ሚልካሳ ቲንቢቴ 2:15 - Geeshsha Maxaafa

¹⁵ Godaa Xoossi inttessinne machchetas issi asateththinne issi ayanay daana mala ooththibeennee? Xoossi inttena aazas issino ooththidee? Izas waanna qofay Xoossas geeshsha zereth intte yelana mala gidennee? Hessa gishshas inttefe issay issay ba machcheys caaqqida qaala pacinchchontta ammaneteththan naago.

ጋሞ ማጻፋ

¹⁵ ጎዳ ጾሲ ኢንቴሲኔ ማቼታስ ኢሲ ኣሳቴኔ ኢሲ ኣያናይ ዳና ማላ ኦቤኔ? ጾሲ ኢንቴና ኣዛስ ኢሲኖ ኦዴ? ኢዛስ ዋና ቆፋይ ጾሳስ ጌሻ ዜሬ ኢንቴ ዬላና ማላ ጊዴኔ? ሄሳ ጊሻስ ኢንቴፌ ኢሳይ ኢሳይ ባ ማቼይስ ጫቂዳ ቃላ ፓጪንቾንታ ኣማኔቴን ናጎ።

ሚልካሳ ቲንቢቴ 2:15 Referans Kwoze

ሚልካሳ ቲንቢቴ 2:14

Intteka «Izi aazas nu yarshoza ekkontta ixxidee?» giidi oychchana; hessika haniday intte caaqon ekettida naateteththa machchetara caaqettida qaalaa intte ammanettontta laallida gishshassa; Godaa Xoossi intte giddon markka.

2ቆሮንቶሴ ኣሳስ 6:18

Ta inttes Aawa gidana; intteka taas attuma naytanne macca nayta gidandeta» gees Ubbaa dandayza Goday.

1ቆሮንቶሴ ኣሳስ 7:14

Gaasoykka ammanontta azinay ammaniza ba machcheyin anjjettees; ammanontta maccassayakka ammaniza ba azinaan anjjettawus; hessaththo hanontta aggiko intte yelida nayti tunata gidanashin ha7i qasse anjjettidayta.

ሜቴ ማጻፋ 1:27

Hessaththo Xoossi as ba leemison bana misatissidi medhdhides; izi istta addenne macca ooththi medhdhides.

Titosas 1:6

Cimateththan doorettanayti istta bolla wosoy bayndayta, issi machchi azinata, nayti ammanizaytanne waayisonttayta woykko azazettiza nayta aawata gidetto.

ሆሴኤ ቲንቢቴ 1:10

Gidikkoka Isra7eele asay qooday baynda abban shaamintta mala darana. Ha7i Xoossi, «Intte ta dere deekketa» geetettidasohon, «Intte de7o Xoossa nayta» geetetti xeygettana wodey yaana.

ኢዮቤ ማጻፋ 27:3

Xoossi tana shemppora woththida wodey gakkanaas,

ኤፌሶኔ ኣሳስ 6:4

Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.

Maatosa 15:19

Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees.

ኤርማሳ ቲንቢቴ 2:21

Tani nena muuruta zereththafe ekkada, lo7o woyne tura mala tokkadis. Histtiin neni waana guye simmada woran mokkidi moorettida woyne tura mala gidadii?

ሌሚሶ ማጻፋ 7:25

Ne wozinay izikko booppo; iza biza bala ogen geloppa.

ሌሚሶ ማጻፋ 6:25

Izi lo7eteththa ne wozinan amottofa; izi qim7oteththan oykettofa.

ዛሬ ማጻፋ 7:4

Gaasoykka intte hessaththo ooththontta aggiko istti intte nayta GODAA kaallizasoppe betissidi eeqa xoossata kaallana mala ooththana; he wode GODAA hanqoy eexxi kezananne izi inttena heerakka eeson dhayssana.

ሜቴ ማጻፋ 6:2

«Xoossa nayta» geetettiza medheteththati asa macca nayti medho lo7o gididayssa be7idi isttafe ba dooridayta machcho ekkida.

ሃዋሬታ ኦሶ 3:25

Intteka nabeta nayta; qasseka Xoossi Abrahaames, ‹Ne zereththan biitta bolla diza asi wuri anjjettana› giidi izi caaqqida caaqoza intte laattana.

ዮሃኒሳ ሚሺራቾ 20:22

Hessa gi simmidi istta bolla ufu giidi, «Intte Xillo Ayana ekkite.

ኤራንቻታ ማጻፋ 12:7

biittay duge biittan simmontta dishin, shemppoy immida Xoossako simmontta dishin, nena Medhdhida Xoossako simma.

ሌሚሶ ማጻፋ 4:23

Ubbaafekka bollara neni ne wozina minththada naaga; ays giikko de7oy izappe pulttees.

ናሂሚያ ማጻፋ 13:24

Istta naytappe baggati Ashdoode dere qaalanne issi issi hara dere qaalan haasayeettes attiin Ayhuda dere qaalan haasayana dandaybeettenna.

ኢዝራ ማጻፋ 9:4

Tani omarsa wode shiiqiza yarshoy shiiqana gakkanaas dagamaninne muuzoteththan gam7adis; di7eteththafe simmida asay ba ooththida nagarappe dendidayssan Isra7eele Xoossay yootida qaalaa siyida asay ubbay dagammidi yayyishe ta dizaso shiiqides.

ሜቴ ማጻፋ 27:46

Hessafe guye Irbiqay Yisaaqa, «Eesawey ekkida Hiiteta macca nayta geedon duussay tana iitees; qasse Yaaqoobeykka heyta mala Hiiteta macca naytappe machcho ekkiko tani hekko hayqqanaas koyays» gadus.

ሜቴ ማጻፋ 24:44

Histtiko iza tana, ‹Ero uya› qasse, ‹Ne gaamellataska tani haath duuqqana› gizaara Xoossi ta GODAY nees dooridaaro gidu.

ሜቴ ማጻፋ 2:7

Hessafe guye GODAY biittafe issi as medhdhidi iza siidhen de7o shemppo punnin addezi shemppora dizaade gidides.

ኬሳ ማጻፋ 20:14

«Laymatoppa.

ሌዌታ ማጻፋ 20:10

« ‹Issi asi hara asa machchira laymatikko he laymatida addezaranne maccassayra nam7ayka hayqon qaxxayettetto.

ኡሩቲ ማጻፋ 4:12

GODAY ne keeththaa ha lo7o yelaga maccassayfe nees immiza zereththan, Ti7imaara Yuhudas yelida Paareese keeththa asa mala ooththo» gides.

1ሳሜላ ማጻፋ 2:20

Eeley, «Woosan iza GODAAPPE demmada zaara GODAAS immida ha naaza qoodhe GODAY ha maccassayfe hara yelo nees immo» gishe Hilqaananne iza machcheyo anjjees; hessafe istti guye baso simmi bida.

ሌሚሶ ማጻፋ 2:17

Iza ba yelagateththa azina aggidaaro; Xoossa sinththan gelida caaqo qaala kadhidaaro.