ኤርማሳ ዚላስ 2:21 - Geeshsha Maxaafa

²¹ Yelagatinne cimati hayqqidi ogen kundi attida; yelaga maccassatinne attumati mashshan hayqqida; ne hanqettida gallas istta wodhadasa; qadhetay bayndaka shukkadasa.

ጋሞ ማጻፋ

²¹ ዬላጋቲኔ ጪማቲ ሃይቂዲ ኦጌን ኩንዲ ኣቲዳ፤ ዬላጋ ማጫሳቲኔ ኣቱማቲ ማሻን ሃይቂዳ፤ ኔ ሃንቄቲዳ ጋላስ ኢስታ ዎዳሳ፤ ቃታይ ባይንዳካ ሹካዳሳ።

ኤርማሳ ዚላስ 2:21 Referans Kwoze

2ታሪኬ ማጻፋ 36:17

Hessa gishshas GODAY Baabiloone kawo istta bolla denththidi ehides; histtiin Xoossa Keeththaa giddon izi istta yelaga attuma nayta mashshan suppu histtides; yelaga attuma nayta, woykko geela7ota, woykko cimata, woykko ceegata Xoossi istta ubbaa Nabukadanaxoore kushen aaththi immides.

ዛካራሳ ቲንቢቴ 11:6

«Hayssafe guye ha biittay bolla diza asas ta qadhettike; tani ta baggara issaa issaa iza laggessinne iza kawos aaththa immana; isttika biitta un7eththana; tanikka istta istta kusheppe ashshike» gees.

ኤርማሳ ዚላስ 3:43

Neni hanqon kumada nuna gooddadasa; ne nuna qadhetay baynda wodhadasa.

ኤርማሳ ቲንቢቴ 13:14

Tani issi as hara asara, aawa naara ooshshana; tani istta dhayssana attiin isttas mishettike; qadhettikenne maarikke› gees ga» gides.

ኤርማሳ ዚላስ 2:17

Xoossi ba qoppidayssa ooththides; daro wodeppe kase yootida qaala polides; izi nena qadhetay baynda laallides; ne waayettishin morkkey ufayettana mala ne morkketa dhoqqu dhoqqu histtides.

ኤርማሳ ዚላስ 2:2

Yaaqoobe duussaso ubbaa Xoossi qadhetay baynda dhayssides; Yuhuda dere miixata izi ba hanqon laallides; izi kawoteththanne dere ayssizayta kawushshidi duge biittan yeggides.

ኤርማሳ ዚላስ 1:15

«Nu garsan diza olanchchata ubbatara Xoossi eqettides; nu giddofe yelagata dhayssanaas olanchchata nu bolla yeddides. Woyne miththa ayfe ushshu kessanaas yedhdhiza mala GODAY boshettontta geela7o misatiza Yuhuda asaa yedhides.

ኤርማሳ ቲንቢቴ 18:21

Hessa gishshas istta nayta koshassinne mashshas aaththa imma; istta maccassati maynnenne am7eta gidetto; istta attumasatikka para hayqon wuretto; istta naateththa nayti olason mashshas gidetto

ኣሞጼ ቲንቢቴ 4:10

«Ta kase Gibxe biitta bolla yeddida iita hargeza mala harge intte bolla yeddadis; intte naateththa nayta mashshan hayqqana mala ooththadis; intte paratakka di7ettana mala ta ooththadis; intte dizason hayqqida asa aha xinqqoy intte siidhe tuccides; intte gidikko haa taakko simmibeekketa.

ሂዚቄላ ቲንቢቴ 9:10

Hessa gishshas tani isttas istta hano mala immana attiin ta isttas qadhettike; istta bolla yiza metoppe ta istta ashshike» gides.

ሂዚቄላ ቲንቢቴ 8:18

Hessa gishshas tani istta bolla hanqon yaana; tani isttas qadhettikenne istta bolla yaana hanotappe ta istta ashshike; istti taakko waassikokka ta siyikke» gides.

ሂዚቄላ ቲንቢቴ 7:9

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana.

ሂዚቄላ ቲንቢቴ 7:4

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana› gees.

ሂዚቄላ ቲንቢቴ 5:11

Hessa gishshas Ubbaa Haariza GODAY, tani De7o Xoossa gididayssan caaqqays: neni ta Keeththa tuna misletaninne harassiza ne ooso ubbaan tunisida gishshas ta nena buuca dhayssana; ta nena qadheta ayfen xeellikenne maarikke.

ኤርማሳ ዚላስ 1:18

«Xoossi xillo; tani gidikko iza azazo bolla makkalladis; intte wurikka siyite; ta metozakka xeellite; macca naytinne naateththa attuma nayti taappe di7etti bida.

ኤርማሳ ቲንቢቴ 51:22

Nenan maccassatanne attumasata menththereththadis; cimatanne naateththata menththereththadis; panththatanne geela7ota menththereththadis.

ኤርማሳ ቲንቢቴ 21:7

Hessafe guye Yuhuda Kawo Sedeqiyaasanne iza shuumeta, iita hargefe, mashshafenne koshappe attida deraa Baabiloone Kawo Nabukadanaxooressinne istta wodhanaas koyza morkketas tani GODAY aaththa immana. Izi istta qara mashshan wodhana; istta maarenna; isttas mishettenanne qadhettenna› gees» giite.

ኤርማሳ ቲንቢቴ 11:22

Ubbaafe Wolqqama GODAY, «Tani istta qaxxayana; istta naateththa nayti mashshan hayqqana; istta macca naytinne attuma nayti koshan hayqqana;

ኤርማሳ ቲንቢቴ 9:21

Hayqoy nayta ogeppe, naateththa nayta dubbushappe pitti dhayssides; nu maskootetara gelides; nu qol7a giddo kanththides.

ኤርማሳ ቲንቢቴ 6:11

Hessa gishshas GODAA hanqoy tanan kumi uttides; tani ha hanqoza ta ulon oykkana dandaykke. Histtiin GODAY tana, «Ta hanqoza ogen diza guuththa nayta bollanne shiiqida yelaga nayta bolla gussa; machchanne azinay, cimmida asatikka kessi ekki attettenna.

ኢሳያሳ ቲንቢቴ 27:11

Izi xeeray melidi meqqana; maccassatikka mixi eeththana; akeekay baynda dere gidida gishshas iza medhdhiday izas qadhettenna; ooththidayssika iza maarenna.

ኣስቴሪ ማጻፋ 3:13

Adaare geetettiza tammanne nam7anththo aginan, tammanne heedzdzanththo gallas naateth, cima, maccanne yidha shaakkontta kumeththa Ayhudati he gallas dhayana mala, hayqqana malanne dippi gaana mala, istta aqotaykka bonqqettana mala, kawoteththa garsan diza awuraajjata ubbaa gakkana mala qasttanneta kushen imettides.

1ሳሜላ ማጻፋ 15:3

Ha7ikka ba; Amaaleeqeta ola! Isttas diza miish mulera dhayssa; issi miishshika ashshofa; attumanne macca, naanne yidha, mehetanne dorsata, gaamellanne hare wodha› gees» gides.

ኢያሶ ማጻፋ 6:21

Katamaan shemppora paxa dizayta ubbaa oykkidi macca, attuma, nayta, cimata, miiz, dorsanne hare ubbaa qara mashshan wodhides.

ዛሬ ማጻፋ 28:50

Istti menxe iitata, cimmida asaa bonchchonttaytanne guuththa naytas mishettonttayta gidana.

ዛሬ ማጻፋ 32:25

Oge ubbaan istta nayta olay wursana; keeththa giddonkka hirgay kumana; panththatinne geela7oti, guuththa naytinne cimati ubbay wurana.

ኤርማሳ ዚላስ 1:4

Oonikka izi ba7aaleta bonchchanaas yontta gishshas Xiyoone ogeti yeekkeettes; izi pengetara gelizaynne kezizay deenna; izi qeeseti ceeceettes; geela7otikka muuzotteettes; izakka gita meto garsan tuggatawus.

ኣሞጼ ቲንቢቴ 8:13

He wode lo7o geela7otinne mino panththati saamoppe dendanayssan daaburana.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 9:20

Intteno maccassatoo! GODAA qaala siyite! Intte hayththay iza doonappe keziza qaala ezgo. Intte macca nayta zilas tamaarsite; issiniya hankkooro yeeho tamaarsu.

ሂዚቄላ ቲንቢቴ 24:21

Isra7eele keeththas Ubbaa Haariza GODAY, ‹Intte ceeqettiza wolqqa, intte ayfe shempisizasozanne intte wozinas ufays gidida Xoossa Keeththaa tayssa ta tunisana. Intte yeggi bida intte macca naytinne attuma nayti mashshan wurana.