ሌዌታ ማጻፋ 26:4 - Geeshsha Maxaafa

⁴ tani inttes ira wodera bukisana; biittayakka kath darsa immana; ayfe immiza miththatikka darssi ayfana.

ጋሞ ማጻፋ

⁴ ታኒ ኢንቴስ ኢራ ዎዴራ ቡኪሳና፤ ቢታያካ ካ ዳርሳ ኢማና፤ ኣይፌ ኢሚዛ ሚቲካ ዳርሲ ኣይፋና።

ሌዌታ ማጻፋ 26:4 Referans Kwoze

ዛካራሳ ቲንቢቴ 8:12

Zereththay lo7o mokkana; woyne miththay ayfana; biittayka kath immana; saloykka ira immana; heyta wursaka haan hayssan attiza derezas xinxxo histti immana.

ዬ ማጻፋ 67:6

Biittay kath immana; Xoossi, nu Xoossay nuna anjjana.

ሂዚቄላ ቲንቢቴ 36:30

Kosha gaason intte kawoteththata giddon intte kawuyidi yeellatontta mala miththa ayfenne kath ta inttes darsana.

ኢሳያሳ ቲንቢቴ 30:23

Ne zerida kaththas izi ira immana; biittafe mokkida kaththay muurutanne daro gidana. He wode intte mehey aaho demban heemettana.

ኢዮቤ ማጻፋ 5:10

Biitta bolla ira bukisees; goshshatakka haaththan shugisees.

ዛሬ ማጻፋ 28:12

Ne kushe ooso ubbaa anjjanaassinne GODAY ne biittaas ira wodera bukisanaas ba minjja keeththaa, salo penge nees doyana; qasse neni daro kawoteththatas tal7anaappe attiin ooppeka haa tal7e ekkaka.

ዛሬ ማጻፋ 11:14

Intte hessaththo ooththiko intte kaththaa, woynenne zayte pacey baynda shiishshana mala GODAY inttes badhdhesa iranne balgo ira woden woden bukisana.

ሌዌታ ማጻፋ 25:21

Usuppunththa layththatan biittayo anjjana; histtiko iza inttes heedzdzu layththas gidana kath immana.

ሃዋሬታ ኦሶ 14:17

Gido attiin Xoossi saloppe iranne hessaththoka kaththi kaxxiza wodeta immidi intte wozina kaththaninne ufayssan kunththides; ufayssaaka inttena kalssidi lo7o ooson bana markkay baynda aggibeenna» gida.

Maatosa 5:45

Intte hessaththo ooththiko intte salo Aawaas nayta gidana. Izi arshe iitatassinne lo7otas issi bolla gaththi immees. Irakka xillotassinne nagaranchchatas issi bolla bukisees.

ዬ ማጻፋ 85:12

Be7ite! GODAY lo7o miish immana; nu biittayka lo7o kath mokisana.

ዬ ማጻፋ 68:9

Abeet Xoossawu! Neni koshshiza keena ira immadasa; ladda biittaaka araddisadasa.

ዮሃኒሳ ኣጁታ 11:6

Istti tinbite yootiza he gallassatan iray bukkontta mala salo gordanaas maatay isttas dees. Hessaththoka haaththata suuththan laammanaas koykkoka hara ay mala boshankka biitta shocanaas wolqqay isttas dees.

ያቆቤ ኪታ 5:7

Hessa gishshas ta ishatoo! Goday haa yaana gakkanaas dandayte; goshshe goyizaadey biittay lo7o kaththi kaxxana gakkanaas waani dandayzaakko koyro iranne wurseththa ira izi wostti naagizaakko ane akeekite.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ዬ ማጻፋ 104:13

Neni gita zumata bollan saloppe ira bukisaasa; biittaaka ne kushe ooso ayfen kunththadasa.

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

ሌዌታ ማጻፋ 25:19

Biittaya inttes gidana kath immana; intteka izippe kallana gakkanaas maana; saroteththanka de7ana.

ዛሬ ማጻፋ 11:13

Hessa gishshas GODAA intte Xoossaa siiqite; kumeththa wozinappenne kumeththa shemppofe izas ooththite; tani hach inttes immiza azazota polite.

ዬ ማጻፋ 67:7

Xoossi nuna anjjana; Sa7a gaxa gakkanaas diza asay ubbay izas yayyana.

ዬ ማጻፋ 85:13

Xilloteththi izappe sinththara baana; izi baanaasokka izas giigsana.

ኢዩኤሌ ቲንቢቴ 2:22

Intteno biitta bolla diza do7atoo babbofte; kase intte izan heemettiza gadey cililides; miththatikka ayfida; balaseynne woyne miththay keehi daro ayfides.