ሌዌታ ማጻፋ 19:3 - Geeshsha Maxaafa

³ « ‹Inttefe oonikka attontta ba aawaanne ba aayo bonchcho; ta inttena azazida mala Sambata gallassata bonchcho; tani GODAA intte Xoossaa.

ጋሞ ማጻፋ

³ « ‹ኢንቴፌ ኦኒካ ኣቶንታ ባ ኣዋኔ ባ ኣዮ ቦንቾ፤ ታ ኢንቴና ኣዛዚዳ ማላ ሳምባታ ጋላሳታ ቦንቾ፤ ታኒ ጎዳ ኢንቴ ጾሳ።

ሌዌታ ማጻፋ 19:3 Referans Kwoze

ኬሳ ማጻፋ 20:12

«GODAA ne Xoossay nees immiza biittan ne daro layth daana mala, ne aawaanne ne aayo bonchcha.

ኬሳ ማጻፋ 20:8

«Sambata gallassa hara gallassatappe dummasada naaga.

Ibirawe 12:9

Hessa ubbaafe bollara hayssa biitta bolla nuna hanqi dichchida asho aawati deettes; nunikka istta bonchchoos; histtiin de7on deyanaas nuus Ayana Aawaa gididayssas aazas hessafe aaththi azazettokonii?

ሌሚሶ ማጻፋ 30:17

«Ba aawa qidhiza naa ayfenne, ba aayo kadhiza naa ayfe kelkan de7iza quuroti woocana; iza ashoza ankkoti maana.

ሌዌታ ማጻፋ 11:44

Tani GODAA intte Xoossaa; tani harappe dumma gidida gishshas intteka dumma gidite; ba tiran gooshettizayta miidi intterkka inttena tunisopite.

ኢሳያሳ ቲንቢቴ 58:13

Qasseka, «Ne tohoti sambata shaarontta mala ne shempisikko dummatida ta gallassaan ne wozina qofa ooththontta aggiko, sambata gallassaa ufays, GODAAS dummatida gallassa neni bonchcho gallas ga xeygikko, ne shene mala ne ooththizayssafenne hada yo7oppe ne naagettiko,

ሌሚሶ ማጻፋ 30:11

Ba aawa qanggizanne ba aayokka anjjontta yeletay dees.

ሌሚሶ ማጻፋ 23:22

Nena yelida aaway yootizayssa siya; ne aayiyakka ceeggida wode kadhoppa.

ዛሬ ማጻፋ 27:16

«Ba aawa woykko ba aayo kawushshizaadey qanggettidaade gido!» Derezi wurikka, «Amiin!» go.

ኬሳ ማጻፋ 21:17

«Ba aawa woykko ba aayo cayizaadey hayqqo.

ኬሳ ማጻፋ 21:15

«Ba aawa woykko ba aayo wadhdhiza asi oonikka hayqqo.

ኬሳ ማጻፋ 16:29

Ta inttes Sambata immidayssa akeekite; usuppunththa gallassan ta inttes nam7u gallassas kath immizayssi hessa gishshassa. Laappunththa gallas wurikka ba dizason dizason taakko; oonikka awakka booppo» gides.

ሚልካሳ ቲንቢቴ 1:6

«Nay ba aawa, aylleyka ba Godaa bonchchees shin ta inttes aawa gidikko aazas tana bonchcheketii? Tani Godaa gidikko aazas taas yayyeketii? gees medheteththa goday; qeesetoo! Ta sunth kawushshizay inttena. ‹Intte qasse: nuni ne sunth wostti kawushshidonii?› geeta.

ሂዚቄላ ቲንቢቴ 20:12

Qasse istta geeshshiday tana GODAA gididayssa istti he wode erana mala taassinne isttas giddon malata gidana mala ta Sambata isttas immadis.

ሌዌታ ማጻፋ 26:2

« ‹Sambata gallassata naagite; ta keeththaa bonchchite; tani GODAA.

ሌሚሶ ማጻፋ 1:8

Ta naazoo! Ne aawa zore ezga; ne aaya tamaarsizayssaka aggofa.

ሌዌታ ማጻፋ 19:30

Ta Sambata gallassata naagite; ta keeththaa bonchchite; tani GODAA.

ሌዌታ ማጻፋ 23:3

«Intte inttes ooththanaas usuppun gallassati deettes; laappunththa gallassay gidikko inttes shempiza Sambata gallassa; he gallas intte Xoossa goynnanaas shiiqite attiin ay oosokka ooththofte; intte dizaso ubbaan hessi intte Xoossa bonchchana Sambata gallassa.

ዛሬ ማጻፋ 5:16

« ‹Tani GODAA ne Xoossay nena azazida mala ne aawaanne ne aayo bonchcha; ne hessaththo ooththiko GODAA ne Xoossay nees immiza biittayn ne layththi aduqqananne nees injjetana.

ሜቴ ማጻፋ 48:12

Yooseefey istta Yaaqoobe gulbate bollafe denththidi ba hu7e biitta gaththi ziggides.

ሌዌታ ማጻፋ 19:25

Ichchashanththo layththan qasse miththaa ayfeza inttes miite; intte hessaththo histtiko ayfe ayfiza intte miththay woden woden inttes immiza ayfey kaseppe gede gujetti gujetti baana; tani GODAA intte Xoossaa.

ሌዌታ ማጻፋ 19:31

« ‹Moytille haasayssizayta woykko iita ayanata haasayssizayta zore oychchofa; intte tunontta mala istta koyopite; tani GODAY intte Xoossa.

ሌዌታ ማጻፋ 19:34

Intte intte dere asas ooththiza mala isttaskka lo7o ooththite; intte inttena siiqiza mala isttaka siiqite; kase intteka Gibxe biittan beteta gididayssa yuushshi qopite; tani GODAA intte Xoossaa.

ናሂሚያ ማጻፋ 9:14

Geeshsha ne Sambata istti bonchchana mala tamaarsadasa; Ne azazota, wogatanne maarata ne oosanchcha Muse baggara isttas immadasa.