ሌዌታ ማጻፋ 26:13 - Geeshsha Maxaafa

¹³ Intte aylleteththan haarettontta mala Gibxe biittafe inttena kessiday tani GODAA intte Xoossaa; tani intte aylleteththa qambara menththada intte dhoqqu giidi baana mala ooththadis.

ጋሞ ማጻፋ

¹³ ኢንቴ ኣይሌቴን ሃሬቶንታ ማላ ጊብጼ ቢታፌ ኢንቴና ኬሲዳይ ታኒ ጎዳ ኢንቴ ጾሳ፤ ታኒ ኢንቴ ኣይሌቴ ቃምባራ ሜንዳ ኢንቴ ቁ ጊዲ ባና ማላ ኦዲስ።

ሌዌታ ማጻፋ 26:13 Referans Kwoze

ሂዚቄላ ቲንቢቴ 34:27

Gaden diza miththati ayfe immana; biittayka kath moyzana; as ubbay ba biitta bolla saron daana. Ta istta qambara menththada istta aylleteththan haaridayta kusheppe wozziza wode tani GODAA gididayssa istti erana.

ዬ ማጻፋ 116:16

Abeet GODAWU! Tani ne aylle; tani ne aylley naa; tana qashoppe birshadasa.

ሌዌታ ማጻፋ 25:38

Nena Kanaane biitta laatissanaas nees GODAA gidanaas Gibxe biittafe kessida Xoossay tana.

ኬሳ ማጻፋ 20:2

«Nena Gibxeppe aylleteththa biittafe kessida GODAA ne Xoossay tana.

ኤርማሳ ቲንቢቴ 2:20

Ubbaa Haariza GODAY, «Benippe doommada tani ne qambara menththadis; nena qachchida miishshika duuththadis. Histtiinkka, ‹Tani nees ooththike› gadasa. Histtada dhoqqa zumbullata achchan miththa garsan laymatanaas ichchadasa.

ሌዌታ ማጻፋ 25:55

Isra7eele asay taas aylletanne tani Gibxe biittafe kessida ta oosanchchata; tani GODAA intte Xoossaa.

ኢሳያሳ ቲንቢቴ 51:23

Tani hessa nena un7eththizayta kushen woththana. Istti nena, ‹Nuni ne bollara hemettidi aadhdhana mala zaqulla› gida. Histtiin istti aadhdhana gakkanaas ne zokko isttas biitta malanne oge mala ooththadasa» gees.

ሌዌታ ማጻፋ 25:42

Isra7eele asaa ta Gibxe biittafe kessida ta oosanchchata gidida gishshas istti aylle mala bayzettofetto.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

ሂዚቄላ ቲንቢቴ 30:18

Tani Gibxe qambara menththiza wode Xaafinaasen gallassay qammana; hessafe guye iza otorettida izi minoteththay kundana; iza shaaran kamettana; izi gutatikka di7ettana.

ሆሴኤ ቲንቢቴ 11:4

Ta istta qadheta wodoroninne siiqo sansalatan taakko shiishshadis; istta morgefe qambara denththadis; ziqqi ga hokkada istta mizadis.

ኬሳ ማጻፋ 14:8

GODAY Gibxe biitta kawo wozina minththiin minoteththara buro buussa bolla diza Isra7eele asaa gooddides.

ኢሳያሳ ቲንቢቴ 9:3

Neni kawoteththaa darsadasa; isttas ufayssaa bolla ufays gujjadasa; asay kath shiishshishenne di7i ekkida miish gishettishe ufayettiza mala isttika ne sinththan ufayettana.

ኤርማሳ ቲንቢቴ 28:2

«Ubbaafe Wolqqama GODAA Isra7eele Xoossay, ‹Baabiloone kawoy inttena toossida qambara ta menththana.

ኤርማሳ ቲንቢቴ 28:4

Qasse tani Yuhuda Kawo Iyo7aaqeme naa Ikoniyaanenne Yuhudappe di7ettidi Baabiloone bida asaa ubbaa zaarada ha soho ehana. Gaasoykka Baabiloone kawoy inttena toossida qambara ta menththana› gees» gides.

ናሆሜ ቲንቢቴ 1:13

Ha7ikka ta istta qambara ne morgefe menththa diggana; ne izan qashettida sansalatakka duuththa yeggana» gees.