ማርቆሳ ሚሺራቾ 10:19 - Geeshsha Maxaafa

¹⁹ «Neni azazota eray? ‹Wodhoppa; laymatoppa; kaysotoppa; wordo markkattofa; as baleththofa; ne aawaanne ne aayo bonchcha› gizayta» gides.

ጋሞ ማጻፋ

¹⁹ «ኔኒ ኣዛዞታ ኤራይ? ‹ዎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ ኣስ ባሌፋ፤ ኔ ኣዋኔ ኔ ኣዮ ቦንቻ› ጊዛይታ» ጊዴስ።

Gamo Geesha Maxxafa New Testamen

¹⁹ “Neni azazota eray? Wodhoppa laymatoppa kaysotoppa wordo markatofa asse balethoppa ne aawane ne ayo boncha gizayta” gidees.

ማርቆሳ ሚሺራቾ 10:19 Referans Kwoze

ኦሮሜ ኣሳስ 13:9

«Laymatoppa; wodhoppa; amottofa» gizaytinne hara azazoti diikkoka, «As ubbaaka ne mala siiqa» giza hanno issi wogayn wurikka kuuyettides.

ያቆቤ ኪታ 2:11

«Laymatoppa» gidaadey izikka zaaridi, «Wodhoppa» gides. Ne laymatontta aggikokka neni as wodhikko wogappe aadhdhidaade gidaasa.

ሉቃሳ ሚሺራቾ 18:20

‹Laymatoppa; wodhoppa; kaysotoppa; wordo markkattofa; ne aawaa bonchcha› giza azazota ne eraasa» gi zaarides.

1ታሶሎንቄ ኣሳስ 4:6

Hessa malan oonikka balettidi ba ishaa baleththofo; gaasoykka hayssafe kase nu inttes yootida malanne naagettanaas akeekissida mala Goday heytantta mala nagara ooththiza ubbata bolla ba hanqo ehana.

ጋላቲያ ኣሳስ 5:14

Wogay wuri shiiqettidi issi qaalan qashettees; hessika, «Neni ase ne mala dosa!» gizayssa.

ጋላቲያ ኣሳስ 4:21

Intteno Woga garsan aqana koyzayto ane taas yootite; wogay ay gizaakko siyibeekketii?

ኦሮሜ ኣሳስ 3:20

Hessa gishshas wogay nagaray aazakko erisees attiin wogaa naagon oonikka iza achchan xillo geetettanaas dandayenna.

ኢሳያሳ ቲንቢቴ 8:20

Wogaakkonne markkateththa qaalaakko biite! Istti hayssa mala qaala inttes yootontta aggiko wontta poo7oy isttas poo7enna.

ማርቆሳ ሚሺራቾ 10:18

Yesusikka, «Aazas tana kiya gay? Issi Xoossafe attiin kiyay baa» gides.