ሉቃሳ ሚሺራቾ 12:4 - Geeshsha Maxaafa

⁴ «Ta laggetoo! Ta inttes gizay asho xalla wodhanaappe attiin hara aykkoka ooththanaas dandayonttaytas babbofte.

ጋሞ ማጻፋ

⁴ «ታ ላጌቶ! ታ ኢንቴስ ጊዛይ ኣሾ ጻላ ዎናፔ ኣቲን ሃራ ኣይኮካ ኦናስ ዳንዳዮንታይታስ ባቦፍቴ።

Gamo Geesha Maxxafa New Testamen

⁴ Ta laggeto ta intes gizay asho xalla wodhanappe attin hara aykkokka oothanas dandda7ontaytas babbofite.

ሉቃሳ ሚሺራቾ 12:4 Referans Kwoze

Maatosa 10:28

Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

ኤርማሳ ቲንቢቴ 1:8

Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.

ዮሃኒሳ ኣጁታ 2:10

Buro sinththafe ne bolla gakkana metos babbofa; intte paacettana mala inttefe issi issi asata daabulosi qasho keeth gelththana. Tammu gallas gakkanaas intte waaye beyanashin ne hayqqana gakkanaas ammanettidaade gida; tani nees mernaa de7o akilile histta immana.

ፒሊጲሲዮሴ ኣሳስ 1:28

Ay ogerakka inttenara eqettizaytas hirgofte; hessi istti dhayanayssassinne intte attanayssas Xoossafe imettida malata.

1ጴጽሮሳ ኪታ 3:14

Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.

ያቆቤ ኪታ 2:23

«Abrahaamey Xoos ammanides; he ammanoy izas xilloteththan qoodettides» giza maxaafaa qaalay polettides; izikka Xoossi dosidaade geetettides.

ሃዋሬታ ኦሶ 20:24

Gido attiin Godaa Yesusi taas immida woththaa woxxa wursana gakkanaassinne oosoza ta polana gakkanaas tani ta shemppos mishettike; taas imettida oosoykka Xoossaa mishiraachcho qaalaa yootokko.

ሂዚቄላ ቲንቢቴ 2:6

Haysso asa nawu! Isttas woykko istta qaalas babbofa! Agunththinne kindichchoy ne yuushon diikkoka qasse masimasota giddon ne uttikokka babbofa. Istti makkallanchcha zare gidikkoka istti nena gizayssas babbofa; isttas dagammofa.

ሃዋሬታ ኦሶ 4:13

Ayhudata duulata asaykka Phexroosinne Yohannisi hessaththo xali haasayzayssa be7idi istti tamaarontta as gididayssa eridi malalettidanne istti kase Yesusara dizayta gididayssa akeekida.

ኤርማሳ ቲንቢቴ 1:17

«Neni gidikko giigetta! Denda eqqada tani nena azazizayssa ubbaa isttas yoota; isttas yayyofa. Neni isttas yayyiko tani nena istta sinththan gujja yashissana.

ኢሳያሳ ቲንቢቴ 41:8

GODAY, «Gido attiin nenoo ta ashkara Isra7eele, ta doorida Yaaqoobe, ta laggeza Abrahaame zereththazoo,

Siiqo Saba 5:1

«Taas siiqo michcho gidida ta mishirayee! Tani ta atakilte giddo geladis. Ta karbbenne ta shitto ciish maxadis; Eessa ukeththaa ililozara gaththa madis; Ta woyne ushshaa, ta maaththaa uyadis» gides. «Intteno siiqettizaytoo! Kallana gakkanaas miite; alana gakkanaaska uyite» gida.

Siiqo Saba 5:16

Iza qaalay eessa mala mal7ees; iza bollay mulera kayshees; Intteno Yerusalaame geela7otoo, ta siiqozinne ta laggezi hayssa misatees» gadus.

ሌሚሶ ማጻፋ 29:25

Asas yayyizayssi izaades woximade gidees; gido attiin GODAAN ammanettiza asi saron de7ees.

ኤርማሳ ቲንቢቴ 41:18

istti Gibxe biday Baabiloone asaappe kessi ekki attanaassa; Nataniya naa Isma7eeley Baabiloone kawoy biittayo haarana mala shuumi woththida Akiqaame naa Godoliyaasa wodhida gishshas istti Baabiloonetas babbida.

ዮሃኒሳ ሚሺራቾ 15:13

Asi ba lagges ba shemppo aaththi imoppe aadhdhiza siiqoy deenna.