ሚኪያሳ ቲንቢቴ 7:3 - Geeshsha Maxaafa

³ Iza kushey iita ooththanaas tamaardes; dere heemmizaadey kushe genththo koyees; pirdiza daannayka matta7e ekkees; wolqqamati bana koshshidaazi ooththeettes; wurikka issi bolla duulateettes.

ጋሞ ማጻፋ

³ ኢዛ ኩሼይ ኢታ ኦናስ ታማርዴስ፤ ዴሬ ሄሚዛዴይ ኩሼ ጌን ኮዬስ፤ ፒርዲዛ ዳናይካ ማታኤ ኤኬስ፤ ዎልቃማቲ ባና ኮሺዳዚ ኦቴስ፤ ዉሪካ ኢሲ ቦላ ዱላቴቴስ።

ሚኪያሳ ቲንቢቴ 7:3 Referans Kwoze

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ኣሞጼ ቲንቢቴ 5:12

Intte qohoy ay mala darokkonne intte nagaray ay mala deexokko ta erays; intte xillo asata un7eththeeta; matta7e ekkidi pirdason manqotas geella pirdeeta.

ኤርማሳ ቲንቢቴ 8:10

Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

Maatosa 26:15

«Ta inttes iza aaththa immiko intte taas ay immanee?» gides. Isttika izas heedzdzu tammu bira iza kushen taybi immida.

ሆሴኤ ቲንቢቴ 4:18

Woyne ushshu uyidaappe guye laymateettes. Istta ayssizaytikka yeellachchiza miish doseettes.

ሂዚቄላ ቲንቢቴ 22:27

Izi giddon diza gita asati hayqqidayssa puuziza kana suyte mala; istti bessontta dureteth shiishshanaas suuth gusseettes.

ሂዚቄላ ቲንቢቴ 22:6

« ‹Be7a, ne giddon diza Isra7eele daannati issoy issoy suuth gussanaas ba maatan go7etteettes.

ኤርማሳ ቲንቢቴ 3:5

Neni ubbato ta bolla hanqettanee? Ne hanqoy mernaassee?› gadasa. Ee neni hizgaasa; gido attiin neni dandayda keena iita miish ubbaa ooththaasa» gees.

ኢሳያሳ ቲንቢቴ 26:21

Biittaa bollan diza asaa istta nagaraa gishshas qaxxayanaas, GODAY ba de7izasoppe kezidi yees. Biittayka ba bollan gukkida suuththaa qonccisana; hayqqidaytakka hayssafe guye qottuku.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ሌሚሶ ማጻፋ 17:23

Iita asi pirda geellasanaas geeman matta7e ekkees.

ኢሳያሳ ቲንቢቴ 3:5

Derey dere bolla, asi issoy issaa bolla, shooroy shooro bolla, yelaga nayti cimata bolla, shufuroy bonchchettidayta bolla dendana.

ኢሳያሳ ቲንቢቴ 5:23

Matta7e ekkidi, mooranchchata xillisizaytassinne xillo asatasi suure pirdaa diggizaytas aayye ana!

ኢሳያሳ ቲንቢቴ 32:7

Wogay baynda asata hiillateththi iita; metotanchchata maganay suure gidikkoka hiyeesata wordora dhayssanaas iitateththan yuushshi qoppees.

ሂዚቄላ ቲንቢቴ 9:9

Izi zaaridi taas, «Isra7eele keeththa nagaraynne Yuhuda keeththa nagaray keehi darides; biittaya suuth xalla gidadus; qasse katamaya geellateththan kumadus; gaasoykka asay, ‹GODAY biittaa aggides; GODAY be7enna› geettes.

ሂዚቄላ ቲንቢቴ 22:12

Ne giddon diza asati suuth gussanaas maganxo ekkeettes; nenikka yelonne buute daro dich ekkada ne laggezappe bessontta wodhe bonqqaasa; tanakka balettadasa› gees Ubbaa Haariza GODAY.

ሆሴኤ ቲንቢቴ 7:3

GODAY, «Istti kawoza ba iitateththan halaqatakka bantta wordon baleththeettes.

ሚኪያሳ ቲንቢቴ 2:8

Wurseththan intte ta dereta bolla morkke gidi dendideta; isttas ola qofay baynda dishin saroteththara aadhdhizayta bollafe seelo may7o intte qaari ekkideta.

ሚኪያሳ ቲንቢቴ 3:2

Intte lo7o ixxideta; iita qasse dosideta; ta asaa galba shooqideta; istta ashokka meqeththafe shaakkideta.

ሌሚሶ ማጻፋ 16:30

Ayfera qim7oti bessiza asi geellateth qoppees; ba mettershaa saxxiza asi iitaso bees.

ኤርማሳ ቲንቢቴ 4:22

GODAY, «Ta asay eeya; istti tana erettenna. Istti yuushshi qopponttayta; istti akeekay bayndayta; istti iita miish ooththanaas eranchchata; lo7o ooththanaas eray paccidayta» gees.

ሂዚቄላ ቲንቢቴ 34:21

Laafata intte intte hasheninne intte bunqashen sugiza gishshas, istti goodetti baana gakkanaas intte intte kacen icciza gishshas,