ሉቃሳ ሚሺራቾ 6:11 - Geeshsha Maxaafa

¹¹ Gido attiin asati hanqettida; Yesusa bolla ay ooththanaas koshshizaakko ba giddon zorettida.

ጋሞ ማጻፋ

¹¹ ጊዶ ኣቲን ኣሳቲ ሃንቄቲዳ፤ ዬሱሳ ቦላ ኣይ ኦናስ ኮሺዛኮ ባ ጊዶን ዞሬቲዳ።

Gamo Geesha Maxxafa New Testamen

¹¹ Gido attin asati hanqettida, Yesussa bollankka ay oothanas koshizakonne ba giddon zorettida.

ሉቃሳ ሚሺራቾ 6:11 Referans Kwoze

ሃዋሬታ ኦሶ 5:33

Asati hessa siyidi iita hanqo hanqettida; wodhanakka koyida.

ኤራንቻታ ማጻፋ 9:3

Salo gufanththon ubbaa bolla gakkiza iitateththi hayssa; ubbaas wurseththa qaaday issino; hessafe bollarakka asa wozinay iitateththan kumidessinne gooyides; wurseththankka hayqqida asan gayttees.

ሃዋሬታ ኦሶ 26:11

Daro wode Ayhudata Woosa Keeththati dizason awanka istti qaxxayettana malanne ba ammano kaddana mala ooththadis; istta bolla daro hanqettadakka Isra7eeleppe karen diza hara katamatakka baada ammanizayta gooddadis.

ሃዋሬታ ኦሶ 7:54

Duulatan diza asay hessa siyida mala daro hanqettidi iza bolla ba achchi garccides.

ሃዋሬታ ኦሶ 4:19

Phexroosinne Yohannisi qasse zaaridi, «Nuni Xoossafe bollara inttes azazettanaas bessizaakko ane intte Xoossa sinththan pirdite.

ሃዋሬታ ኦሶ 4:15

Hessa gishshas istta duulataappe kessana mala azazida. Hessafe qasseka shiiqettidi ba giddon zorettida.

ዮሃኒሳ ሚሺራቾ 11:47

Hessa qeeseta halaqatinne Farsaaweti Ayhudata duulata shiiqana mala xeygidi, «Ha addezi daro dumma dumma malaatata ooththidaade gidida gishshas nu ay ooththiko lo7oo?

ዮሃኒሳ ሚሺራቾ 7:1

Hessafe guye Yesusi Galila giddon yuuyettides; gido attiin Yuhudan yuuyanaas koyibeenna. Gaasoykka Ayhudati iza wodhdhana koyza gishshassa.

ሉቃሳ ሚሺራቾ 4:28

Ayhudata Woosa Keeththan dizayti wurikka hessa siyidi daro hanqettida.

Maatosa 21:45

Qeeseta halaqatinne Farsaaweti iza leemisoy istta gishshas gididayssa erida.

Maatosa 16:7

Istti qasse ba giddon, «Nuni kath oykkontta gishshas hessa gides» giidi issoy issaara haasayettida.

ሉቃሳ ሚሺራቾ 6:10

Qasseka Yesusi ba yuushon diza ubbaa yuushshi xeellidaappe guye addeza, «Ne kushe piddisa» gides; addezikka Yesusi gida mala ooththides. Iza kusheykka paxides.

ሉቃሳ ሚሺራቾ 6:12

He gallassatappe issi gallas Yesusi woossanaas zuma bolla kezidi omars kumeth Xoossaa woossishe aqides.

2ጺምቶሳስ 3:9

Gido attiin istta qofay kumenna; gaasoykka Iyaneesanne Iyanbaraasa eeyateththi asaas qonccida malakka hayta hanoykka ubbaas qonccana.