ሚልካሳ ቲንቢቴ 4:3 - Geeshsha Maxaafa

³ Tani ooththiza gallas intte iitata intte toho garsan yedhdhana; istti intte toho caamma garsan bidinth gidana» gees Ubbaafe Wolqqama GODAA Xoossay.

ጋሞ ማጻፋ

³ ታኒ ኦዛ ጋላስ ኢንቴ ኢታታ ኢንቴ ቶሆ ጋርሳን ዬና፤ ኢስቲ ኢንቴ ቶሆ ጫማ ጋርሳን ቢዲን ጊዳና» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 4:3 Referans Kwoze

ኢዮቤ ማጻፋ 40:12

Ane lo7eththa xeellada otoranchchata ubbaa yeellachcha; iita ooththizayta istti dizason heen dhayssa.

ኦሮሜ ኣሳስ 16:20

Saroteththa Goday Xala7e eeson intte toho gars aaththi dincereththana. Godaa Yesus Kirstoosa kiyateththi inttenara gido.

ሚልካሳ ቲንቢቴ 3:17

«Tani ooththiza gallas istti taas buzo miish gidana» gees Ubbaafe Wolqqama GODAA Xoossay; «Aaway baas ooththiza naa ashshiza mala tanikka istta ashshana.

ዛካራሳ ቲንቢቴ 10:5

Istti ubbayka issi bolla ogen diza urqqa yedhdhiza mino olanchchata mala gidana; GODAY isttara diza gishshas paran olettizayta istti xoonana.

ሚኪያሳ ቲንቢቴ 7:10

Ta morkkezakka hessa beyandus; iza yeellatana. Tana, «GODAA ne Xoossay awan dizee?» gidaari kundeth ta ayfeti beyana; oge urqqa mala iza yedhettana.

ሚኪያሳ ቲንቢቴ 5:8

Wora do7ata giddon diza gaammoy, ba tohora icci menththereththishe biza mala, menththereththoyssaka izappe oonikka woththi ekkanaas dandayonttayssa mala; Daro dorsa giddon diza wodalla gaammo mala; Yaaqoobe zereththafe attidayti hankko dereta giddoninne daro asa giddon hessa mala gidana.

ኢሳያሳ ቲንቢቴ 26:6

Tohon yedhettana; un7ettidayta tohoynne manqota tohoy iza yedhdhana.

ዮሃኒሳ ኣጁታ 14:20

Katamaappe kare baggara diza woyne miththa ayfe gum7izasohon gum7ettides; he gum7izasohozappeka biittafe dhoqqateththi para bixala gakkanaassinne issi shiyanne usuppun xeet kilo metire gidizaso gakkanaas suuththi goggides.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዳኔላ ቲንቢቴ 7:27

Saloppe garsara de7iza kawoteththa ubbaa maatay, wolqqaynne gitateththay Ubbaafe Dhoqqa Xoossaa dere geeshshatas imettana. Iza kawoteththayka mernaa kawoteth gidana; dereza haarizayti ubbati izas azazettananne izas goynnana› gides.

ዳኔላ ቲንቢቴ 7:18

Gido attiin Ubbaafe Dhoqqa Xoossaa geeshshati iza kawoteththa baas ekkana; mernaas oykkana; ee mernaas istti oykkana› gides.

ሂዚቄላ ቲንቢቴ 28:18

Ne nagaraninne ne cimo zal7e daroppe dendidayssan, ne goynniza keeththata tunisadasa. Hessa gishshas tani tamay ne giddofe kezana mala ooththadis; izikka nena mides. Nena be7iza ubbaa sinththan, biitta bolla nena bidinth kessadis.

ኢሳያሳ ቲንቢቴ 25:10

GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ዬ ማጻፋ 91:13

Neni gaammonne haso shooshsha bolla hemettana; qasseka wodalla gaammonne iita shooshsha yedhdhana.

2ሳሜላ ማጻፋ 22:43

Gudulla mala istta liiqisa gaaccadis; ogen diza urqqa mala istta gindadissinne yedhettadis.

ሜቴ ማጻፋ 3:15

Tani neessinne maccassays, ne zereththassinne izi zereththas giddon morkketeth medhdhana; izi ne hu7e qoxxana; nenikka iza qirphe dukkana» gides.

2ሳሜላ ማጻፋ 22:39

Mulera ta istta dhayssadis; simmidikka eqqanaas dandaybeettenna; ta toho garsankka kundida.

ዬ ማጻፋ 49:14

Shukas qorettida dorsata mala istti duufos doorettida; hayqoy istta heenththanchcha gidana; istti bantta yalliso keeththafe haakkidi duufon musana. Suure asati maaladora istta duufo bollara simerettana.

ኤርማሳ ዚላስ 1:15

«Nu garsan diza olanchchata ubbatara Xoossi eqettides; nu giddofe yelagata dhayssanaas olanchchata nu bolla yeddides. Woyne miththa ayfe ushshu kessanaas yedhdhiza mala GODAY boshettontta geela7o misatiza Yuhuda asaa yedhides.

ዬ ማጻፋ 147:6

GODAY kadhettidayta bonchchees; gido attiin iitata kawushshees.