ናሆሜ ቲንቢቴ 1:12 - Geeshsha Maxaafa

¹² GODAY, «Istti ay wolqqamatanne darota gidikkoka istti qanxxetti dhayana. Haysso Yuhuda neni hayssafe kase ta nena un7eththidaa gidikko hayssafe guye ta nena un7eththike.

ጋሞ ማጻፋ

¹² ጎዳይ፥ «ኢስቲ ኣይ ዎልቃማታኔ ዳሮታ ጊዲኮካ ኢስቲ ቃንጼቲ ያና። ሃይሶ ዩሁዳ ኔኒ ሃይሳፌ ካሴ ታ ኔና ኡንኤዳ ጊዲኮ ሃይሳፌ ጉዬ ታ ኔና ኡንኤኬ።

ናሆሜ ቲንቢቴ 1:12 Referans Kwoze

ኢዩኤሌ ቲንቢቴ 2:19

Hessa gishshas GODAY, «Intte kath, woyne ushshinne wogara zayte kallana gakkanaas ta inttes immanaas hayssafe guye kawoteththati inttena baas kaassa miish histtana mala ta isttas aaththa immike.

ዮሃኒሳ ኣጁታ 7:16

Hayssafe guye istti gafettenna; saamottettenna; arshe seelaykka istta bochchennanne hombeyka istta hombenna.

ናሆሜ ቲንቢቴ 1:15

Hekko mishiraachcho yootizayssi, saroteth awajjizayssi zumaa bollara yuussan dees. Yuhuda ne ba7aaleta bonchcha; ne adinettidayssa gaththa; hayssafe guye iitati ne dere worajjettenna; istti mulera dhayana.

ዳኔላ ቲንቢቴ 11:10

Pudeha bagga kawo attuma nayti olas giigettishe keehi wolqqama olanchchata shiishshana; he ola asaykka ba sinththan diza biitta meecci efiza wolqqama di7o haaththa mala ba morkke miixa bolla meto gaththana.

ኢሳያሳ ቲንቢቴ 51:22

Ba deraa ashshiza ne GODAY Ubbaafe wolqqama Xoossay, «Be7a; nena gandigarssiza ushshaa ne kusheppe ta ekkadis, ta hanqo xuu7aappe nam7anththo uyakka.

ኢሳያሳ ቲንቢቴ 37:36

He gallassa omarsi GODAA kiitanchchay ke7idi, Asoore asay dunkkaani dizason, 185,000 attumasata wodhides. Histtiin asay maalado suuridi be7iza wode hayqqida asaa ahay heen kumides.

ኢሳያሳ ቲንቢቴ 31:8

«Asoorey asa mashsha gidontta mashshan hayqqana; asho may7idaade mashsha gidontta hara mashshay iza maana; izi giththa mashsha sinththafe baqatana; naateththati dosay baynda wolqqaththon ooththana.

ኢሳያሳ ቲንቢቴ 30:19

Intteno Yerusalaamen de7iza Xiyoone derezoo! Hayssafe sinththan intte yeekkeketa; intte izakko waassishin izi inttena waani maarennee? Intte waaso izi siyidi inttes eeson zaaro immana.

ኢሳያሳ ቲንቢቴ 17:14

Hekko Sa7ay qammishin qofay baynda shiro gidides; sa7ay wonttanaappe kasetidi oonikka beettibeenna. Nu aqota bonqqidayta, ubbaa wolqqan ekkizayta qaaday hessa.

ኢሳያሳ ቲንቢቴ 8:8

Buuri ekkidi duge Yuhuda wodhdhana; biittaa kumidi aadhdhana; qoodhe gakkanaas mittana» gides. Gido attiin Amanu7eelee! Micettida iza qefey ne biittaa gaxappe gaxa gakkanaas kammi oykkides.

ኢሳያሳ ቲንቢቴ 7:20

He wode GODAY Efiraaxise Shaafa pinththafe garxxi ehida magallan, hessika Asoore kawoy yiidi inttes hu7e binanaa, intte buuchchinne intte bolla diza iske ubbaa meedana.

2ካዎታ ማጻፋ 19:37

Issi gallas Nisraake geetettiza ba eeqa xoossaa keeth gelidi izi heen goynnishin iza nayti Adiramelekeynne Sarsarey iza mashshan siifi wodhida; heeppe kessi ekkidi Araraate gakkanaas baqatida; iza naa Aseradooney izasohon kawotides.

2ካዎታ ማጻፋ 19:35

He gallassa omars GODAA kiitanchchay kezidi Asoore asay dunkaani uttidasohon 185,000 as wodhides; wonteththa gallas asay dendishin heera ubbaan ahay kumides.

ኬሳ ማጻፋ 12:12

«Tani he gallas qammara Gibxe biittara hemettashe bayra yelettida, asekka mehekka ubbaa wodhana. Gibxe eeqata ubbaa bollaka tani pirdana; tani GODAA gidikkinaa?

ኢሳያሳ ቲንቢቴ 10:16

Hessa gishshas GODAY, Ubbaafe Wolqqama GODAY, modhdhida iza olanchchata bolla gilqisiza harge yeddana; iza bonchchozappe garsara laciza tama yeddana.