ሌዌታ ማጻፋ 26:44 - Geeshsha Maxaafa

⁴⁴ Gidikkoka istti ba morkketa deren diza wode istta mulera dhayssike gaada ta caaqqida qaalaa mabeekke; ta inttena aggaagikke; ta inttena harassetike; tani GODAA intte Xoossaa.

ጋሞ ማጻፋ

⁴⁴ ጊዲኮካ ኢስቲ ባ ሞርኬታ ዴሬን ዲዛ ዎዴ ኢስታ ሙሌራ ይሲኬ ጋዳ ታ ጫቂዳ ቃላ ማቤኬ፤ ታ ኢንቴና ኣጋጊኬ፤ ታ ኢንቴና ሃራሴቲኬ፤ ታኒ ጎዳ ኢንቴ ጾሳ።

ሌዌታ ማጻፋ 26:44 Referans Kwoze

ኦሮሜ ኣሳስ 11:2

Xoossi koyroppe ba erida dereza yeggibeenna; Eelaasi Isra7eele nayta bolla mooto Xoossaako wostti shiishshidaakko Geeshsha Maxaafay iza gishshas ay gizaakko intte erekketii?

ናሂሚያ ማጻፋ 9:31

Gido attiin ne maaroteththa gitateththaafe dendidayssan istta aggabeekka; Ne kiyanne atto giza Xoossaa gidida gishshas istta dhayssabeekka.

ዬ ማጻፋ 94:14

GODAY ba asaa olenna; izi bayta aggenna.

2ካዎታ ማጻፋ 13:23

GODAY gidikko isttas qadhettides, mishettidessinne ba sinththika isttako zaarides. Hessika Abrahaamera, Yisaaqaranne Yaaqoobera kase gelida caaqo qaala gishshassa. Hach gakkanaas izi istta dhayssanaas koyibeenna; izi istta ba sinththafe diggibeenna.

ኦሮሜ ኣሳስ 11:26

Hessa gishshas Isra7eele nayti wurikka attana. «Ashshizaadey Xiyooneppe yaana; Yaaqoobeppeka iitateth diggana.

ሂዚቄላ ቲንቢቴ 16:60

Gido attiin ne naateththan dishin ta nenara caaqqida qaala qoppana; qasse mernaas eqqi daana caaqo qaala ta nenara caaqettana.

ኤርማሳ ቲንቢቴ 33:26

tani Yaaqoobe zereththatanne ta aylle Dawite zereththata aggaagana; Dawite zareppe Abrahaame, Yisaaqanne Yaaqoobe zareta bolla kawotana mala doorikke; tani isttas qadhettana; isttafe di7ettidayssaka isttas zaarana» gees.

ኤርማሳ ቲንቢቴ 30:11

Tani inttena ashshanaas inttenara days; tani inttena kawoteththata giddon laalladis; he kawoteththata mulera dhayssana; gido attiin inttena mulera dhayssike; tani qixaatey baynda coo aggike; gidikkoka tani inttena ginara qaxxayana» gees GODAY.

ኤርማሳ ቲንቢቴ 14:21

Nuna ne sunththaa gishshas gaada kadhopparkkii! Ne bonchcho araata kawushshofa. Neni nunara caaqettida caaqoza qoppa; ne caaqqida qaala mooppa.

ዬ ማጻፋ 89:33

Gido attiin tani ta siiqo izappe haassike; woykko ta ammaneteth izas pacinchchike.

ሌዌታ ማጻፋ 26:11

Tani intte giddon deyana; ta inttena shaatettike.

ዳናታ ማጻፋ 2:1

GODAA kiitanchchay Gelgelappe Bookime biidi Isra7eele asaas, «Tani inttena Gibxeppe kessada beni intte aawaas immana gaada ta caaqqida biitta inttena gelththadis; histtada ta inttes, ‹Tani inttenara caaqqida caaqo qaalaa mulekka laammike.

ሜቴ ማጻፋ 17:7

Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.

ናሂሚያ ማጻፋ 9:17

Nees azazettibeettenna; ne isttas ooththida gita malaataakka ubbaa dogida; wozina muume gidida; qasse guye Gibxe aylleteththan zaarana mala banttana kaaleththiza as doorida. Gido attiin neni siiqon kumida Xoossa, hanqos takkiza Xoossa, atto giza Xoossa, kiyanne maariza Godaa gidida gishshas ne istta aggabeekka.

ዬ ማጻፋ 103:13

Aaway ba naytas qadhettiza mala GODAY baas yayyizaytas qadhettees.

ኤርማሳ ቲንቢቴ 24:5

«GODAA Isra7eele Xoossay, ‹Hayssa lo7o balaseza mala tani hayssafe Baabiloone biitta yeddida Yuhudappe di7ettidayssa lo7on qoppana.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.