ሚኪያሳ ቲንቢቴ 5:13 - Geeshsha Maxaafa

¹³ Masetti kezida intte eeqa misletanne intte eeqasohotakka ta intte giddofe dhayssana; hayssafe guye intte intte kushen ooththidaytas goynneketa.

ጋሞ ማጻፋ

¹³ ማሴቲ ኬዚዳ ኢንቴ ኤቃ ሚስሌታኔ ኢንቴ ኤቃሶሆታካ ታ ኢንቴ ጊዶፌ ይሳና፤ ሃይሳፌ ጉዬ ኢንቴ ኢንቴ ኩሼን ኦዳይታስ ጎይኔኬታ።

ሚኪያሳ ቲንቢቴ 5:13 Referans Kwoze

ሂዚቄላ ቲንቢቴ 6:9

Hayti hayqoppe attidayti di7etti bidason dishe istti tana qoppana; istti taappe haakkidi laymateththan kumida wozinaninne ziitay kumida eeqa xoossata kaalliza intte ayfetan tana mishisideta; ba ooththida iitateththaafenne harassiza eeqa xoossatappe dendidayssan istti barkka bana harassettana.

ሂዚቄላ ቲንቢቴ 36:25

Tani inttena xillo haaththan aracana; intteka geeyana; histtada ta inttena intte eeqa xoossata ubbaafenne intte tunateth ubbaafe geeshshana.

ዛካራሳ ቲንቢቴ 13:2

«Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana.

ሆሴኤ ቲንቢቴ 14:8

Efreemee! Taassinne eeqa xoossatas ay gaytoteththi dizee? Ne woosa siyizaynne nena naagizay tana; Tani ubba wode cilili uttida miththa mala; ne ayfizay taappe dendidayssanna» gees.

ሆሴኤ ቲንቢቴ 14:3

Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ሂዚቄላ ቲንቢቴ 37:23

Istti bantta eeqa xoossatan, harassiza bantta misletan, woykko bantta nagarankka banttanateththaa tunisettenna. Gaasoykka istti tana aggidi ooththida nagara ubbaafe ta istta ashshananne geeshshana; istti ta dere gidana; tanikka istta Xoos gidana.

ኢሳያሳ ቲንቢቴ 2:8

Istta biittan eeqa xoossati kumida; bantta kushen ooththi kessida miishshas goynneettes.

ዮሃኒሳ ኣጁታ 9:20

Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.

ዳናታ ማጻፋ 18:17

Qeesezi isttara gibbe pengen eqon dishin biitta xomosida 5 asati Mikiyaasa soo gelidi, eefude, terafime, miththafe masettida mislenne seerisi medhdhida eeqa xoossaa ekkida.

ኢሳያሳ ቲንቢቴ 2:18

Eeqa xoossati ubbay mulera dhayana.

ሆሴኤ ቲንቢቴ 10:2

Istta wozinan geney kumides; istti ba ooththida geneza waaga ekkana. GODAY istti yarsho yarshizasohota ubbaa laallana. Istti goynniza eeqa xoossa tuussatakka shoddana.

ናሆሜ ቲንቢቴ 1:14

Hanne Nannawe GODAY nena, «Hayssafe sinththan ne sunth xeygiza yeletay deenna. Ne eeqa xoossata keeththan diza masetti giigida misletanne seerisi giigsida eeqa xoossata dhayssana; ne iita gidida gishshas ne moogettanaaso ta bookkana» gees.

ሶፎናሳ ቲንቢቴ 1:4

GODAY, «Tani Yuhudaninne Yerusalaamen diza as ubbaa qaxxayana; qasseka Ba7aale, istta eeqa xoossatanne laymatiza qeeseta hayssafe ta milxi histta dhayssana.

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ሂዚቄላ ቲንቢቴ 16:41

Ne keeththata taman xuuggana; daro maccassata sinththan ne bolla qixaate ehana; ne laymateththaa ta nena diggana; hayssafe guye ne siiqotas ne miish qanxxaka.