ሉቃሳ ሚሺራቾ 6:22 - Geeshsha Maxaafa

²² asay ta gishshas inttena ixxishin ba giddofe shaakkishin, borishininne inttena iita sunththara xeygishin intte anjjettidayta;

ጋሞ ማጻፋ

²² ኣሳይ ታ ጊሻስ ኢንቴና ኢጺሺን ባ ጊዶፌ ሻኪሺን፥ ቦሪሺኒኔ ኢንቴና ኢታ ሱንራ ጼይጊሺን ኢንቴ ኣንጄቲዳይታ፤

Gamo Geesha Maxxafa New Testamen

²² asay ta gish intena ixxishin, ba giddofe shaakkishin, borishin intena iita sunthara xeygishn inte anjettidayta,

ሉቃሳ ሚሺራቾ 6:22 Referans Kwoze

Maatosa 10:22

Ta gishshas asi wurikka inttena ixxana. Gido attiin wurseth gakkanaas minni eqqiday izi attana.

1ጴጽሮሳ ኪታ 3:14

Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.

ዮሃኒሳ ሚሺራቾ 16:2

Istti inttena ba keeththafe gooddana; haray attoshin inttena wodhizaadey wuri Xoossas ooththizaade misatiza wodey yaana.

ዮሃኒሳ ሚሺራቾ 7:7

Derey inttena ixxana dandayenna; tana gidikko ixxees; gaasoykka tani alame oosoy iita gididayssa izas markkattiza gishshassa.

ኢሳያሳ ቲንቢቴ 66:5

Intteno qaalaas kokkorizaytoo, hayssa GODAA qaala siyite; «Intte ishantti inttena ixxidaytoo, ta sunththa gishshas inttena kessi yeggidaytoo! Inttena, ‹Ane GODAY bonchchettoo! Ane intte ufayssaaka be7oos› gida; gidikkoka istti yeellatanayssi attenna.

ዮሃኒሳ ሚሺራቾ 12:42

Gidikkoka Ayhudata halaqatappe daro asay Yesusa ammanides. Gido attiin istta Ayhudata Woosa Keeththafe gooddontta mala Farsaawetas babbidi ba ammano qonccen markkattibeettenna.

ኢሳያሳ ቲንቢቴ 65:5

Istti, ‹Ta geesh gidida gishshas kichcha; ta mata yooppa; taakko shiiqoppa› gizayta. Hayssa mala derey ta siidhen cuwa malanne gallas kumeth eexxiza tama mala.

ሃዋሬታ ኦሶ 24:5

«Hayssi addezi nuus iita harge gidides; alamen diza Ayhudata ubbaa bolla meto medhdhees; Naaziraawe geetettiza wordo asata kaaleththiza waannay iza.

ሃዋሬታ ኦሶ 9:16

Izi ta sunththaa gishshas ay mala waaye beyanaakko ta iza bessana» gides.

ዮሃኒሳ ሚሺራቾ 17:14

Tani ne qaalaa isttas immadis; tani hayssa alameza as gidonttayssa mala isttika ha alame as gidettenna; hessa gishshas ha alame asay istta ixxides.

ሉቃሳ ሚሺራቾ 21:17

Ta sunththaa gishshas ubba asaa achchan intte ixettana.

Maatosa 10:39

Ba shempo ashshanaas koyzaadey dhayssees; ba shempo ta gishshas aaththi immizaadey ashshees.

ሃዋሬታ ኦሶ 22:22

Asay hinno gakkanaas Phawuloosa haasaya wozinappe lo7eththi siyishe aggidi ba qaala dhoqqu histtidi, «Hayssa mala asi nu biittaafe dhayo; hayssa mala asi nu biittaan shemppora paxa daanaas bessenna» gishe waassides.

ዮሃኒሳ ሚሺራቾ 9:34

Isttika iza, «Neni nees mule asateththay nagaran munuqettiin yelettidayssi nuna tamaarsana waana xaladii?» giidi iza gooddida.

ሉቃሳ ሚሺራቾ 20:15

Woyne miththaa tokkidasoppe kare kessidi naaza wodhida. Histtiko ha7i woyne miththaa goday ha asata wosttanee?

Maatosa 10:18

Ta gaason dere haarizaytakkonne kawotakko inttena efana; istta sinththaninne ammanontta asata sinththan intte markka gidana.

ሉቃሳ ሚሺራቾ 6:21

«Intte guyeppe kallana gishshas ha7i gafizaytoo! Intte anjjettidayta; intte guyeppe miiccana gishshas intteno ha7i yeekkizaytoo! Intte anjjettidayta;

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.