ሚኪያሳ ቲንቢቴ 1:9 - Geeshsha Maxaafa

⁹ Izi madunththay paxonttaaz gidana; izippe aadhdhi Yuhudassara gidana; ta derey geliza penge Yerusalaame gakkides.

ጋሞ ማጻፋ

⁹ ኢዚ ማዱንይ ፓጾንታዝ ጊዳና፤ ኢዚፔ ኣ ዩሁዳሳራ ጊዳና፤ ታ ዴሬይ ጌሊዛ ፔንጌ ዬሩሳላሜ ጋኪዴስ።

ሚኪያሳ ቲንቢቴ 1:9 Referans Kwoze

ሚኪያሳ ቲንቢቴ 1:12

Metoppe shempanaas koshshan Maroten dizayti meton waayetteettes; hessika Yerusalaame penge gakkanaas iita metoy Xoossa achchafe yida gishshassa.

ኤርማሳ ቲንቢቴ 15:18

Ta bolla hargey ays minnidee? Ta madunththay ays dari dari bidee? Ays paxontta ixxidee? Neni taas baleththiza shaafa malanne cimmiza pultto mala ays gidadii?

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ኤርማሳ ቲንቢቴ 46:11

Hanne Gibxe geela7oyee! pude Gala7aade keza; tiyettiza dhale ekka ya; gido attiin neni dhale coo mela darssaasa; ne paxakka.

ሚኪያሳ ቲንቢቴ 6:13

Hessa gishshas ta nena dhayssana dendadis; ne nagara geedon ta nena laallana.

ናሆሜ ቲንቢቴ 3:19

Ne madunth paththana dandayzay deenna; neni hayqos gaththiza meqo meqqadasa; ne gishshas siyida ubbay ne kundeththaan ufayetti kushe baqqana; zaway baynda ne menxe iitateththi bochchonttay oonee?

ኢሳያሳ ቲንቢቴ 36:1

Kawo Hizqiyaasi kawotida tammanne oydanththo layththan, Asoore kawo Senakireemey gimbettida Yuhuda katamata ubbaa oli oykkides.

ኢሳያሳ ቲንቢቴ 36:2

Asoore kawoy Laakishe geetettiza katamappe ola gadawa cora olanchchatara kawo Hizqiyaasakko Yerusalaame yeddides. Ola gadawazi May7o meeccizaadeza gadekko efiza ogeppe qommo baggara diza eele haaththaako iza zara lanqen eqqides.