ሚልካሳ ቲንቢቴ 2:7 - Geeshsha Maxaafa

⁷ Qeesey ubbaa dandayza Ubbaafe Wolqqama GODAAS kiitettizaade gidida gishshas iza doonay erateth naaganaas asay iza doonappe timirte koyanaas bessees» gees Ubbaafe Wolqqama GODAY.

ጋሞ ማጻፋ

⁷ ቄሴይ ኡባ ዳንዳይዛ ኡባፌ ዎልቃማ ጎዳስ ኪቴቲዛዴ ጊዲዳ ጊሻስ ኢዛ ዶናይ ኤራቴ ናጋናስ ኣሳይ ኢዛ ዶናፔ ቲሚርቴ ኮያናስ ቤሴስ» ጌስ ኡባፌ ዎልቃማ ጎዳይ።

ሚልካሳ ቲንቢቴ 2:7 Referans Kwoze

ሌዌታ ማጻፋ 10:11

Ta inttes Muse baggara immida woga ubbaa Isra7eele nayta tamaarsite.»

ዛሬ ማጻፋ 21:5

Histtidi GODAA intte Xoossay ba sinththan ooththana mala, ba sunththan anjjana mala, mootonne shemppo daafa gelidi shaakki pirdana mala GODAA intte Xoossay Lewe naytappe doorida qeeseti ahazi dizaso mata betto.

2ቆሮንቶሴ ኣሳስ 5:20

Xoossi nu baggara as xeygiza gishshas nuni qasse Kirstoosa ogaththata; hessa gishshas, «Intte Xoossara maqaynnite!» giidi nu inttena Kirstoosa sunththan woossoos.

1ታሶሎንቄ ኣሳስ 4:8

Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.

ሃዋሬታ ኦሶ 16:17

Hanna garade naya Phawuloosanne nuna kaalla kaalla, «Hayti asati inttes intte attana oge yootizayti wogga Xoossa oosanchchata» ga ga waassadus.

ኢዝራ ማጻፋ 7:10

Izray ba de7o ubbaan Xoossa woga pilggi eranaas, ooththanaassinne Xoossa azazotanne wogata kumeththa Isra7eele nayta tamaarsanaas banateththaa aaththi immides.

2ታሪኬ ማጻፋ 30:22

Hessafe guye Hizqiyaasi GODAA ooson akeekara diza Leweta ubbaa minththeththides. Leweti ubbay banttas imettida gishshas issifeteththa yarsho yarshishe GODAA bantta aawata Xoossaa galatishe, mishenne uyishe ba7aaleza laappun gallas bonchchida.

ዮሃኒሳ ሚሺራቾ 20:21

Hessafe guye qasseka Yesusi istta, «Inttes saroy gido! Ta Aaway tana kiittida mala tanikka inttena kiittays» gides.

ዮሃኒሳ ሚሺራቾ 13:20

Ta inttes tumu gays; ta kiittidaade ekkizaadey tana ekkees; tana ekkizaadey tana kiittidaade ekkees» gides.

ሚልካሳ ቲንቢቴ 3:1

«Hekko tani baana oge baasana as taappe sinththara yeddana; intte koyza GODAY intte qoppontta Xoossa keeth gakki wodhdhana; intte ufayssan naagiza caaqo qaala kiitaa ekki yiza ta kiittidaadey yaana.

ሃጌ ቲንቢቴ 1:13

Qasseka GODAY kiittida Haggey hessa GODAA kiita derezas, «GODAY ta inttenara days» gees giidi yootides.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ኤርማሳ ቲንቢቴ 15:19

Hessa gishshas GODAY, «Neni simmiko ta nena zaara essana; nekka taas ooththana. Hada yo7o aggada bonchcho qaala xalla haasaykko neni ta doona gidana. Istti neekko simmana attiin ne isttako simmaka.

ኢሳያሳ ቲንቢቴ 44:26

Ta ashkaraza qaala ta polana; ta kiittidayta zore ta minththana; tani Yerusalaame, ‹Neni asi dizaso gidana›, Yuhuda katamatakka, ‹Istti keexettana›, istta laaleththaaka, ‹Tani ooraxissana› gaana.

ዛሬ ማጻፋ 24:8

Issaafe issaan aadhdhiza galba hargefe keehi naagettite; tani istta azazida mala Lewe qommo gidida qeeseti inttes immiza wogata lo7eththi naagite.

ጋላቲያ ኣሳስ 4:14

Ta sakoy inttes meto gidiinkka tana salettibeekketa woykko tana harasettibeekketa; gido attiin intte tana Xoossa kiitanchcha malanne hessafekka bollara Yesus Kirstoosa mala mokki ekkideta.

ኢሳያሳ ቲንቢቴ 42:19

Ta ashkaraappe attiin hara qooqey oonee? Tani kiittidaadefe attiin hara tulley oonee? taas ammanettidaade mala qooqey, GODAA ashkara mala qooqey oonee?

ታይቦ ማጻፋ 27:21

Qeese El7ezeerey Urimen GODAA shene shaakki eriza gishshas izi Iyaaso maaddana; hessa gishshas Iyaasoynne kumeththa Isra7eele maabaray El7ezeere azazon kezananne gelana» gides.

1ሳሜላ ማጻፋ 2:17

GODAAS shiiqiza yarshoza hessaththo histti kadhiza gishshas Eele nayta nagaray GODAA sinththan keehi deexo gidides.

2ታሪኬ ማጻፋ 31:4

Bantta kumeththa wodeza GODAA oosos go7ettana mala qeesetinne Leweti Yerusalaamen diza asay isttas koshshizayssa immana mala kawozi azazides.

ኢዝራ ማጻፋ 7:25

«Izraa! Ne Xoossay nees immida aadho erateththaa mala kaallashe Efiraaxise shaafa pinththan diza dere ubbaas neni Xoossa woga eriza daannatanne pirdizayta doora; Xoossa woga eronttaytas neni ne Xoossa woga tamaarsa.

ሌሚሶ ማጻፋ 5:2

Hessika wozinamateththi nees miish gidana malanne ne metershati erateth naagana malassa.

ኤርማሳ ቲንቢቴ 2:8

Qeesetikka, ‹GODAY awan dizee?› gi oychchibeettenna; Ta wogay istta kushen diza asatikka tana eribeettenna. Dere kaaleththizaytikka ta bolla makkallida. Nabeti Ba7aale sunththan tinbite yootida; go7ontta miishshatakka kaallida» gides.

ሂዚቄላ ቲንቢቴ 7:26

Metoy meto bolla qasse iita yo7oy iita yo7o bolla yaana; istti nabeppe ajjuuta demmanaas baaxetana; woga timirtey qeeseppe, zoreykka cimappe dhayana.

ዳኔላ ቲንቢቴ 11:33

«Dere giddon diza aadho eranchchati darota tamaarsana; gido attiin istti guuththa wodes taman xuugettana; mashshan siifettana; di7ettananne istti haaridayssika bonqqetti ekettana.

ሆሴኤ ቲንቢቴ 4:6

Ta derezas erateththi paccida gishshas dhaydes. Intte tana eranaas koyontta gishshas tanikka intte taas qeeseta gidi ooththana mala koykke. Intte ta woga balettida gishshas tanikka intte nayta balana.

ሶፎናሳ ቲንቢቴ 3:4

Izin diza nabeti otoranchchatanne as baleththizayta. Qeeseti Xoossa Keeththa tuniseettes; woga bollaka makkalleettes.

2ካዎታ ማጻፋ 16:11

Qeese Ooriyay kawo Akaazey Damasqofe izas yeddida paateththa qofaa pilggi yeddidayssa mala yarsho yarshizasoza ooththides; kawo Akaazey simmi yaanaappe kasetidi oosoza giigides.

2ካዎታ ማጻፋ 16:16

Qeese Ooriyay kawo Akaazey iza azazida mala ooththides.

ኤራንቻታ ማጻፋ 5:5

Issi miish Xoossas adinettidi he adinettidayssa gaththontta agganaappe kase adinettontta agoy lo7o.

ሂዚቄላ ቲንቢቴ 22:26

Izi qeeseti ta wogaa bolla makkalleettes; ta geeshsha miishshatakka tuniseettes. Istti geeyidayssa tunappe shaakettenna; geeshshinne geesh gidonttayssa shaakki tamaarsettenna; ta sambatata yeggi aggida; hessa gaason ta istta giddon kadhettadis.

ዛካራሳ ቲንቢቴ 7:3

Isttika Ubbaafe Wolqqama GODAA Keeththa qeesetanne nabeta, «Nu kase daro wode ooththidayssa mala ichchashanththa aginan ceecanaassinne xoomanaas nuus bessizee?» giidi oychchida.