ሌዌታ ማጻፋ 19:14 - Geeshsha Maxaafa

¹⁴ « ‹Siyenna gaada tulle cayoppa; qooqey dhuphettidi kundana mala iza sinththan dhuphizaaz woththofa; ne Xoossas yayya; tani GODAA ne Xoossa.

ጋሞ ማጻፋ

¹⁴ « ‹ሲዬና ጋዳ ቱሌ ጫዮፓ፤ ቆቄይ ጴቲዲ ኩንዳና ማላ ኢዛ ሲንን ጲዛዝ ዎፋ፤ ኔ ጾሳስ ያያ፤ ታኒ ጎዳ ኔ ጾሳ።

ሌዌታ ማጻፋ 19:14 Referans Kwoze

ዛሬ ማጻፋ 27:18

«Qooqe as hadirsa oge kaaleththiza ubbay qanggettidaade gido!» Derezi wurikka, «Amiin!» go.

ሌዌታ ማጻፋ 19:32

« ‹Neeppe cimmidaade beykko ne uttidasohoppe denda eqqada bonchcha; taas Xoossas yashshateththan azazetta; tani GODAA.

1ጴጽሮሳ ኪታ 2:17

As ubbaaka bonchchite; ammanizayta siiqite; Xoossas babbite; kawo bonchchite.

ኦሮሜ ኣሳስ 14:13

Hessa gishshas nuni nu garsan issoy issaa bolla pirdanaappe ane naagettoos; hessa aggidi nu ishaas dhuphe gidizayssa woykko iza oykkiza narxa woththontta mala ane nu naagettoos.

ሌዌታ ማጻፋ 25:17

Issi Isra7eele asi hara Isra7eele as qohoppo; intte intte Xoossaas yayyite; tani GODAA intte Xoossaa.

ዮሃኒሳ ኣጁታ 2:14

Gidikkoka ta nena kadhiza issi miishshi ne bolla dees; hessika Bala7aame timirte oykkida issi issi asati intte giddon deettes; hessi Bala7aamey Isra7eele asay eeqas yarshettida kath miidinne layma laymatidi dhuphettana mala Baalaaqe zoridaade.

ናሂሚያ ማጻፋ 5:15

Qasseka taappe kase dere ayssizayti ubbay deraa bolla gita tooho gididi gallas gallas mizaazinne uyizaazi izappe attiin bollarakka oyddu tammu saqile bira cigissida; haray attoshin istta aylletikka deraa bolla keehi godatidi waayisida; gido attiin tani Xoossas yayyiza gishshas hessaththo ooththabeekke.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.

ኦሮሜ ኣሳስ 12:14

Inttena qanggizayta anjjite attiin qanggofte.

ሜቴ ማጻፋ 42:18

Heedzdzanththo gallassan Yooseefey isttas, «Tani Xoossas babbiza asa; intte issi miish ooththiko intte shemppo ashsheeta.

1ቆሮንቶሴ ኣሳስ 10:32

Ayhuda asaas gidiin Ayzaabetas gidiin woykko Xoossa Woosa Keeththas oonaska dhuphe gidopite.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!