ሉቃሳ ሚሺራቾ 18:32 - Geeshsha Maxaafa

³² Ayzaabetas aaththi immana; isttika iza qidhi kaa7ananne waayisana; iza bolla cuttana.

ጋሞ ማጻፋ

³² ኣይዛቤታስ ኣ ኢማና፤ ኢስቲካ ኢዛ ቂ ካኣናኔ ዋዪሳና፤ ኢዛ ቦላ ጩታና።

Gamo Geesha Maxxafa New Testamen

³² Dere asas aathi immana, istikka iza qidhi ka77ananne waysana, iza bolla cuttana

ሉቃሳ ሚሺራቾ 18:32 Referans Kwoze

ሉቃሳ ሚሺራቾ 23:11

Herdoosikka ba wottadaratara issife iza kadhida; kawo may7o mayzidi Philaxoosakko zaari yeddides.

ኢሳያሳ ቲንቢቴ 53:3

Izi asan kadhettidaadenne ixettidaade; izi hargefenne metoppe shaaketti erontta asa; Izi asi iza be7anaappe ba ayfeso haraso zaariza asa mala kadhettidaade gidides; nunikka iza bonchchibeekko.

ኢሳያሳ ቲንቢቴ 50:6

Ta zokko shocizaytas, ta buuchcha shoddizaytas aaththa immadis; Ta ayfeso cuchchafe genththabeekke.

ሃዋሬታ ኦሶ 3:13

Nu aawantta Abrahaamentta, Yisaaqantta, Yaaqoobentta Xoossi ba naaza Yesusa bonchchides. Intte qasse iza hayqos aaththi immideta; Philaxoosi iza birshana koyiinkka intte, ‹Koyokko› gideta.

ማርቆሳ ሚሺራቾ 14:65

He wode issi issi asati iza bolla cuch cuttida; iza ayfe goozi oykkidi iccishe, «Ane tinbite yoota» gida. Baggayti qasse shagalan baqqishe efida.

Maatosa 26:67

He wode Yesusa ayfeson cuttishe iza iccida; baggayti iza baqqishe,

Maatosa 16:21

Hessafe haa simmiin Yesusi Yerusalaame baanayssa, heen dere cimatan, qeeseta halaqataninne Muse woga tamaarsizayta kushen waaye ekkanayssa, hayqqanayssanne heedzdzanththo gallas hayqoppe dendanayssa bana kaallizaytas qonccisi yootides.

ሚኪያሳ ቲንቢቴ 5:1

Hanne neni ola asata katamaye, ne ola asaa ziirsa. Nuna oykkanaas yuuyi aadhdhida; Isra7eele haarizayssas shagalan guufera shocana.

ኢሳያሳ ቲንቢቴ 52:14

Daro asay izan dagamanaashe gakkanaas as ubbaafe qohettida gishshas iza medhay asa medhappe laamettides.

ሃዋሬታ ኦሶ 2:23

Xoossi kase ba qachchidayssa izas beni erateththaa mala hayssaade intte kushen aaththi immides. Intteka iita asata kushen kaqetti hayqqana mala ooththideta.

ዮሃኒሳ ሚሺራቾ 18:35

Philaxoosikka, «Ta Ayhuda asee? Nena taas aaththi immidayti ne baggatanne qeeseta halaqataakko; ne ay ooththadii?» gides.

ዮሃኒሳ ሚሺራቾ 18:30

Istti qasse, «Hayssi addezi iita ooththonttaade gididaakko nu iza nees aaththi immokoshin» gida.

ዮሃኒሳ ሚሺራቾ 18:22

Yesusi hessa gida mala heen eqqida ashkaratappe issoy, «Qeeseta halaqas hayssaththo wostta zaaray?» gishe Yesusa shagalan baqa shaayides.

ሉቃሳ ሚሺራቾ 23:35

Hessi hanishin asay wuri eqqi xeellides; daannatikka, «Izi hara asaa ashshides shin Xoossafe doorettida Kirstoosi iza gidikko ane ha7i bana ashsho» giidi qidhida.

ሉቃሳ ሚሺራቾ 23:1

Heen shiiqida asay wuri dendidi Yesusa Philaxoosakko ekki bides.

Maatosa 27:2

Yesusa qachchi efidi dere haariza Philaxoosas aaththi immida.

ዮሃኒሳ ሚሺራቾ 18:28

Hessafe guye Yesusa Qayafa keeththafe dere ayssiza kawoza gibbe mallado wonttara ekki bida. Ayhuda asas Paaziga ba7aale dorsa asho miza wode gidida gishshas bana tunisontta mala giidi malladora dere ayssizayssa gibbe giddo gelibeettenna.

ማርቆሳ ሚሺራቾ 15:1

Maalado wonttara qeeseta halaqati, dere cimatinne Muse wogaa tamaarsizayti kumeththa shango alaafetara issife zorettidi Yesusa qachchi ekki efidi Philaxoosas aaththi immida.

Maatosa 20:19

Iza bolla qidhi kaa7anaassinne garafana mala, wodhana malakka deretas aaththi immana; heedzdzanththo gallas izikka hayqoppe dendana» gides.

Maatosa 22:6

Hankko attidayta ashkarati oykkidi daro waayisidi wodhida.

ሉቃሳ ሚሺራቾ 18:33

Garafana; hessafekka zaaridi wodhana; izikka heedzdzanththo gallas hayqoppe dendana» gides.

ዮሃኒሳ ሚሺራቾ 18:32

Hessika haniday Yesusi kase isttas izi waani hayqqanaakko yootida qaalay polettana gishshassa.