ሚኪያሳ ቲንቢቴ 3:5 - Geeshsha Maxaafa

⁵ Xoossi, «Ta dere baleththiza nabeti asi istta mizikko, ‹Saroteththi dees› geettes. Muzontta aggiko qasse, ‹Olay yees› gi awajjanaas dendeteettes.

ጋሞ ማጻፋ

⁵ ጾሲ፥ «ታ ዴሬ ባሌዛ ናቤቲ ኣሲ ኢስታ ሚዚኮ፥ ‹ሳሮቴ ዴስ› ጌቴስ። ሙዞንታ ኣጊኮ ቃሴ፥ ‹ኦላይ ዬስ› ጊ ኣዋጃናስ ዴንዴቴቴስ።

ሚኪያሳ ቲንቢቴ 3:5 Referans Kwoze

ኤርማሳ ቲንቢቴ 6:14

Istti ta deraa madunththaa qeeri miishsha mala xeellida; paxana mala koshshiza ooso ooththibeettenna; Saroy baynda, ‹Saro; saro› geettes.

ኤርማሳ ቲንቢቴ 23:32

GODAY, «Tani wordo agumo kaallidi tinbite yootiza nabetara eqettays; ta kiittontta dishin woykko ta shuumontta dishin xalateththan wordo yo7o yooteettes; ta derezakka baleththeettes; hayssa ha dereza aykkoka go7ettenna» gees.

ኦሮሜ ኣሳስ 16:18

Heytantta mala asati Yesus Kirstoosas ooththizayta gidontta ba qanththa kaththa gishshas ooththizayta; shugo qaalara haasayaninne wozina kiya asata baleththeettes.

Maatosa 15:14

Istta aggaagite; istti qooqeti kaaleththiza qooqeta gidida gishshas, qooqeti qooqe kaaleththiko nam7ay issoy issaara oykettidi aafon wullana» gides.

Maatosa 7:15

«Isttas giddo baggay Kana suyte mala gidi uttidinne dorsa ite may7i gelidi intte giddo giddon ooththiza wordo nabetappe naagettite.

ሚልካሳ ቲንቢቴ 2:8

Gido attiin intte iza ogeppe kare kezideta; daro asaykka intte timirten dhuphettana mala ooththideta; Lewe caaqozaka laallideta.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 2:11

Baleththiza wordo asi yiidi, ‹Daro woyne ushshu gishshassinne maththosiza ushsha gishshas giidi tinbite inttes yootana› giikko hayssa derezas dosettida nabe gidana.

ኤርማሳ ቲንቢቴ 23:27

Istta aawati Ba7aale geetettiza eeqaza gaason ta sunththaa dogida mala, istti issoy issaas yootiza agumon ta asay ta sunththaa dogana mala ooththidaa isttas misatees.

ኢሳያሳ ቲንቢቴ 3:12

Yelagati ta deraa un7eththeettes; maccassatikka istta haareettes; Ta derezoo! Inttena kaaleththizayti inttena baleththida; intte biza ogeppeka inttena kare kessida.

ኢዩኤሌ ቲንቢቴ 3:9

«Hayssa ubbaa kawoteththatas awajjite! olas giigettite! ola qarata denththeththite! Intte olanchchati ubbay kezidi morkketa oletto!

ሌሚሶ ማጻፋ 28:21

Shaakkidi maadoy lo7enna; gido attiin asi guuththa kaththas giidi mooro ooththees.

ኤርማሳ ቲንቢቴ 6:4

Istti issoy issaa, ‹Yerusalaamera olettanaas giigettite! Dendite! Ane nuni izo seeta gallas oloos. Gido attiin aayye ana! Sa7ay qammees; omarsa kuway aduqqi aduqqi bees.

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ሂዚቄላ ቲንቢቴ 13:9

Ta kushey wordo ajjuuta be7izayta bollanne muurenniza nabeta bolla dendana. Istti ta deraa duulatan gelettenna; Isra7eele asaa mazgaban xaafettettenna; Isra7eele biittaaka gelettenna. Tani Ubbaa Haariza GODAA gididayssa intte he wode erana.

ሆሴኤ ቲንቢቴ 4:5

Intte omarsinne gallas dhuphetteeta; nabetikka inttenara dhuphetteettes. Hessa gishshas tani intte aayo Isra7eele dhayssana.