ሚኪያሳ ቲንቢቴ 7:7 - Geeshsha Maxaafa

⁷ Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.

ጋሞ ማጻፋ

⁷ ታኒ ጊዲኮ ጾሳ ሂዶታ ኦይስ፤ ታና ኣሺዳ ታ ጾሳ ናጋይስ፤ ታ ጎዳይካ ታስ ሲያና።

ሚኪያሳ ቲንቢቴ 7:7 Referans Kwoze

ዬ ማጻፋ 37:7

GODAA sinththan co7u gaada izi ooththana gakkanaas dandayan naaga; iita asati duretikkonne istta qofay polettiko ne istta bolla yiillotoppa.

ኢሳያሳ ቲንቢቴ 45:22

«Intteno biittaa gaxan de7iza ubbatoo! taakko simmidi attite. Tani Xoossa; taappe attiin haray deenna.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ዬ ማጻፋ 25:5

Neni tana ashshiza Xoossa; ne tumateththan tana kaaleththanne tamaarsa; ubba wode ta hidotay nena.

ዬ ማጻፋ 130:5

Tani GODAA laamotan naagays; ta shemppoya dandayan naagawus; iza qaalaakka hidota ooththawus.

ዬ ማጻፋ 109:4

Tani istta siiqishin istti tana mootida; gido attiin ta woossays.

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ዬ ማጻፋ 65:2

Abeet woosa siyizayssoo! Asay ubbay neekko yaana.

ሜቴ ማጻፋ 49:18

«Abeet Godoo! Ta ne maado naagays.

ዬ ማጻፋ 38:15

Gido attiin abeet GODAWU! Tani nenan hidota ooththays; Abeet ta GODAWU! Neni taas zaaro imma.

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ዬ ማጻፋ 50:15

Meto gallas ne tana xeyga; ta nena ashshana; nekka tana bonchchana» gees.

ኢሳያሳ ቲንቢቴ 17:7

He wode asay bana Medhdhidayssako xeellana; istta ayfey Isra7eele Geeshshaako xeellana.

ዳኔላ ቲንቢቴ 3:17

Kawoo! Nuni hayssa laciza itoone taman yegettizaa gidikkoka nuni izas goynniza Xoossay hayssa laciza itoone tamappenne ne kusheppe izi nuna ashshana dandayees.

ሆሴኤ ቲንቢቴ 12:6

Hessa gishshas ne Xoossako simma; siiqonne tumu pirda lo7eththa oykka; ubba wode ne Xoossan ammanetta.

ኢዩኤሌ ቲንቢቴ 1:19

GODAWU! Demba maata ubbaa tamay mida gishshas wora miththaaka tamay mida gishshas ta neekko waassays.

ኢምባቆ ቲንቢቴ 2:1

Tani naage naagizason eqqana; miixa gimbe bolla kezada heen takkana. Ta oyshaas GODAY ay zaaro immanakko ta dizason daada iza naagana.

ታይቦ ማጻፋ 5:28

Gido attiin iza aykko moorokka ooththonttaa gidikko izi bolla aykko qohoykka gakkenna; iza naytakka yelana.

ዬ ማጻፋ 85:5

Neni nuna mernaas hanqettanee? Ne hanqoy yeletappe yeleta gakkanawu gam7anee?

ኤርማሳ ዚላስ 3:24

Taas qaaday GODAA; hessa gishshas ta izan xalla hidota ooththays.

ኢምባቆ ቲንቢቴ 2:3

Ne ajjuutazi baas imettida wode naagees; izikka wurseththa gishshas yootees, wordotenna. Gam7ana misatikkoka naaga; izi tumappe yaana; mulekka gam7enna.