ሚኪያሳ ቲንቢቴ 6:9 - Geeshsha Maxaafa

⁹ Xoossas baboy aadhdhida erateththa; Siyite! Xoossi katamayo hizgi xeygees, «Iza hanqo guufeza qopite; hessaka giigsiday oonakko wozinan woththite.»

ጋሞ ማጻፋ

⁹ ጾሳስ ባቦይ ኣዳ ኤራቴ፤ ሲዪቴ! ጾሲ ካታማዮ ሂዝጊ ጼይጌስ፥ «ኢዛ ሃንቆ ጉፌዛ ቆፒቴ፤ ሄሳካ ጊግሲዳይ ኦናኮ ዎዚናን ዎቴ።»

ሚኪያሳ ቲንቢቴ 6:9 Referans Kwoze

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ሶፎናሳ ቲንቢቴ 3:2

Iza oonaska azazettuku; ooni zoriinkka ekkuku; GODAANKKA ammanettuku; ba Xoossakokka shiiqukku.

ሆሴኤ ቲንቢቴ 14:9

Aadho eranchchay ha yo7ota akeekana. Akeekizaadey ha yo7ota erana; GODAA ogey suure; xilloti izan hemetteettes. Nagaranchchati gidikko izan dhuphetteettes.

ኢሳያሳ ቲንቢቴ 30:27

Be7ite, GODAA sunththay eexxiza hanqora, shaara mala dhippi gida cuwara haakoppe yaana; iza metershati hanqon kumida; iza inxarsayka xuuggiza tama mala.

ሚኪያሳ ቲንቢቴ 3:12

Hessa gishshas intte geedon Xiyooney goshsha biitta mala goyettana; Yerusalaameykka qolettida keeththa doore gidana; Xoossa Keeththay diza zumaykka sharafa maatay iza bolla diccida zuma gidana.

ኣሞጼ ቲንቢቴ 6:1

Xiyoonen badhdhi gi uttidaytoo! Samaariya zuma bolla hirgay baynda dizaytoo! Isra7eele asay maado koyidi intteko yizaytoo! Intteno dere halaqatoo! Inttes aayye ana!

ኣሞጼ ቲንቢቴ 2:5

Hessa gishshas tani Yuhuda bolla tama yeddana; he tamay Yerusalaame miixata maana» gees.

ሆሴኤ ቲንቢቴ 13:16

Samaariya asay bantta Xoossa bolla makkallida gishshas bantta qoho tookkana; mashshankka siifettana; qeeri nayti biitta bolla dinccettana; qanththara diza maccassata uloy daakettana» gees.

ኤርማሳ ቲንቢቴ 26:18

«Hizqiyaasi Yuhudan kawotidi diza wode Moresheteppe yida Mikiyaasi Yuhuda dere ubbaas, «Ubbaafe Wolqqama GODAA Xoossay, ‹Xiyooney goshsha gade mala goyettana; Yerusalaamey laalli korida keeththa mala gidana; Xoossa Keeththay iza bolla keexettida zumay wora may7ana› gides.

ኤርማሳ ቲንቢቴ 26:6

tani ha Keeththaa Seelo mala ooththana; ha katamayokka sa7a bolla diza kawoteththa ubbaa sinththan qanggettidaaro histtana› gees ga» gides.

ኢሳያሳ ቲንቢቴ 66:6

Hessa kataman diza waasoza siyite; Xoossa keeththan diza caabba siyite; hessika GODAA cenggurssa; izi ba morkketas bessiza waaga qanxxana.

ኢሳያሳ ቲንቢቴ 27:10

Gimbettida katamaya kayzadus; bazzo biitta mala olettidaso gidadus; marati heen heemettidi heen ichchana; izi haggatakka poqqi maana.

ኢሳያሳ ቲንቢቴ 26:11

Abeet GODAWU! Ne qesey dhoqqu dhoqqu gides. Istti gidikko be7ettenna; Ne asaas ne mishettizayssa be7ettonne yeellatetto; Ne morkketas giigida tamay istta mo.

ኢሳያሳ ቲንቢቴ 9:13

Derezi gidikko bana shocida GODAAKKO simmibeenna; Ubbaafe Wolqqama GODAAKKA koyibeenna.

ሌሚሶ ማጻፋ 22:3

Akeekanchcha asi iita be7idi attanaas baqatees; gido attiin akeekay paccida asi meton gelidi qohettees.

ዬ ማጻፋ 107:43

Era asi ha yo7oza ba wozinan woththo; izikka GODAA maaroteth akeeko.

ዬ ማጻፋ 83:18

Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.

ዬ ማጻፋ 48:10

Abeet Xoossawu, ne sunththa malakka ne galatay sa7a gaxa gakkides; ne ushachcha kushey xilloteththan kumides.

ዬ ማጻፋ 9:16

GODAY ba xillo pirdan erettides; iita asi ba kushen ooththida ooso woximaden oykettides.

ኢዮቤ ማጻፋ 10:2

Tani Xoossa hizgana; ta bolla nees lancey diikko taas qonccisa attiin ta bolla pirdofa!

ኢዮቤ ማጻፋ 5:17

«Xoossi seeriza asi anjjettidayssa; hessa gishshas Ubbaa Dandayza Xoossa seera leqqofa.

2ሳሜላ ማጻፋ 21:1

Dawite kawoteththa wode heedzdzu layth kumeth iita koshay biitta bolla dendides; hessa gishshas Dawiti GODAA oychchides; GODAYKKA izas, «Sa7ooli Geba7oone asaa wodhi wursida gishshas iza bollanne izaso asaa bolla suuththa acoy dees» gides.

ኤርማሳ ቲንቢቴ 47:7

Gido attiin GODAY Asqeloonanne abba gaxa olana mala azazishin waani shemppanaas dandayettizee?» gees.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ሚኪያሳ ቲንቢቴ 6:10

Iitateththa keeththatoo! Intte genen shiishshida intte miish wordo maka miishshan makki intte shiishshida shuunniza miishshaa ta doganee?

ኢዮቤ ማጻፋ 23:14

Ta bolla izi qoppidayssa ubbaa polana; hayssa misatiza daro qofati deettes.

ሂዚቄላ ቲንቢቴ 7:9

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana.