ሚኪያሳ ቲንቢቴ 7:19 - Geeshsha Maxaafa

¹⁹ Simmadakka nuus ne qadhettaasa; nu nagarakka ne toho garsan yedhdhaasa; nu qohozakka ubbaa gede cima abba giddo yeggaasa.

ጋሞ ማጻፋ

¹⁹ ሲማዳካ ኑስ ኔ ቃታሳ፤ ኑ ናጋራካ ኔ ቶሆ ጋርሳን ዬሳ፤ ኑ ቆሆዛካ ኡባ ጌዴ ጪማ ኣባ ጊዶ ዬጋሳ።

ሚኪያሳ ቲንቢቴ 7:19 Referans Kwoze

ኢሳያሳ ቲንቢቴ 38:17

Hekko ta meton ceecidayssi taas go7as gidides. Neni ta shemppo bashsha ollafe ne siiqon naagadasa; neni ta nagara ubbaa neeppe guye zaarada oladasa.

ኤርማሳ ቲንቢቴ 50:20

He wodetaninne he gallassatan GODAY, «Isra7eele mooroy koyettana; gido attiin issinakka beettuku; Yuhuda nagaraykka koyettana; gido attiin mulekka beettenna; hayqoppe ta ashshida shoogeta ta maarana» gees.

ኦሮሜ ኣሳስ 6:14

Intte Xoossa kiyateththa garsan deeta attiin woga garsan dontta gishshas inttena nagaray haarenna.

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

ኢሳያሳ ቲንቢቴ 43:25

«Ta gishshas gaada ne qohoza dhayssizay tani tana; ne nagaraa ta qoppike.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

ዬ ማጻፋ 103:12

Arshey mokkizasoppe wullizasoy haakkiza mala GODAY nu mooroza nuuppe haassides.

1ዮሃኒሳ ኪታ 3:8

Nagara ooththizay Xala7eppe; gaasoykka Xala7ey koyroppeka nagara ooththizaade; Xoossa nay qonccidaykka Xala7e ooso laallanaassa.

ኦሮሜ ኣሳስ 8:13

Asho shene mala dizaa gidikko intte hayqqana; asho ooso iitaza intte Ayanan wodhikko intte de7on daana.

ሆሴኤ ቲንቢቴ 14:4

GODAY, «Ta hanqoy istta bollafe simmida gishshas taas ammanettontta ixxida ta deraa ta paththana; ta istta coo mela siiqana.

ዬ ማጻፋ 130:8

Izi Isra7eele asaa istta nagara ubbaafe ashshana.

ዳኔላ ቲንቢቴ 9:24

«Makkallateththaa essanaas, nagara digganaas, qoho wursanaas, mernaa xilloteth ehanaas, ajjuutanne tinbite maatamen shocanaas, geesh gidida giddo qol7a tisttanaas ne deraa gishshassinne ne geeshsha katamay gishshas laappun tammu saaminttay awajettides.

ኤርማሳ ዚላስ 3:32

Izi asa bolla meto ehikkoka ba mernaa siiqon simmi qadhettees;

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ዛሬ ማጻፋ 32:36

Isttas wolqqay daaburdayssanne isttaka maaddizay bayndayssa be7idi, GODAY ba asaas pirdana; ba aylletaskka qadhettana.

ዛሬ ማጻፋ 30:6

Intte de7on daana malanne GODAA intte Xoossaa intte kumeththa wozinappenne kumeththa shemppofe siiqana mala izi inttessinne intte naytas azazettiza wozina immana.

ዛሬ ማጻፋ 30:3

GODAA intte Xoossay inttes qadhettananne inttefe di7ettida intte miishshaa inttes zaarana; intte kase laaletti diza dereppe zaari ehidi qasseka duresana.

Ibirawe 8:12

Istta qohoza ta maarana. Hayssafe sinththan ta asa nagara nam7anththo zaara qoppike» gees.

ኢሳያሳ ቲንቢቴ 33:24

Xiyoonen dishe, «Ta sakettadis» gaana asi deenna; heen de7iza asata nagaray atto geetettana.

ኤርማሳ ቲንቢቴ 33:8

Istti ta bolla ooththida nagara ubbaafe ta istta geeshshana; istti makkallateththan tana qohida nagara ubbaa ta isttas atto gaana.

ሂዚቄላ ቲንቢቴ 18:22

Iza qohoy ubbay qoodettenna. Izi xilloteththa ogen bida gishshas shemppora paxa daana.

ሆሴኤ ቲንቢቴ 14:2

Paaxeththa qaala ekki GODAAKKO simmidi, «Nu nagara ubbaa atto ga; nuni nu doonappe galata shiishshana mala ne maaroteththan nuna ekka.

ዛካራሳ ቲንቢቴ 3:4

Kiitanchchazi ba sinththan eqqidayta, «Hessa qita may7oza iza bollafe qaari diggite» gides; Iyaasoska, «Hekko ta ne nagara neeppe diggadis; ta nena lo7o may7o mayzana» gides.

2ሳሜላ ማጻፋ 24:14

Dawiti Gaades, «Tani keeha ceecadis; iza maaroteththay gita gidida gishshas GODAA kushen nu kundana attiin ta asa kushen kundike» gides.

ዬ ማጻፋ 85:3

Neni yiillotizayssa ubbaa aggadasa; suulliza ne hanqofekka simmadasa.

ኤርማሳ ዚላስ 3:22

Hessika nuni dhayontta aggiday GODAA siiqoy daro gidida gaasonna; iza qadhetaykka mernaas wurontta gishshassa.

ሂዚቄላ ቲንቢቴ 39:29

Tani Ayana Isra7eele asaa bolla gussana gishshas hayssafe guye tani ta ayfeso isttafe genththike. Tani Ubbaa Haariza GODAY hayssa yootays› gees» gides.