ሚኪያሳ ቲንቢቴ 7:18 - Geeshsha Maxaafa

¹⁸ Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ጋሞ ማጻፋ

¹⁸ ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ሚኪያሳ ቲንቢቴ 7:18 Referans Kwoze

ኢሳያሳ ቲንቢቴ 43:25

«Ta gishshas gaada ne qohoza dhayssizay tani tana; ne nagaraa ta qoppike.

ኢሳያሳ ቲንቢቴ 44:22

Tani ne mooro shaara mala, ne nagarakka maalado tulala mala qucca dhayssadis; tani nena wozzida gishshas ha taakko simma› » gees.

ኤርማሳ ቲንቢቴ 50:20

He wodetaninne he gallassatan GODAY, «Isra7eele mooroy koyettana; gido attiin issinakka beettuku; Yuhuda nagaraykka koyettana; gido attiin mulekka beettenna; hayqoppe ta ashshida shoogeta ta maarana» gees.

ኤርማሳ ቲንቢቴ 32:41

Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.

ኤርማሳ ቲንቢቴ 3:12

«Ba; baada pudeha baggas, ‹Hanne ammanoy baynda Isra7eelee simma! Tani maarotay kumidaade gidida gishshas nena iita ayfen xeellike; mernaaskka hanqettike› gees GODAY.

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ዬ ማጻፋ 89:8

Abeet GODAWU! Ubbaafe Wolqqama Xoossawu! Ne mala wolqqamay oonee? Abeet GODAWU! Neni ubbaa miishshan ammanettidaade.

ዬ ማጻፋ 86:15

Gido attiin abeet Godawu! Neni qadhettizaadenne maariza Xoossa; hanqettanaas gam7iza Xoossa; ne siiqoynne ne ammaneteththay keehi daro.

ዬ ማጻፋ 65:3

Nu nagaray nuna mittides; neni gidikko nu balaa atto ga wursadasa.

ዬ ማጻፋ 89:6

Salon GODAARA likkettanaas dandayzay oonee? Salo medheteththata giddonkka GODAA malay oonee?

ሉቃሳ ሚሺራቾ 24:47

Yerusalaameppe doommidi ubba deres nagarappe simoynne maaroteththi iza sunththan yootettana.

ሚኪያሳ ቲንቢቴ 4:7

Gundatappe attidaytanne qohettidayta ta istta mino dere kessana; he gallassayfe doommidi mernaa gakkanaas GODAY Xiyoone zuman istta bolla kawotana.

ሚኪያሳ ቲንቢቴ 2:12

«Yaaqoobe! Tumappe ta inttena issiso shiishshana; Isra7eeletappe attidayta ta issi bolla ehana; yire giddon diza mehe malanne demban heemettiza mehe mala tani inttena issi bolla shiishshana; intte derey wuri as xalla gidana.

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

1ካዎታ ማጻፋ 8:23

histtidi, «Abeet GODAWU, Isra7eele Xoossawu! Bolla salon woykko garsa sa7an ne mala Xoossi deenna; ba kumeththa wozinan ne sinththan minni eqqida ne oosanchchatas ne caaqqida qaalaa naagizaynne ne mino siiqoza qonccisizay nena.

ዛሬ ማጻፋ 33:26

Isra7eele asawu! Saloppe inttena maaddanaas ba teemara shaara bolla hemettiza intte Xoossa mala hara Xoossi deenna.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

ሶፎናሳ ቲንቢቴ 3:17

GODAA ne Xoossay nenara dees; izi ashshiza mino olanchcha. Izi nenan daro ufayettees; izi ba siiqon nena woppisana; ne yeththan izi bonchchettidi ufayettana› gaana.

ሚኪያሳ ቲንቢቴ 7:14

Wora giddoninne cilila maata giddon barkka dizayti ne mehe gidida ne dereta neni ne guufera heemma; beni wode mala istti Baasaaneninne Gala7aaden heemettetto.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ኢዩኤሌ ቲንቢቴ 2:32

GODAA sunth xeygizay wurikka attana; GODAY kase yootida mala Xiyoone zuma bollafenne Yerusalaameppe atoteththi beettana; attanayta garsan GODAY xeygidayti daana» gides.

ኢሳያሳ ቲንቢቴ 57:16

Asa ayanay ta sinththan daaburontta mala ta medhdhida asaas peenoy eqqontta mala ta mernaas walassike; ta ubbato hanqettike.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

ዳኔላ ቲንቢቴ 9:9

Abeet GODAA nu Xoossawu! Nuni ne bolla makkallikokka neni maarizanne atto giza Xoossa.

ኤርማሳ ቲንቢቴ 3:5

Neni ubbato ta bolla hanqettanee? Ne hanqoy mernaassee?› gadasa. Ee neni hizgaasa; gido attiin neni dandayda keena iita miish ubbaa ooththaasa» gees.

ኢሳያሳ ቲንቢቴ 65:19

Tani Yerusalaamen ufayettana; tani ta derezan hombocana; hayssafe guyen yeehoynne waasoy heen seetettenna.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 1:18

Qasseka GODAY, «Haa yiite issoy issaara ane buuxettoos; intte nagaray xeeqa zo7o gidikkoka shachcha mala boottana; suuththa mala zo7ikkoka puutto mala puqqa booth gidana.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 71:19

Abeet Xoossawu! Ne xilloteththay salo gakkides; Abeet Xoossawu! Neni gita miish ooththadasa; nena misatizay oonikka deenna.

ናሂሚያ ማጻፋ 9:17

Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ኬሳ ማጻፋ 34:9

«Abeet Godoo! Neni tanan ufayettidaa gidikko ne nunara issife baana mala ta nena woossays. Hayssi asay wozina muume gidikkoka nu iitateththaanne nu nagaraa atto gaada nuna ne as histta» gides.

ኦሮሜ ኣሳስ 11:4

Xoossi izas, «Ba7aale geetettiza Eeqas goynnonttayta laappun shii as tani taas ashshadis» gi zaarides

ሉቃሳ ሚሺራቾ 15:32

Hayssi ne ishay hayqqides shin paxides; dhaydes shin beettides; hessa gishshas nuni ufayettanaas bessees› gides.»

ሚኪያሳ ቲንቢቴ 5:3

Hessa gishshas yelizaara miixattada yelana gakkanaas Isra7eeley yegetta attana; hankko attida ishatikka simmidi Isra7eele asara walakettana.

ኣሞጼ ቲንቢቴ 8:2

GODAY tana, «Hessi ne be7izayssi aazee?» gi oychchides; tanikka izas, «Teerara diza daachcho beyays» gadis; qasseka Xoossi taas, «Ta dere Isra7eeles wurseththi gakkides; hayssafe guyen tani istta qaxxayontta aggike.

ኣሞጼ ቲንቢቴ 7:8

Izikka, «Amoxe! Hessi ne be7izayssi izi aazee?» gi oychchides. Tanikka, «Tumbeko!» gadis. GODAY zaaridi taas, «Tumben sitti gi oosettontta gimbe mala ta dere Isra7eeley geellattides; hessa gishshas hayssi tumbezi Isra7eele nayta geellateththaa bessiza leemiso; tanikka istta qaxxayontta aggike.

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

ኢሳያሳ ቲንቢቴ 57:10

Ne oge daroppe dendidayssan daaburadasa; gido attiin, ‹Hidotay baawa› gabeekka. Ne wolqqay haa ooraxides; hessa gishshas argacabeekka.

ኢሳያሳ ቲንቢቴ 40:25

Geeshshazi isttas, «Tana oonara giniseetii? Tanara ginattizay oonee?» gees.

ኢሳያሳ ቲንቢቴ 40:18

Histtiin intte Xoossaa oonara giniseetii? Ay mislera gaththi giniseetii?

ዬ ማጻፋ 103:13

Aaway ba naytas qadhettiza mala GODAY baas yayyizaytas qadhettees.

ዬ ማጻፋ 35:10

Ta kumeththa asateththay nena, «Abeet GODAWU! Qohettidayta qohizayta kusheppe ashshizay, hiyeesatanne metotanchchata bonqqizayta kusheppe naagizay hara ne malay oonee?» gaana.

ታይቦ ማጻፋ 23:21

Yaaqoobe zereththa bolla metoy gakkenna; Isra7eele asaa bollaka waayey gakkonttayssi taas beettees; GODAY isttara dees; Xoossi kawo gididayssa istti qonccen yooteettes.

ኤርማሳ ቲንቢቴ 38:8

Abimelekkey kawo keeththafe kezidi,

ኢሳያሳ ቲንቢቴ 62:5

Panththi geela7o ekkiza mala, ne nayti nena ekkana; mishirazi mishirayn ufayettiza mala, ne Xoossi nenan ufayettana.

ሜቴ ማጻፋ 4:7

Ne lo7o ooththidaa gididaakko Xoossi ne yarsho ekkenneeshin? Neni lo7o ooththontta ixxiko nagaray ne karen nena naagees; nagaray nena haarana koyees; neni iza xoonana bessees» gides.

2ታሪኬ ማጻፋ 6:21

Tani ne aylleynne ne dere Isra7eeley haa ne Keeththaako simmi woossiza woosaa neni siya. Neni de7izason salon dashe siyada nuus atto ga.

2ታሪኬ ማጻፋ 30:9

Intte intte GODAAKKO simmiko GODAA intte Xoossay qadhettizaadenne maarizaade gidida gishshas intte ishatanne intte nayta di7i efidayta sinththan istti maaroteth demmidi ha biittaa simmana; intte izakko simmiko izi ba sinth intteko zaarana» giza dabdaabbe efida.

ኢሳያሳ ቲንቢቴ 33:24

Xiyoonen dishe, «Ta sakettadis» gaana asi deenna; heen de7iza asata nagaray atto geetettana.

ኢሳያሳ ቲንቢቴ 64:9

Abeet GODAWU, keeha hanqettofa; nu nagaraakka mernaas qoppofa; nuus woosetta; nu ubbay ne dere gidida gishshas ne ayfeso nuukko haa zaara.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኤርማሳ ቲንቢቴ 33:8

Istti ta bolla ooththida nagara ubbaafe ta istta geeshshana; istti makkallateththan tana qohida nagara ubbaa ta isttas atto gaana.

ሂዚቄላ ቲንቢቴ 18:23

Tumappe nagaranchcha hayqon ta ufayettazinaa? gees Ubbaa Haariza GODAY. Hessafe bollara izi ba biza iita ogeppe simmidi shemppora paxa diikko tana ufayssennee?

ሆሴኤ ቲንቢቴ 14:2

Paaxeththa qaala ekki GODAAKKO simmidi, «Nu nagara ubbaa atto ga; nuni nu doonappe galata shiishshana mala ne maaroteththan nuna ekka.

ኣሞጼ ቲንቢቴ 1:11

GODAY Eedoomes, «Eedoome asay zaari zaaridi ooththida nagara gishshas ta istta qaxxayontta aggike; istti ba ishata Isra7eele naytas qadhettontta mashshan gooddida; ba hanqo doshisontta eexxidi isttas mishettontta ubbaa dippi histtida.

ዳናታ ማጻፋ 10:16

Allaga xoossata ba giddofe diggidi GODAAS goynnida; istta waayeza be7idi GODAY co7u gi agganaas dandaybeenna.

ዬ ማጻፋ 65:4

Neni dooridaadeynne nenara daana mala ne dubbushaakko shiishsha ekkidaadey anjjettidaade; ne geeshshasozappenne ne dunkaane anjjozappe nu kallana.

ኢሳያሳ ቲንቢቴ 38:17

Hekko ta meton ceecidayssi taas go7as gidides. Neni ta shemppo bashsha ollafe ne siiqon naagadasa; neni ta nagara ubbaa neeppe guye zaarada oladasa.

ሂዚቄላ ቲንቢቴ 33:16

Izi ooththida nagarappe issoyka qofettenna; izi suurenne likke gidida miish ooththida gishshas tumappe shemppora paxa daana.

ሆሴኤ ቲንቢቴ 14:5

Tani Isra7eele asaas puuse ira mala gidana; isttika lo7o ciishsha mala ciiyana; Libaanoose ziga mala xapho yeddana.