ሉቃሳ ሚሺራቾ 8:25 - Geeshsha Maxaafa

²⁵ Izikka bana kaallizayta, «Intte ammanoy awa bidee?» gides; isttika ba giddon babbishenne malalettishe, «Carkonne haaththe azazizay; isttika izas azazettizay izi oonee?» gida.

ጋሞ ማጻፋ

²⁵ ኢዚካ ባና ካሊዛይታ፥ «ኢንቴ ኣማኖይ ኣዋ ቢዴ?» ጊዴስ፤ ኢስቲካ ባ ጊዶን ባቢሼኔ ማላሌቲሼ፥ «ጫርኮኔ ሃ ኣዛዚዛይ፤ ኢስቲካ ኢዛስ ኣዛዜቲዛይ ኢዚ ኦኔ?» ጊዳ።

Gamo Geesha Maxxafa New Testamen

²⁵ Izika bena kaallizayta inte amanoy awa bidde gides. Istika ba garssan babishshenne malaletishe carkonne haathenne azazizay, isttikka izas azazettizay izi oonee gida.

ሉቃሳ ሚሺራቾ 8:25 Referans Kwoze

Maatosa 8:26

Yesusikka isttas, «Intteno ammanoy paccidaytoo! Aazas hayssa mala babbetii?» gides. Hessafe dendidi carkozanne abba dambalaa izi hanqiin heerakka sirphi gides.

ሌሚሶ ማጻፋ 30:4

Salo pude ke7idi duge wodhdhiday oonee? Carko ba kushen oykkiday, haath ba afalan yiiciday sa7a gaxa iza soon soon woththiday oonee? Ane erikko iza sunth taas yoota; Iza naaza sunththi oona geetettizee?

Maatosa 14:31

Yesusi heerakka ba kushe yeddi oykkidi, «Nenoo, ammanoy paccidayssoo! Aazas sidhadii?» gides.

ዮሃኒሳ ሚሺራቾ 11:40

Yesusikka, «Ne ammanizaa gidikko Xoossa bonchcho beyandasa gaada nees ta yootabeekkinaa?» gides.

ሉቃሳ ሚሺራቾ 12:28

Histtiko Xoossi hach beettidi wonto taman wodhdhana maata hayssaththo mayzizaa gidikko intteno ammanoy paccidaytoo! Inttena wostti aaththi mayizennee?

Maatosa 17:20

Izikka isttas, «Inttes ammanoy pace gidida gishshas dandaybeekketa; ta inttes tumu gays; qeeri gaashe ayfe mala ammanoy intte bolla dizaakko hayssa zumaa, ‹Hayssafe dendada gede ba!› intte gidaakko izi inttes baana. Inttena xoonanay deenna.

ሌሚሶ ማጻፋ 8:29

abbaa haaththati banttas imettida zawappe pinnidi aadhdhontta mala zawa woththida wode, sa7as yoch yeggida wode,

Maatosa 6:30

Intteno pace ammanoy dizaytoo! Hach asa ayfen beettidi wonto taman wodhdhana maata hayssaththo mayziza Xoossi inttena hessafe lo7eththi aaththi mayzanaas dandayennee?

Maatosa 8:10

Yesusi iza zaarozan malalettidi bana kaallizaytas, «Ta inttes tumu gays; haray attoshin Isra7eele asaa garsan hayssa mala ammanoy dizaade issaadeka demmabeekke.

ማርቆሳ ሚሺራቾ 4:35

He gallas gadey qammishin bana kaallizayta, «Ane gede he pinth pinnoos» gides.

ሉቃሳ ሚሺራቾ 8:24

Yesusa kaallizayti izakko shiiqidi, «Godoo! Godoo! Nu wurana hanoos» giidi Yesusa dhiskofe denththida. Izikka beeggidi carkozanne abba dambalaa seeriin carkoynne abbaa dambalay co7u gides.

ሉቃሳ ሚሺራቾ 8:26

Izappe guye Galilappe he pinththan diza Gergesenoone geetettiza dere wogolora pinnida.