ሌዌታ ማጻፋ 9:24 - Geeshsha Maxaafa

²⁴ Asay qoppontta dishin GODAA achchafe kiitettida tamay yiidi yarsho yarshizasoza bolla diza yarshos shiiqida handaza ubbaa mides; derezikka wuri hessa be7idi ilili gidessinne wurikka hokki goynnides.

ጋሞ ማጻፋ

²⁴ ኣሳይ ቆፖንታ ዲሺን ጎዳ ኣቻፌ ኪቴቲዳ ታማይ ዪዲ ያርሾ ያርሺዛሶዛ ቦላ ዲዛ ያርሾስ ሺቂዳ ሃንዳዛ ኡባ ሚዴስ፤ ዴሬዚካ ዉሪ ሄሳ ቤኢዲ ኢሊሊ ጊዴሲኔ ዉሪካ ሆኪ ጎይኒዴስ።

ሌዌታ ማጻፋ 9:24 Referans Kwoze

ዳናታ ማጻፋ 6:21

GODAA kiitanchchay ba kushen oykkida guufe xeeran ashozanne ukeththaza bochchides; histtiin tamay shuchchaa giddofe kezidi ashozanne ukeththaza mides; hessafe guye GODAA kiitanchchay iza sinththafe geemmides.

1ታሪኬ ማጻፋ 21:26

Hessafe guye Dawiti heen Godaa Xoossas yarsho yarshizaso ooththidi xuugettiza yarshonne issifeteththa yarsho shiishshides; izi Godaa Xoossaa woossiin xuugettiza yarsho yarshizasoza bolla saloppe tama yeddidi iza oyshaa zaarides.

ዬ ማጻፋ 80:1

Abeet Isra7eele heenththanchchawu! Yooseefe nayta wude mala kaaleththizayssoo! Neni nu woosa siya; Kirubeta bollara diza araatan uttidayssoo! Ne poo7on qoncca.

ዳናታ ማጻፋ 13:23

Gido attiin iza zaarada, «GODAY nuna wodhanaas koyidaakko xuugettiza yarshozanne kaththa yarshoza nu kusheppe ekkenna; woykko he ubbaa nuna bessenna; woykko ha yo7ota nuus yootenna» gadus.

ሌዌታ ማጻፋ 6:13

Yarsho yarshizasoza bolla diza tamay ubba wode to7ontta eexxanaas bessees.

ኬሳ ማጻፋ 3:2

Heen Xoossa kiitanchchay qeeri wora giddon eexxiza tama laco giddon izas beettides; wora giddon tama lacoy diikkoka tamay woraa monttayssa Musey be7ides.

ሜቴ ማጻፋ 15:17

Arshey wulliin gadey dhumidaappe guye cooce tama lacoynne cuway beettidi he nam7u nam7u kezi shaakettida ashota giddora kanththides.

ዮሃኒሳ ኣጁታ 7:11

Iza kiitanchchati wurikka iza algaas, cimatanne oyddu do7ata yuuyi aadhdhi eqqida algaza sinththan gufannidi Xoossas goynnida.

ዮሃኒሳ ኣጁታ 5:8

Xaaththa maxaafaza ekkida mala oyddu do7atinne nam7u tammanne oyddu cimati he dorsaa sinththan ba liiphen gufannida. Isttika issoy issoy ba kushen diith misatiza miish oykkida; hessaththoka geeshshata woosa gidida exaaney izan kumida worqqa xaaro ba kushen oykki deettes.

Maatosa 26:39

Isttafe guuth gede haakki bi gufannidi, «Ta Aawawu! Nees dandayettiko hayssi metoy taappe aadho; gido attiin tani koyida mala gidontta neni koyida mala hano» gi woossides.

ኢዝራ ማጻፋ 3:11

Asaykka wuri, «Xoossay kiya Xoossa; izi Isra7eele asaa siiqiza siiqoy mernaassa» giza mazamure Xoossa bonchchos yexxida; Xoossa Keeththa yoch yes doommishin asay wuri ba qaala dhoqqu histtidi ililishe Xoossa galatides.

ዮሃኒሳ ኣጁታ 4:9

«He do7ati algaa bolla uttidayssassinne mernaappe mernaa gakkanaas dizayssas gitateth, bonchchonne galatakka shiishshiza wode ubbaan,

2ታሪኬ ማጻፋ 6:2

Hekko tani ne izan mernaas de7ana mala nees lo7o keeth keexxadis» gides.

2ካዎታ ማጻፋ 19:15

Hessafe guye Hizqiyaasi GODAAKKO, «Kirube bolla ne araatan uttida GODAA Isra7eele Xoossoo! Biitta bolla diza ubbaa bolla Xoossi nena; salonne sa7a medhdhiday nena.

ታይቦ ማጻፋ 16:22

Museynne Aarooney sinththa guth gufannidi, «Shemppora diza medheta ubbaas Godaa gidida Xoossoo! Issi asi ooththida nagara geedon neni kumeththa deraa dhayssana gay?» giidi Xoossako waassida.

ታይቦ ማጻፋ 14:5

He wode Museynne Aarooney kumeththa deraa sinththan biitta bolla gufannida.

ሜቴ ማጻፋ 17:3

Abraamey biittan duge gufannidi hu7ey biitta bochchiin izi Xoossas ziggiin Xoossi izas,

ሌዌታ ማጻፋ 10:2

Istti qoppontta Xoossa achchafe yida tamay istta mida gishshas istti GODAA sinththan hayqqida.

ታይቦ ማጻፋ 23:21

Yaaqoobe zereththa bolla metoy gakkenna; Isra7eele asaa bollaka waayey gakkonttayssi taas beettees; GODAY isttara dees; Xoossi kawo gididayssa istti qonccen yooteettes.