ሚኪያሳ ቲንቢቴ 7:14 - Geeshsha Maxaafa

¹⁴ Wora giddoninne cilila maata giddon barkka dizayti ne mehe gidida ne dereta neni ne guufera heemma; beni wode mala istti Baasaaneninne Gala7aaden heemettetto.

ጋሞ ማጻፋ

¹⁴ ዎራ ጊዶኒኔ ጪሊላ ማታ ጊዶን ባርካ ዲዛይቲ ኔ ሜሄ ጊዲዳ ኔ ዴሬታ ኔኒ ኔ ጉፌራ ሄማ፤ ቤኒ ዎዴ ማላ ኢስቲ ባሳኔኒኔ ጋላኣዴን ሄሜቴቶ።

ሚኪያሳ ቲንቢቴ 7:14 Referans Kwoze

ሚኪያሳ ቲንቢቴ 5:4

GODAA wolqqan GODAA ba Xoossa sunththa gitateththan minni eqqananne ba mehe izi heemmana; he wode iza wolqqateththay biitta gaxa gakkana gishshas asay giiga duus daana.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኣሞጼ ቲንቢቴ 9:11

«Coo kundi laalettida keeththa mala gidida Dawite zereththata kawoteththas tani zaara essana wodey yaana; tani gimbeza zaara gimbana; laalettidayssaka ooraxissana; kaseyssaththo zaara ooththana.

ኢሳያሳ ቲንቢቴ 40:11

Izi ba wude heenththanchcha mala heemmees; ba laaqqatakka ba qesen tookkees; ba ki7onkka idimmees; dhanththizaytakka loddara kaaleththees.

ኢሳያሳ ቲንቢቴ 37:24

Neni kiittida asata baggara Godaa bolla daro cashsha qaala haasayadasa. Qasseka, ‹Tani cora para-gaaretan zumata kaara, Libaanoose hu7e kezadis. Histtada adussa zigatanne ubbaafe lo7iza xiiddata qanxxadis. Tani keehi dhoqqasohotaninne keehi kayshiza woran gakkadis.

ዬ ማጻፋ 100:3

GODAY Xoossa gididayssa erite; nuna medhdhiday iza; nuni izayta; nuni iza asati izi heemmiza dorsa wudeta.

ዬ ማጻፋ 95:7

Izi nu Xoossa; Nuni iza qooron heemettizayta; nuni izas dorsa wudeta. GODAY inttena gizayssa hach siyite!

ዬ ማጻፋ 28:9

GODAWU! Ne deraa ashsha; nees gidizayta anjja; istta heenththanchchay nena gida; neni istta mernaaskka tookka.

ዮሃኒሳ ሚሺራቾ 17:16

Tani alame as gidonttayssa mala isttika ha alame as gidettenna.

ሚልካሳ ቲንቢቴ 3:4

He wode Yuhudaninne Yerusalaamen shiiqiza yarshoy kase aadhdhida wode mala GODAA ufayssiza yarsho gidana.

ሶፎናሳ ቲንቢቴ 3:13

Isra7eeleppe casha attidayti nagara oosettenna. Wordo haasayettenna; Istta doonankka gene haasayay deenna. Hessa gishshas istti miidi saron de7ana; istta babisana miishshika deenna.

ኤርማሳ ዚላስ 5:21

GODAWU! Neni nuna neekko zaara; nunikka neekko simmana! beni nu bonchchoza zaarada nuna ooraththa!

ኢሳያሳ ቲንቢቴ 65:10

Tana minththi koyza ta derezas, Lasharooney dorsa wudey heemettizaso, Akoore zulley wude mehey pe7izaso gidana.

ኢሳያሳ ቲንቢቴ 35:2

Izi daro ufayettananne miiccana; Libaanoose bonchchoy izas imettana; Qarmeloosenne Lasharoone teema izi may7ana; nu GODAA bonchchonne Xoossaa gitateththaa istti be7ana.

ዬ ማጻፋ 143:5

Tani beni wodeta hassa7ays; neni ooththida ooso ubbaa yuushsha qoppays; ne kushe oosotakka akeekays.

ዛሬ ማጻፋ 33:28

Hessa gishshas Isra7eele asay Saloppe iray izin bukkiza biittayn, kaththinne woyne ushshi izin kumida biittayn hirgay baynda saron de7ana.

ታይቦ ማጻፋ 23:9

Tani istta hayta gita zaallata bolla dashe demmays; dhoqqa zumata bolla dashe ta istta xeellays; istti barkka diza kawoteth; istti bana hara kawoteththara gaththi qoodonttayssi taas beettees.

ኬሳ ማጻፋ 33:16

Neni nunara bontta ixxiko tananinne ne asaan neni sabettidayssa asay wuri wostti eranee? Biitta bolla diza hara asa ubbaafe tananne ne asaa dummasizay hara miishshi aazee?» gides.

ኤርማሳ ዚላስ 1:7

Yerusalaamey metotida wodeninne waayettida gallassatan kase izis diza aqota yuushsha qoppawus; iza morkke kushen kundida wode izo maaddizay oonikka baynda wode, izi morkketi izi kundeththaa be7idi izi bolla miiccida.

ሌዌታ ማጻፋ 27:32

Soo mehetappe tammaafe issay Xoossa gisha; mehey taybettishin tammanththay tammanththay GODAAS dumma shaakettidaaza.

Siiqo Saba 4:1

«Ta godee! Ne ay mala lo7o! Neni ay mala giiga! Ne ayfeti ne ayfeso kammiza quraace giddora xeelliza wode haraphphe mala lo7eettes; ne binanay Gala7aade zumaara duge wodhdhiza deysha wude misatees.

ኤርማሳ ቲንቢቴ 49:31

«Dendite! Hirgay baynda badhdhi gi uttida banan ammanetti uttida kawoteththaa olite! Ibiththi woykko kolatay baynda dishin barkka diza deraa bolla worajjite» gees.

ሂዚቄላ ቲንቢቴ 36:11

Tani intte bolla asa qoodanne meheta qooda gujjana; istti yelettananne corattana; beniissa malakka intte bolla asay daana mala tani ooththana; tani inttena kaseppe aaththa duresana; hessafe guye tani GODAA gididayssa intte erana.

ታይቦ ማጻፋ 32:1

Oroobeele zarkketassinne Gaade zarkketas keehi daro mehey dees; Iyaazeere dereynne Gala7aade derey mehes daro lo7o gididayssa be7ida.

ኢሳያሳ ቲንቢቴ 27:13

He gallas gita zayey punettana; Asooren di7ettidaytinne Gibxen un7ettidayti guye Yerusalaame simmi yiidi geeshsha zumaa bolla GODAAS goynnana.

ኣብዲዩ ቲንቢቴ 1:19

«Yuhuda dereppe dugeha baggara diza Negebe asay Eedoome biitta laattana; arshey wulliza baggara gadhan diza asati Filisxeeme, Efreemenne Samaariya biitta laattana; qasse Biniyaame zereththati Gala7aade biitta laattana.

ዛካራሳ ቲንቢቴ 10:10

Tani istta Gibxeppe kessana; asooreppeka shiishshana; isttas uttizasoy un7anaashe gakkanaas tani istta Gala7aadeninne Libaanoosen shiishshana.

ዛካራሳ ቲንቢቴ 11:7

Hessa gishshas tani bayzizaytassinne shammizaytas qaxxaretta shukettanaas doorettida dorsata heemmizaade gidadis; dorsatakka heemmashe nam7u guufeta ekkada issaa, «Kiyateth» nam7anththoza, «Issifeteth» ga sunththadis.