ኤርማሳ ዚላስ 2:6 - Geeshsha Maxaafa

⁶ Izi ba keeththa kaththa giddon diza gaabba shoddiza mala shoddi olides; Xoossi Xiyoono iza layththan layththan bonchchiza ba7aaletanne sambatata diggides; izi ba mino hanqon kawozanne qeeseza kawushshides.

ጋሞ ማጻፋ

⁶ ኢዚ ባ ኬ ካ ጊዶን ዲዛ ጋባ ሾዲዛ ማላ ሾዲ ኦሊዴስ፤ ጾሲ ጺዮኖ ኢዛ ላይን ላይን ቦንቺዛ ባኣሌታኔ ሳምባታታ ዲጊዴስ፤ ኢዚ ባ ሚኖ ሃንቆን ካዎዛኔ ቄሴዛ ካዉሺዴስ።

ኤርማሳ ዚላስ 2:6 Referans Kwoze

ሶፎናሳ ቲንቢቴ 3:18

«Bonchcho ba7aale gallassati attida gishshas neni muuzottidayssanne, nees tooho gidida yeellaa ta neeppe diggana.

ኤርማሳ ዚላስ 1:4

Oonikka izi ba7aaleta bonchchanaas yontta gishshas Xiyoone ogeti yeekkeettes; izi pengetara gelizaynne kezizay deenna; izi qeeseti ceeceettes; geela7otikka muuzotteettes; izakka gita meto garsan tuggatawus.

ኤርማሳ ዚላስ 4:16

Istta laalliday Xoossa; hayssafe guye izi isttas qoppenna; istta qeesetas bonchchoy imettenna; cimataska puulay deenna.

ሚልካሳ ቲንቢቴ 2:9

Histtiin intte ta ogen bontta gishshassinne intte intte timirteza dumma maado ooththida gishshas intte asa ubbaa sinththan kadhettana malanne intte guuxxana malata ooththadis.

ሂዚቄላ ቲንቢቴ 17:18

Kase izi caaqqida caaqoza kadhidinne kase ba gelida qaala laallidi ba kushe immidaappe guye haytantta ubbaa ooththida gishshas qaxxayettontta attenna› gees.

ኤርማሳ ዚላስ 5:12

Daannata istti kaqqida; cimatakka bonchchibeettenna.

ኤርማሳ ዚላስ 4:20

Nuni iza kuwa garsan utti de7ana gi qoppidayssa, Xoossi tiydayssa, nuus de7o shemppoka gididayssa bantta woximaden oykkida.

ኢሳያሳ ቲንቢቴ 64:11

Nu aawati kase nena izan galatiza Xoossa Keeththay taman xuugettides; kase lo7osoti ubbatikka dhayda.

ኢሳያሳ ቲንቢቴ 63:18

Guuththa wodes ne derey geeshshasohoza laattides; ha7i gidikko nu morkketi ne Keeththaa yedhdhida.

ኢሳያሳ ቲንቢቴ 43:28

Hessa gishshas tani ne Xoossa Keeththa halaqata kawushshana; Yaaqoobe bashshas, Isra7eelekka cashshas aaththa immana» gees.

ኢሳያሳ ቲንቢቴ 5:5

Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ኢሳያሳ ቲንቢቴ 1:13

Hayssafe guye hayssa misatiza hada yarsho nam7anththo shiishshofte; intte cuwasiza exaaney tana shaattees; agina xeeron, sambata gallassataninne intte goynos shiiqiza gallassatan intte bonchchiza ba7aaleti iitateththan kumida gishshas tani heyta gencca aadhdhanaas dandaykke.

ኢሳያሳ ቲንቢቴ 1:8

Xiyoone naya woyne miththa giddon diza gaabba mala, lelehe giddon diza qeeri keeththa malanne morkkey giddoththida katama mala gidadus.

ዬ ማጻፋ 89:40

Neni katamaa gimbeza ubbaa laalladasa; iza miixa ubbaa dhayssadasa.

ዬ ማጻፋ 80:12

Histtiin ogera aadhdhiza ubbay izi ayfe duuththi maana mala izi yuushozan diza gimbeza ays laalladii?

ዬ ማጻፋ 76:2

Iza dunkaaney Saleemen dees; izas duussasoyka Xiyoone.

ኤርማሳ ቲንቢቴ 17:27

Gido attiin intte Sambata gallassata dummasontta ixxidi sambata gallas tooho tookkidi Yerusalaame pengetara gelidi ta azazo menththiko tani Yerusalaame pengeta bolla izi miixata miza to7ontta tama ta eeththana» gides.

ኤርማሳ ቲንቢቴ 50:28

«GODAA nu Xoossay halo kessidayssa, Xoossa Keeththa gishshas halo kessidayssa Baabilooneppe betidaytinne goodettidayti Xiyoonen haasayzayssa siyite.

ሌዌታ ማጻፋ 26:31

Ta intte katamata laallana; intte goynnizasota ta kays histtana; sawiza intte yarshoza ta ekkike.

ዬ ማጻፋ 74:7

Xoossa Keeththaa taman xuuggidi dhayssida; ne xeygettizasoza tunisida.

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ኤርማሳ ቲንቢቴ 42:18

«Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.

ኤርማሳ ቲንቢቴ 45:4

GODAY, «Tani biitta bolla keexxidayssa laallana; ta tokkidayssaka shoddana.