ናሆሜ ቲንቢቴ 1:5 - Geeshsha Maxaafa

⁵ Zumati iza sinththan kokkorida; zumbullatikka seerida. Iza sinththan biittay, alameynne izin diza ubbati qaaxxida.

ጋሞ ማጻፋ

⁵ ዙማቲ ኢዛ ሲንን ኮኮሪዳ፤ ዙምቡላቲካ ሴሪዳ። ኢዛ ሲንን ቢታይ፥ ኣላሜይኔ ኢዚን ዲዛ ኡባቲ ቃጺዳ።

ናሆሜ ቲንቢቴ 1:5 Referans Kwoze

ሚኪያሳ ቲንቢቴ 1:4

Muqaadday tama be7idi seeriza malanne haaththi aafora duge goggiza mala he wode zumati iza toho garsan seerana; shoobbatikka phalqetti wodhdhana.

ኤርማሳ ቲንቢቴ 4:24

Tani zumata xeellada istti kokkorishininne zumbullati ubbay yon7iyon7ishin be7adis.

2ሳሜላ ማጻፋ 22:8

«Izi hanqettida gishshas biittaya kokkoradussinne shirotadus; salota yochchi za7idessinne qaaxxides.

ኢምባቆ ቲንቢቴ 3:10

Zumati nena be7idi mannida; Haaththaa dambalay aadhdhi bides; abbay ceeqettides; abbaa dambalakka pude denththides.

ዬ ማጻፋ 68:8

Siina Xoossa sinththan, Isra7eele Xoossa sinththan biittay qaaxxides; saloti ira duge tigida.

ዳናታ ማጻፋ 5:5

GODAA Isra7eele Xoossaa sinththaninne Siina GODAA sinththan zumati qaaxxida.

ዬ ማጻፋ 114:6

Intteno zumatoo! Dharsho mala ays guppidetii? Intteno zumbullatoo! Dorsa laaqqa mala ays xikkidetii?

ዬ ማጻፋ 114:4

Zumati dharsho mala guferettida; zumbullatikka dorsa laaqqa mala xikkida.

ዬ ማጻፋ 98:7

Abbaynne abba giddon kumida ubbay guummo! sa7aynne sa7a bollan diza ubbay yexxo!

ዬ ማጻፋ 46:6

Kawoteththati makkallan dendida; kawotikka kundida; izi ba qaala dhoqqu histti sissides; biittayka seerides.

ኬሳ ማጻፋ 19:18

GODAY Siina zumaa bolla tamara wodhdhida gishshas gita cooceppe keziza mala cuway tullu gi kezidi zumaa kumeth kammides; zumazi kumeth keehi qaaxxides.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.

Maatosa 28:2

Qoppontta dishin gita biitta qaaththi hanides; Godaa kiitanchchayka saloppe wodhdhi duufaakko biidi shuchchaa genderisidi iza bolla uttides.

Maatosa 27:51

He wode Xoossa Keeththaa magalashay bolla hu7era duge simmi daakettidi nam7u kezides; biittay qaaxxides; zaallati za7ida.

ዮሃኒሳ ኣጁታ 6:14

Saloykka waraqata mala xaaxetti kichchides; zumatinne abba giddon diza gadeti wurikka ba dizasoppe dhayda.

ዬ ማጻፋ 18:7

Xoossi hanqettida gishshas biittay qaaxxides; zumata xaphoy kokkorides.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኢሳያሳ ቲንቢቴ 24:1

Be7ite! GODAY biittaa bula kessana; mulera dhayssana; budheththa doore histtana; izin diza asaa laallana.

ኢሳያሳ ቲንቢቴ 24:20

Biittay maththottida asa mala yiicotides; carkoy sugida gaabba mala gidadus. Biitta makkallateththay deexo gidida gishshas kundana; nam7anththoka simmi dendenna.

ኢዩኤሌ ቲንቢቴ 2:10

Biittay istta sinththan kokkorana saloykka qaaxxana; awa ayfeynne aginay dhumana; xoolintteyka poo7o immenna.

ዛካራሳ ቲንቢቴ 4:7

«Haysso gita zumazo ne aazee? Ne Zerubaabele sinththan tidhdhi gida demba gidana; qasse Zerubaabeley Xoossa Keeththa keexxi giigidi qustte shuchcha pude kessiza wode asay, ‹Hashshu hashshu lo7on polettides› gi sabbana» gees.

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ኢዮቤ ማጻፋ 9:5

Akeekontta zumata kokkorsana; ba hanqozankka shirechchi yeggana.

ኢዮቤ ማጻፋ 26:11

Izi hanqiza wode salo tuussati dagaman kokkoreettes.

ዬ ማጻፋ 18:8

Iza sidheppe hanqo cuway cuwattides; iza doonappe miza tama lacoy kezides; iza doonappe xuuggiza bonqoy pulttides.

ዬ ማጻፋ 104:32

Izi biitta xeelliin biittay qaaxxees; qasse izi zumata bochchiin zumati cuwatteettes.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ሂዚቄላ ቲንቢቴ 38:20

Abba moleti, salo kafoti, wora do7ati, biitta bolla tiran gooshettiza ay medheteththatikka, hessaththo biitta bolla diza as ubbay ta sinththan kokkorana; zumati shiretti shiretti wodhdhana; aafoti woddana; dirsa gimbey ubbay laalettana.

ኣሞጼ ቲንቢቴ 9:5

Ubbaa Haariza GODAY izi biittayo bochchees; izakka seerawus; izin diza ubbay yeekkees; Nayle shaafay kixxi guummiza mala biitta ubbay qaaxxees; qasse zaaridi kixa haaththi wodhdhiza mala wodhdhana.