ሌዌታ ማጻፋ 19:23 - Geeshsha Maxaafa

²³ « ‹Intte Kanaane gelidi ayfe ayfiza mith tokkiko he ayfe ayfiza miththaya ayfe doommoosofe biidi heedzdzu layth gakkanaas immiza ayfey meetettontta digettidayssa erite; he layththatan he miththata ayfe moopite.

ጋሞ ማጻፋ

²³ « ‹ኢንቴ ካናኔ ጌሊዲ ኣይፌ ኣይፊዛ ሚ ቶኪኮ ሄ ኣይፌ ኣይፊዛ ሚያ ኣይፌ ዶሞሶፌ ቢዲ ሄ ላይ ጋካናስ ኢሚዛ ኣይፌይ ሜቴቶንታ ዲጌቲዳይሳ ኤሪቴ፤ ሄ ላይታን ሄ ሚታ ኣይፌ ሞፒቴ።

ሌዌታ ማጻፋ 19:23 Referans Kwoze

ሃዋሬታ ኦሶ 7:51

«Intteno wozina muumetoo! Hayththa tulletoo! Intteka intte aawata mala ubba wode Xillo Ayanara eqetteeta.

ሌዌታ ማጻፋ 22:27

«Miiza mari woykko dorsa laaqqay woykko deysha laaqqay yelettiko laappun gallas gakkanaas ba aayppe shaakettofo; gido attiin osppunththa gallassafe oykkidi xuugettiza yarshos shiiqanaas dandayees.

ኤርማሳ ቲንቢቴ 6:10

Tani oonas yootoo? Oona seeroo? Ooni ta gizaaz siyanee? hekko istta hayththi tulle gidida gishshas istti siyettenna; GODAA qaalay isttas qidhes kezides; istti izan ufayettettenna.

ሌዌታ ማጻፋ 14:34

«Tani inttes immiza Kanaane biitta intte geliza wode issi keeththan tani buuqa yeggiko,

ሌዌታ ማጻፋ 12:3

Yelettida naazi osppunththa gallas qaxxarettanaas bessees.

ኬሳ ማጻፋ 6:12

Gido attiin Musey GODAAS, «Isra7eele nayti tayssa siyontta ixxida shin tani doonay birshontta as gidishin kawoy ta gizayssa wostti siyanee?» gides.

ኬሳ ማጻፋ 6:30

Musey qasse GODAAS, «Tani doonay birshontta as gidida gishshas kawoy tani yootizayssa wostti siyanee?» gides.

ሌዌታ ማጻፋ 19:22

Qeesezikka hessaade nagara wursanaas Xoossa sinththan qoho yarshos imettida dharshoza shiishsho; izaade nagaraykka atto geetettana.

ሌዌታ ማጻፋ 19:24

Oydanththo layththa bolla he miththaa ayfey ubbay GODAAS galatas shiishshiza yarsho gido.

ሌዌታ ማጻፋ 23:14

Intte heyta GODAAS immanaappe koyro gakkida kaththa ayfe qaye gidiin woykko shaash woykko uketh uukkidi moopite; hayssa ha wogaza intte dizaso ubbaan guyeppe yaana intte yeletas eqqi diza mernaa woga gido.