ሚኪያሳ ቲንቢቴ 3:6 - Geeshsha Maxaafa

⁶ Hessa gishshas istta bolla qammay beettontta, dhumay erontta gakki wodhdhana; nabeta bolla arshey gelananne gallassay isttas qammana.

ጋሞ ማጻፋ

⁶ ሄሳ ጊሻስ ኢስታ ቦላ ቃማይ ቤቶንታ፥ ማይ ኤሮንታ ጋኪ ዎና፤ ናቤታ ቦላ ኣርሼይ ጌላናኔ ጋላሳይ ኢስታስ ቃማና።

ሚኪያሳ ቲንቢቴ 3:6 Referans Kwoze

ኢሳያሳ ቲንቢቴ 29:10

GODAY intte bolla wolqqama dhisko yeggides; intte nabeta ayfe goozides; ajjuuta be7izayta hu7e gullunttissides.

ኢሳያሳ ቲንቢቴ 59:10

Qooqe mala gimbeza bolla gandigardos. Nu hemetay ayfey baynda asa mala tattafeteth gidides; arshey wullishin haniza seeta gallas dhuphettidos. Qasse mino asata giddon nuni hayqqida asa mala gididos.

ኤርማሳ ቲንቢቴ 15:9

Laappun nayti hayqqida aaya dagaman daaburana; peenora dhayana izis gallassay qammana; iza yeellatananne kawuyana; attidaytakka morkketa mashshas aaththa immana» gees GODAY.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ዬ ማጻፋ 74:9

Nu shaakki eranaas malatay deenna; hayssafe guye nabey dendenna; Hayssi awude gakkanawu hananaakko eriza asi nu giddon deenna.

ሂዚቄላ ቲንቢቴ 7:26

Metoy meto bolla qasse iita yo7oy iita yo7o bolla yaana; istti nabeppe ajjuuta demmanaas baaxetana; woga timirtey qeeseppe, zoreykka cimappe dhayana.

ኣሞጼ ቲንቢቴ 8:11

Hekko tani biitta bolla kosha ehana wodey yaana; hessika asay Xoossa qaala siyana gafanne saamo attiin kaththa gafanne haaththa saamo gidenna.

ሚኪያሳ ቲንቢቴ 2:6

Istta nabeti, «Tinbite nu bolla yootoppa; heytantta gishshas tinbite nuus yootoppa; nu bolla kawushshateththi gakkenna» gaana.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ሂዚቄላ ቲንቢቴ 13:9

Ta kushey wordo ajjuuta be7izayta bollanne muurenniza nabeta bolla dendana. Istti ta deraa duulatan gelettenna; Isra7eele asaa mazgaban xaafettettenna; Isra7eele biittaaka gelettenna. Tani Ubbaa Haariza GODAA gididayssa intte he wode erana.