ሉቃሳ ሚሺራቾ 4:32 - Geeshsha Maxaafa

³² Izi Godateththara haasayza gishshas iza timirtezan malalettida.

ጋሞ ማጻፋ

³² ኢዚ ጎዳቴራ ሃሳይዛ ጊሻስ ኢዛ ቲሚርቴዛን ማላሌቲዳ።

Gamo Geesha Maxxafa New Testamen

³² Izi Godatethara haasa7iza gish iza timirttan malalettida.

ሉቃሳ ሚሺራቾ 4:32 Referans Kwoze

ሉቃሳ ሚሺራቾ 4:36

Asay wurikka malalettidi ba giddon issoy issaara, «Aso hayssi ay giza timirtee? Godateththaranne wolqqara iita ayana azazees; isttika kezeettes» giidi haasayettida.

ዮሃኒሳ ሚሺራቾ 6:63

Asas de7o immizay Xoossa Ayanakko! Asa wolqqay qasse aykkoka go7enna; ta inttes yootida qaalay de7o immiza ayana.

Titosas 2:15

Hessa gishshas ne tamaarsanayti heytantta; hessaka ne kumeththa godateththara zoranne hanqa; nena oonikka leqqofo.

1ታሶሎንቄ ኣሳስ 1:5

Gaasoykka Mishiraachcho qaalay intteko yiday wolqqara Xillo Ayananinne lo7eththi shaakki eriin attiin coo qaala xallan gidenna; qasseka nu intte gishshas giidi waani de7idaakko intte ereeta.

2ቆሮንቶሴ ኣሳስ 4:2

Gido attiin geemara haniza yeellasiza yo7ota nu aggidos; as baleththoko; Xoossa qaalaa wordora walakkoko; hessa histtanaappe tumu yo7ota qonccera yootishe asi wurikka nu gizayssa ekkana mala nunateththaa Xoossa sinth shiishshoos.

ማርቆሳ ሚሺራቾ 1:22

Xaafeta mala gidontta godateththara diza asa mala izi tamaarsiin asay wuri iza timirtezan malalettides.

ሉቃሳ ሚሺራቾ 2:47

Siyidayti wuri Yesusa akeekaninne iza zaarozan daro malalettida.

ሉቃሳ ሚሺራቾ 4:33

Ayhudata Woosa Keeththan tuna ayanay oykkida addey dees. Izikka ba qaala dhoqqu histtidi,

ዮሃኒሳ ሚሺራቾ 7:46

Wottadaratikka zaaridi, «Ha addezi haasayzayssa mala ay asikka haasayi erenna» gida.