ኤርማሳ ዚላስ 2:19 - Geeshsha Maxaafa

¹⁹ Qammaa kumeth dendidi waassite; Godaa sinththan intte wozina haaththa mala gussite; oge doonan koshatti kundida ne nayta shemppo gishshas ne kushe pude izakko denththada woossa.

ጋሞ ማጻፋ

¹⁹ ቃማ ኩሜ ዴንዲዲ ዋሲቴ፤ ጎዳ ሲንን ኢንቴ ዎዚና ሃ ማላ ጉሲቴ፤ ኦጌ ዶናን ኮሻቲ ኩንዲዳ ኔ ናይታ ሼምፖ ጊሻስ ኔ ኩሼ ፑዴ ኢዛኮ ዴንዳ ዎሳ።

ኤርማሳ ዚላስ 2:19 Referans Kwoze

ዬ ማጻፋ 62:8

Asoo! Ubbaa wode Xoossan ammanettite; izi nuus qotetti attizaso gidida gishshas intte wozina qofa izas yootite.

ኢሳያሳ ቲንቢቴ 26:9

Ta shemppoya omarsi nena laamotawus; ta ayanay maalado nena koyawus; ne pirday biitta bolla yida wode sa7an de7iza asay xilloteth tamaarees.

ዬ ማጻፋ 142:2

Ta qohoza ubbaa izas magannays; ta meto ubbaa izas yootays.

ማርቆሳ ሚሺራቾ 1:35

Bazzoy zo7ontta Yesusi maalado wonttara dendidi asi bayndaso biidi heen woosa oykkides.

1ሳሜላ ማጻፋ 1:15

Haannayka izas, «Ta godawu ta maththottabeekke; tani keehippe wozinay meqqida maccassa; hessa gishshas tani ta wozina GODAA sinththan miccayssife attiin woyne ushshu gidiin woykko hara maththosiza ushshu ta uyabeekke.

ዬ ማጻፋ 141:2

Ta woosay exaane cuwa mala ne sinth shiiqo; tani ta kusheza miccizayssi nees omarsa wode yarsho mala gido.

ዳናታ ማጻፋ 7:19

Giddi giddoth gidana gishin naagiza zabeti laamettidaappe guye Geedooninne izara diza xeetu asati biidi Midiyaameti dunkaanidaso mata gakkidi ba oykkida zaye zaye punnida; ba oykkida xaarotakka ubbaa menththereththida.

ዬ ማጻፋ 42:8

GODAY ba mernaa siiqo gallas taas kiittees. Tanikka omars izas galata mazamure shiishshays; hessika ta de7o Xoossas shiishshiza woosa.

ሉቃሳ ሚሺራቾ 6:12

He gallassatappe issi gallas Yesusi woossanaas zuma bolla kezidi omars kumeth Xoossaa woossishe aqides.

ማርቆሳ ሚሺራቾ 13:35

«Histtiko keeththa aaway ayde yaanaakko woykko leela giddoth yaanaakko woykko koyro kuttoy baqqishin yaanaakko woykko wontta bolla bazzoy zo7ishin yaanaakko intte erontta gishshas beeggidi naagite.

Maatosa 14:25

Omars koyro kuttoy baqqishin Yesusi abba bollara hemettidi iza kaallizayti dizaso yides.

ዬ ማጻፋ 119:55

Abeet GODAWU! Tani giddoth ne sunththaa qoppays; ne wogaakka naagays.

ዬ ማጻፋ 28:2

Ta kusheza ne Geeshsha aqoso miccada woossishinne tana maaddarkki gaada ta waassishin ne siya.

ኢሳያሳ ቲንቢቴ 51:20

Ne attuma nayti daaburda; woximaden oykettida genessa mala oge gaxan ubbaan ichchida. GODAA hanqoynne ne Xoossa seeray istta bolla kumides.

1ጺምቶሳስ 2:8

Hessa gishshas attuma asay ubbason hanqoy bayndanne palamay baynda ba geeshsha kusheta pude dhoqqu histtidi woossana mala ta koyays.

ሂዚቄላ ቲንቢቴ 5:16

Dukkiza wondafe mala wodhizanne dhayssiza kosha ta intte bolla yeddiza wode tumappe ta inttena dhayssanaas yeddays; ta inttes kosha bolla kosha ehana; tani kaththi yizaso melissana.

ሂዚቄላ ቲንቢቴ 5:10

Hessafe dendidayssan ne giddon aawati bantta nayta, nayti bantta aawata maana; ta ne bolla pirda ehana; neeppe attidayta tani carkon laallana.

ዬ ማጻፋ 134:2

Xoossa Keeththan intte kushe denththidi GODAA galatite.

ዬ ማጻፋ 63:4

Ta de7o layththankka tani nena galatana; ne sunththan ta kushe pude neekko denththana.

ኢዮቤ ማጻፋ 3:24

Yeehoy taas kath gidides; waasoykka taas goggiza haaththa mala gidides.

1ሳሜላ ማጻፋ 7:6

Isra7eele asay Mixiphphan shiiqida wode haath duuqqidi GODAA sinththan gussides; he gallassika xoomida; «Nuni GODAA qohidos» giidi paaxida. Sameeli Mixiphphan pirdishe deraa ayssides.

ናሆሜ ቲንቢቴ 3:10

Gido attiin iza di7ettadus; goodetta badus; izi nayti ogeta tiixa bolla dinccettida; izi daannata bolla saamay wodhdhides; izi gita asati ubbay sansalatan qashettida.

ዬ ማጻፋ 42:3

Asay ubbato, «Ne Xoossi awan dizee?» giza wode taas gallassinne omars afunththi quma gidides.

ዬ ማጻፋ 42:4

Ta wozinaya ceeceththan giddora seerashe haytantta akeekadus; daro wode ta Xoossa keeth kaaleththashe ililisaninne galata yeththan ba7aale bonchchana shiiqida daro asa giddora ta waana bizaakko aamusadis.

ዬ ማጻፋ 142:3

Tani daaburda wode neni ta oge eraasa; ta hemettiza ogen tana oykkanaas woximade woththida.

ኤርማሳ ቲንቢቴ 9:20

Intteno maccassatoo! GODAA qaala siyite! Intte hayththay iza doonappe keziza qaala ezgo. Intte macca nayta zilas tamaarsite; issiniya hankkooro yeeho tamaarsu.

ኤርማሳ ቲንቢቴ 14:18

Tani gaxare biikko, mashshan hayqqidayta be7ays; katama gelikko koshay wursidayta be7ays. Nabetinne qeeseti ba erontta dere baqatida› gees GODAY» gides.

ሚኪያሳ ቲንቢቴ 1:16

Intte isttan ufayettiza intte nayti inttefe di7etti baana gishshas intte hu7e bulusite.