ሚኪያሳ ቲንቢቴ 2:1 - Geeshsha Maxaafa

¹ Iita ooththanaas qoppizaytassinne hiixan dishe gene ooththanaas yo7o tukkizaytas aayye ana! Omars qoppoyssa maalado wonttara poleettessinne hessa ooththanaaskka wolqqara deettes.

ጋሞ ማጻፋ

¹ ኢታ ኦናስ ቆፒዛይታሲኔ ሂጻን ዲሼ ጌኔ ኦናስ ዮኦ ቱኪዛይታስ ኣዬ ኣና! ኦማርስ ቆፖይሳ ማላዶ ዎንታራ ፖሌቴሲኔ ሄሳ ኦናስካ ዎልቃራ ዴቴስ።

ሚኪያሳ ቲንቢቴ 2:1 Referans Kwoze

ዬ ማጻፋ 36:4

Izi ba hiixan dishe gene qoppishe aqees; bana lo7o gidontta oge kaaleththees; iita izi ixxenna.

ኢሳያሳ ቲንቢቴ 32:7

Wogay baynda asata hiillateththi iita; metotanchchata maganay suure gidikkoka hiyeesata wordora dhayssanaas iitateththan yuushshi qoppees.

ናሆሜ ቲንቢቴ 1:11

Hanne Nannawe! GODAA bolla iita duulatizaytinne iita zore zorettizayti ne garsafe beettida;

ኦሮሜ ኣሳስ 1:30

Asa sunth moorizayta, Xoos ixxizayta, as cayizayta, otoranchchatanne ceeqettizayta gidida, ubba wode iita ooththanaas oge koyzayta, bana yelidaytas azazettonttayta,

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ኢሳያሳ ቲንቢቴ 59:3

Intte kushey suuththan, intte biradhdheyka qohon muulettides; intte doonay wordo haasaydes; inxarsati iita yo7o sissida.

ሌሚሶ ማጻፋ 4:16

Istti iita ooththontta dishe dhiski erettenna; as dhupheththontta dishin dhiskoy istta ayfen yeenna.

ሌሚሶ ማጻፋ 3:27

Nees maaddana wolqqay dishin maado bessizaytas lo7o ooso aggofa.

ሜቴ ማጻፋ 31:29

Tani nena qohanaas taas wolqqay dees; gido attiin ne aawa Xoossi qamma omars tana, ‹Yaaqoobe bolla iita gidiin kiya gidiinkka issi miish ne haasayontta mala naagetta!› giidi taas yootides.

ሃዋሬታ ኦሶ 23:12

Gadey wontiin Ayhuda asati shiiqettidi, «Nu Phawuloosa wodhontta dishe kath mookko; haaththika uyokko» gi caaqettida.

ዮሃኒሳ ሚሺራቾ 19:11

Yesusikka izas zaaridi, «Sheney nees Xoossafe imettonttaako nees ta bolla ay godateththika deennashin; gido attiin tana nees aaththi immidaade bolla gita nagaray dees» gides.

ዛሬ ማጻፋ 28:32

Ne ayfe sinththan ne attuma naytinne macca nayti hara kawoteththas imettana; istti simmiin be7ana gaada ne xeellishin ne ayfey doljumana; hessa digganaas nees ay wolqqayka deenna.

ሃዋሬታ ኦሶ 23:15

Hessa gidida gishshas intte dere cimatara zorettidi iza keehi pilggi xeellizaa misatidi istti inttes Phawuloosa ehana mala azazizayssa oychchite; nunikka izi haa hanno gakkanaappe kasetidi iza wodhana giigettidos» gida.

ሌሚሶ ማጻፋ 12:2

Lo7o asi GODAAPPE saba demmees; gido attiin GODAY genanchchata pirdees.

ሉቃሳ ሚሺራቾ 20:19

Xaafetinne qeeseta halaqati hessi leemisozi istta bolla haasayettidayssa eridi heerakka iza oykkanaas koyida shin derezas babbida.

ማርቆሳ ሚሺራቾ 15:1

Maalado wonttara qeeseta halaqati, dere cimatinne Muse wogaa tamaarsizayti kumeththa shango alaafetara issife zorettidi Yesusa qachchi ekki efidi Philaxoosas aaththi immida.

ሂዚቄላ ቲንቢቴ 11:2

GODAY tana, «Haysso asa nawu! Ha attumasati ha kataman iita halchcho halchchizaytanne gene zore zorizayta.

ኣስቴሪ ማጻፋ 9:25

He maqqoy kawoza matan erettidaappe guye Haamay Ayhudata bolla maqettida iita maqqoy wuri guye simmidi iza bolla polettana mala izinne iza nayti miththa bolla kaqettana mala xuufen azazides.

ኣስቴሪ ማጻፋ 5:14

Iza machcheya Zosaaraynne iza laggeti ubbay, «Neni 50 wadha adussa koca esisa; histtada wonto wonttara Mardikiyoosi he kocaa bolla kaqettana mala kawozas yoota. Hessafe guye ufayettashe kawozara issife gibiraaso baandasa» gida. He qofazi Haama keehi ufayssiin kaqqanaasozakka giigsides.

ኣስቴሪ ማጻፋ 3:8

Hessafe guye Haamay Kawo Arxekisises, «Ne kawoteththa garsan diza dere ubbaan laaletti gakkida issi derey dees; he deraasikka hara dereta ubbaafe dummatiza losey dees; kawo wogaska azazettettenna; hessa gishshas ha dereza co7u gi besoy kawozas kiyenna.

ኢዮቤ ማጻፋ 24:14

Shempo wodhiza uray wonttontta dendidi manqotanne metotanchchata wodhees; omarsika kaysos kezees.

ሌሚሶ ማጻፋ 14:22

Iita halchchizayti suure ogeppe kare kezeettes dettenee? Lo7o qoppizayti gidikko siiqonne ammaneteth eheettes.

ኢሳያሳ ቲንቢቴ 29:20

Menxe iitati ubbay wurana; qilccizayti tim7i gaana; Iita ooththanaas zamadi uttidayti dhayana.

ሂዚቄላ ቲንቢቴ 33:26

Intte intte mashshan ammanetteeta; intte harassiza miishshata ooththeeta; intte issoy issoy intte laggeta machcheta tuniseeta. Histtiin intte hayssa mala hanon biittayo laattana bessizee? gees.

ሂዚቄላ ቲንቢቴ 38:10

« ‹Ubbaa Haariza GODAY he wode ne kahan qofay geliin neni iita miish halchchana.

ሂዚቄላ ቲንቢቴ 46:18

Halaqay as sugidi asa laata gade wolqqan ekkofo. Ta asay ba laata gadeppe dhoqallettontta mala, izi ba attuma naytas ba gadeppe immo› gees» gides.

ሚኪያሳ ቲንቢቴ 6:12

Izi deren dure asati as qohizaadentta; izin diza asay wordanchcha xalla; istta inxarsay baleththiza inxarsa.

ዛካራሳ ቲንቢቴ 7:10

Am7eta, yi7ota, bete asatanne manqota metoththofte; issoy issaas intte wozinan iita qoppofte› gees.

1ካዎታ ማጻፋ 21:7

Iza machcha Elzabeela izas, «Neni Isra7eele bolla kawo gida uttada hayssaththo hanay? Dendada kath ma! Wozinappeka ufayetta! Izra7eele as Naabutey woyne tokkizasohoza tani nees immana» gadus.

ኢዮቤ ማጻፋ 15:35

Hayssa mala asati gene miish qoppeettes; metokka medhdheettes; istta wozinaykka baleththon kumides.»

ዬ ማጻፋ 36:5

Abeet GODAWU! Ne mernaa siiqoy salo gakkees; ne tumateththayka bolla shaara mala dhoqqees.

ዬ ማጻፋ 58:3

Iitati ba aayi uloppe doommidi mooro oge beettes; yelettida gallassafe doommidi baletteettessinne wordoteettes.

ኢሳያሳ ቲንቢቴ 3:14

GODAY dere cimatanne kaaleththizayta pirdanaas issi bolla shiishshidi, «Tani woyne tokkizasohoza iissideta; manqotappe intte bonqqidayssi intte qol7an dees.

ኢሳያሳ ቲንቢቴ 5:8

Haratas sohoy dhayanaashe gakkanaas, keeth keeththa bolla gujjizaytoo! Gade gadera gaththi oyththidi, intterkka xalla biittaa bolla aakki de7izaytoo! Inttes aayye ana!