ሌዌታ ማጻፋ 14:34 - Geeshsha Maxaafa

³⁴ «Tani inttes immiza Kanaane biitta intte geliza wode issi keeththan tani buuqa yeggiko,

ጋሞ ማጻፋ

³⁴ «ታኒ ኢንቴስ ኢሚዛ ካናኔ ቢታ ኢንቴ ጌሊዛ ዎዴ ኢሲ ኬን ታኒ ቡቃ ዬጊኮ፥

ሌዌታ ማጻፋ 14:34 Referans Kwoze

ዛሬ ማጻፋ 32:49

«Mo7aabe deren Iyarkko katama ginara diza Abaarime zumata giddofe Nebo zuma bolla keza; histtada tani Isra7eele asaas immana gida Kanaane biitta he pinththan xeella.

ሜቴ ማጻፋ 17:8

Ha7i neni bete gidada diza Kanaane derey wuri neessinne neeppe guye ne zereththas mernaas laata biitta gidana mala tani immana; qasse tani istta Xoos gidana» gides.

ታይቦ ማጻፋ 32:22

biittayakka GODAAS haarettidaappe guye intte simmana dandayeeta; he wode intte GODAASSINNE Isra7eele asaas ooththanaas bessiza alaafeteth polidaappe guye hara aykkoka oyshetteketa; hessafe guye ha biittaya inttes xinxxo gidana.

ሚኪያሳ ቲንቢቴ 6:9

Xoossas baboy aadhdhida erateththa; Siyite! Xoossi katamayo hizgi xeygees, «Iza hanqo guufeza qopite; hessaka giigsiday oonakko wozinan woththite.»

ኣሞጼ ቲንቢቴ 6:11

GODAA azazon wogga keeththati laalettana; guuththa keeththatikka laaletti attana.

ኣሞጼ ቲንቢቴ 3:6

Katama giddon olas zayey punettishin babon kokkorontta asi di erizee? GODAA sheney baynda dishin katama bolla iita miishshi gakki erizee?

ኢሳያሳ ቲንቢቴ 45:7

Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

ሌሚሶ ማጻፋ 3:33

GODAA qanggeththi iita ooththizayta keeththanna; gido attiin iza anjjoy xillotasonna.

1ሳሜላ ማጻፋ 2:6

«GODAY wodheessinne paththees; duge duufon gelththeessinne kessees.

ኢያሶ ማጻፋ 13:1

Iyaasoy cimmiin izas layththay keehi bida wode GODAY, «Neni keeha cimadasa; layththayka nees keehi bides; gido attiin buro oykettontta daro biittay dees.

ዛሬ ማጻፋ 27:3

Kase GODAA intte aawata Xoossay eessinne maaththi kumida biittayo inttes immanaas caaqqida qaalaa mala he biittayo oykkanaas intte pinnida wode ha woga qaalata lochcha shuchchata bolla xaafte.

ዛሬ ማጻፋ 26:1

GODAA ne Xoossay nena laatissana biittayo ne gela uttiza wode,

ዛሬ ማጻፋ 19:1

GODAA intte Xoossay inttes immiza biittan diza kawoteththata dhayssidi intte istta katamataninne keeththatan de7o doommiza wode,

ዛሬ ማጻፋ 12:1

GODAA intte aawata Xoossay inttes immiza biittaa bolla diza wode intte naagana wogatinne maarati haytantta;

ዛሬ ማጻፋ 7:15

GODAY harge ubbaafe inttena naagana; intte kase Gibxen dishe be7ida iita hargetappe awoyssaka intte bolla ehenna; gido attiin izi bana ixxizayta bolla he hargeta ehana.

ታይቦ ማጻፋ 35:10

«Neni Isra7eele asaas, ‹Intte Kanaane dere gelanaas Yordaanoose shaafaa pinniza wode,

ታይቦ ማጻፋ 32:32

Nu olas GODAA sinth gede Kanaane pinnana; nu laattana biittay gidikko Yordaanoose shaafappe ha pinththan arshey mokkiza baggana» gi zaarida.

ሌዌታ ማጻፋ 25:2

«Ne Isra7eele asaas, ‹Tani inttes immiza biitta intte geliza wode laappunththa laappunththa layththan biitta goyontta shaachchi shempison Xoossa bonchchite.

ሌዌታ ማጻፋ 23:10

«Isra7eele asaas tani inttes immiza biittaa gelidi intte kath shiishshiza wode kaththa xeera qeesekko ehite.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ሜቴ ማጻፋ 13:17

Dendada biitta bolla pudenne duge, yaanne ha yuuya xeella; gaasoykka tani hayssa biittaa nees immana» gides.

ሜቴ ማጻፋ 12:7

GODAY Abraames qonccidi, «Ha biittaa tani ne zereththas immana» gides; izi baas qonccida GODAAS he sohon yarsho yarshizaso keexxidi goynnides.

ሌዌታ ማጻፋ 14:33

GODAY Musessinne Aaroones hizgides,

ዛካራሳ ቲንቢቴ 5:4

Ubbaafe Wolqqama GODAY, ‹Tani qanggeth ehana; izikka kaysota keeththinne ta sunththan wordo caaqqizayta keeth gelana; isttas heen diza keeththaa, miththaanne shuchchaa ubbaa dhayssana› gees» gides.

ሌዌታ ማጻፋ 14:55

may7o bollanne keeththa bolla issaafe issaan aadhdhi aadhdhi yiza harges,

ሌዌታ ማጻፋ 20:24

Ta qasse izippe maaththinne eessi goggiza he cilila biittayo inttena gelththanaas caaqqadis; izokka ta inttes immana; hankko dereppe intte taas shaakettidayta gidana mala ooththiday tana GODAA intte Xoossaa.