ሌዌታ ማጻፋ 26:42 - Geeshsha Maxaafa

⁴² Abrahaamera, Yisaaqaranne Yaaqoobera ta caaqqida caaqo qaalaa qoppana; biittayokka ta qoppana.

ጋሞ ማጻፋ

⁴² ኣብራሃሜራ፥ ዪሳቃራኔ ያቆቤራ ታ ጫቂዳ ጫቆ ቃላ ቆፓና፤ ቢታዮካ ታ ቆፓና።

ሌዌታ ማጻፋ 26:42 Referans Kwoze

ሂዚቄላ ቲንቢቴ 16:60

Gido attiin ne naateththan dishin ta nenara caaqqida qaala qoppana; qasse mernaas eqqi daana caaqo qaala ta nenara caaqettana.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ኬሳ ማጻፋ 6:5

Qasseka Gibxe asay aylle histti waayisida Isra7eele nayta waaso siyada ta gelida caaqo qaala qoppadis.

ኬሳ ማጻፋ 2:24

Xoossi istta oolezanne istta waasoza siyidi izi Abrahaamera, Yisaaqaranne Yaaqoobera caaqqida caaqo qaalaa yuushshi qoppides.

ሉቃሳ ሚሺራቾ 1:72

Hayssa izi ooththiday nu aawatas ba maaroteth bessanaassa, ba geeshsha caaqoza yuushshi qoppanaassa.

ኢዩኤሌ ቲንቢቴ 2:18

GODAY biittays diza misheteththafe dendidayssan ba derezas qadhettides.

ዬ ማጻፋ 136:23

Nuni kawuyida wode izi nuna qoppides; iza siiqoy mernaassa.

ዛሬ ማጻፋ 4:31

GODAA intte Xoossay maariza Xoossa gidida gishshas inttena mulera aggenna; inttena ubbaaka dhayssenna; kase intte aawatara gelida caaqo qaalaa mulekka balenna.

ሜቴ ማጻፋ 28:15

Tani nenara days; neni bizaso ubbaan tani nena naagana; qasse tani nena ha biitta guye zaarada ehana; tani nees ooththana gidayssa ooththana; nenakka yeggike» gides.

ሜቴ ማጻፋ 26:5

Gaasoykka Abrahaamey ta qaalaa siyidi azazettides; ta izas yootidayssa izi ubbaa naagida gishshassa» gides.

ሜቴ ማጻፋ 9:16

Zuullay shaara bolla beettida wode aydekka tani iza beyada taappe Xoossaafenne ha biittaa bollan paxa diza dumma dumma qommo medheteththa ubbaafe giddon caaqo gelida mernaa caaqo qaalaa ta hassa7ana» gides.

ሜቴ ማጻፋ 9:15

‹Paxa diza medheteth ubbaa dhayssanaas hayssafe sinththan mulekka dhayssa haaththi yeenna› gaada taappenne inttefe paxa diza dumma dumma qommo medheteththata ubbaafe giddon caaqqida ta qaalaa ta qoppana.

ሜቴ ማጻፋ 26:2

GODAY Yisaaqas qonccidi, «Gibxe biitta duge booppa; tani nees yootiza biittan de7a.

ሜቴ ማጻፋ 28:13

Yangarezas bolla xeeran GODAY eqqidi iza, «Tani GODAA ne aawa Abrahaame Xoossa, Yisaaqa Xoossa. Ha ne ichchida biittaa ta neessinne ne zereththas immana.

ሜቴ ማጻፋ 35:11

Qasse Xoossi Yaaqoobe, «Tani Ubbaa Dandayza Xoossa; neni yeletta; coratta; dereynne dere maabaray neeppe kezana; kawotikka ne gulbateppe kezana.

ሜቴ ማጻፋ 35:12

Tani Abrahaamessinne Yisaaqas immida biittaa qasse nees immana; neeppe guyekka tani ha biittaa ne zereththas immana» gides.

ዳናታ ማጻፋ 2:1

GODAA kiitanchchay Gelgelappe Bookime biidi Isra7eele asaas, «Tani inttena Gibxeppe kessada beni intte aawaas immana gaada ta caaqqida biitta inttena gelththadis; histtada ta inttes, ‹Tani inttenara caaqqida caaqo qaalaa mulekka laammike.

ኣስቴሪ ማጻፋ 4:14

Neni hayssa mala woden co7u giikko Ayhudatas maadoynne ashshanay harasoppe yaana. Neninne ne aawa keeththa asay gidikko dhayana; qasseka neni godatto gididay hayssa mala wodessakonne oonee erizay?» giza zaaro yeddides.

ሜቴ ማጻፋ 15:18

He gallas GODAY Abraames, «Gibxe shaafappe doommidi Efiraaxise geetettiza gita shaafaa gakkanaas ha biittaa tani ne zereththaas immadis.

ሜቴ ማጻፋ 26:24

Hee bida gallas qammara GODAY izas qonccidi, «Tani ne aawa Abrahaame Xoossa; tani nenara diza gishshas babbofa! Tani nena anjjana; ta aylle Abrahaame gishshas ne zereththaa ta darsana» gides.

ዛሬ ማጻፋ 9:27

Kase ne oosanchchata Abrahaame, Yisaaqanne Yaaqoobe qoparkkii; hayssa deraa wozina muumeteththaa, iitateththaanne; nagaraa ubbaa qoodoparkkii!» ga woossadis.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.