ሉቃሳ ሚሺራቾ 22:22 - Geeshsha Maxaafa

²² Asa Nay kasetidi iza gishshas hananayssi wuri uttida mala izi baana; gido attiin iza aaththi immizaades aayye ana!» gides.

ጋሞ ማጻፋ

²² ኣሳ ናይ ካሴቲዲ ኢዛ ጊሻስ ሃናናይሲ ዉሪ ኡቲዳ ማላ ኢዚ ባና፤ ጊዶ ኣቲን ኢዛ ኣ ኢሚዛዴስ ኣዬ ኣና!» ጊዴስ።

Gamo Geesha Maxxafa New Testamen

²² Asa nay kasettidi iza gish wuri uttida mala izi baana gido attin iza aathi immiza uras ayye.

ሉቃሳ ሚሺራቾ 22:22 Referans Kwoze

ሃዋሬታ ኦሶ 2:23

Xoossi kase ba qachchidayssa izas beni erateththaa mala hayssaade intte kushen aaththi immides. Intteka iita asata kushen kaqetti hayqqana mala ooththideta.

ሉቃሳ ሚሺራቾ 24:46

Isttaskka, «Kirstoosi waaye beyana; heedzdzanththo gallas hayqoppe dendana geetetti xaafettides.

2ጴጽሮሳ ኪታ 2:3

Heyti wordo astamaareti miishshas gaphigaphiza gishshas barkka medhdhi ekkida yo7o yooti yootidi inttes dizaaz baas bonqqi ekkeettes; beni beniisoppe pirday isttas giigetti uttides; addafe istta dhayoy naagees.

1ጴጽሮሳ ኪታ 1:11

Kase isttan diza Kirstoosa Ayanay Xoossafe tiyettidayssa bolla gakkana waayezanne he waayezappe guye izi demmana bonchchoza gishshas kase baas woththides; istti qasse hessi wurikka ayde waani hananaakko yuushshi qoppida.

ዮሃኒሳ ሚሺራቾ 17:12

Ta isttara issife dashe ne taas immida ne sunththaan ta istta naagadis; hessa gishshas kase xaafettida Geeshsha Maxaafaa qaalay polettana mala izi kasekka dhayos diza naazappe attiin isttafe oonikka dhaybeenna.

ማርቆሳ ሚሺራቾ 14:21

Kase xaafettida mala Asa Nay iza gishshas hayqqana shin asa naa aaththi immizaades aayye ana! Hessaadey kase yelettontta attidaakko izas lo7okkoshin!» gides.

Maatosa 26:24

Iza gishshas kase xaafettidayssa mala Asa Nay baana; gido attiin Asa Naa aaththi immizaades aayye ana! Hessaadey yelettontta attidaakko izas lo7okkoshin» gides.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

ሜቴ ማጻፋ 3:15

Tani neessinne maccassays, ne zereththassinne izi zereththas giddon morkketeth medhdhana; izi ne hu7e qoxxana; nenikka iza qirphe dukkana» gides.

Maatosa 27:5

Hessa gishshas Yuhuday biraa efidi Xoossa Keeththa giddon yeggidi kezi biidi cuuletti hayqqides.

ሉቃሳ ሚሺራቾ 22:23

Isttika hessa ooththanay oonee? giidi ba giddon issoy issaa oyshereththida.

ሃዋሬታ ኦሶ 10:42

Izi nu derezas sabbakana malanne hayqqidayta bollanne paxa dizayta bolla pirdanaas Xoossi shuumiday iza gididayssa nu markkattana mala nuna azazides.

ሃዋሬታ ኦሶ 17:31

Izi ba dosidaade baggara biitta bolla xilloteththan pirdana gallas bare woththides. Izakka hayqoppe denththidi as ubbaas hayssa tumateththa erisides.