issoy dees; hessika shachcha uusho mala, dhayssiza gote carko mala, wolqqama dambala malanne wolqqama ira mala wolqqan izi izo duge biittan yeggana.

ኤርማሳ ቲንቢቴ 51:64

Histtada, ‹Baabilooneykka ta izi bolla ehiza bashshaafe dendidayssan hayssaththo mitettana; nam7anththo simma denduku; izi asaykka kundana› ga» gees. Ermaasi haasayda qaalay hayssan polettides.

1ሳሜላ ማጻፋ 2:9

«Izi geeshshata toho naagees; iitati gidikko dhuman yegettana; asi ba wolqqan xoonenna.

ኢሳያሳ ቲንቢቴ 28:18

Intte hayqora caaqettida caaqoy attana; intte duufora sigettida sigay laalettana; wolqqama boshay pitti ekki bishe inttenakka pitti ekki baana.