ኤርማሳ ዚላስ 1:9 - Geeshsha Maxaafa

⁹ Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ጋሞ ማጻፋ

⁹ ኢዚ ቱናቴ ኢዚ ማይኦ ቦላ ቤቲዴስ፤ ሲንፌ ኢዚ ቦላ ሃናናይሳ ኢዛ ቆፓቤኩ፤ ኢዚ ኩንዴ ዳጋንዛዝ ጊዲዴስ፤ ኢዛ፥ «ታ ጎዳ ጾሶ! ታ ሜቶቲዛ ሜቶዛ ቤኣ፤ ታ ሞርኬቲ ታና ጾኒዳ» ጋ ዎሲንካ ኢዞ ሚንዛይ ኦኒካ ቤቲቤና።

ኤርማሳ ዚላስ 1:9 Referans Kwoze

ዛሬ ማጻፋ 32:29

Istti erata gididaakko hayssa istti kasetidi qoppana; bantta wurseththankka hananayssa yuushshi qoppanashin!

ኢሳያሳ ቲንቢቴ 47:7

Neni, ‹Tani mernaas godatto gidana› gadasa. Gido attiin haytantta akeekabeekka; istta wurseththi ay gidanaakko qoppabeekka.

ኤርማሳ ዚላስ 1:17

Xiyoona ba kushe miccadus; izo minththeththizaadey deenna; Yaaqoobe zaretas shooroti izas morkke gidana mala Xoossi azazo kessides; Yerusalaameykka istta giddon tuna miishsha mala qoodettadus.

ኤራንቻታ ማጻፋ 4:1

Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ዬ ማጻፋ 25:18

Ta metozanne ta tuggaa neni be7a; Ta nagara ubbaa atto ga.

ሶፎናሳ ቲንቢቴ 2:10

Bantta otoroteththafe dendidayssan istti Ubbaafe Wolqqama Xoossa deraa cayida gishshassinne qidhida gishshas hessi istta bolla gakkana.

ኤርማሳ ቲንቢቴ 48:26

«Izi GODAA kadhida gishshas Mo7aabe ushshan maththosite; Mo7aabey ba cooshsha bolla genderetto; qidhes atto.

ኤርማሳ ቲንቢቴ 2:34

Ne istta kaysoteththan oykkontta xillo manqota suuththi ne may7o bolla beettides. Neni hayssa ubbaa ooththa woththadakka,

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ዬ ማጻፋ 119:153

Ta tuggaa beyada tana ashsha; ays giikko tani ne woga dogabeekke.

1ጴጽሮሳ ኪታ 4:17

Pirday doomettanaas wodey matides; he pirday doomettanay koyro Xoossa asaa bollako! Histtiin pirday nunan doommiko Xoossa Mishiraachcho qaalaas azazettontta ixxida asaa wurseththi ay gidanee?

ዮሃኒሳ ሚሺራቾ 11:19

Istta ishay hayqqida gishshas Maaramonne Marta minththeththanaas daro Ayhuda asay isttako shiiqides.

ሆሴኤ ቲንቢቴ 2:14

«Hessa gishshas ta izo maqqada bazzo efana; heen ta izira siiqo qaalan haasayssana.

ኤርማሳ ዚላስ 4:1

Worqqay waani tasides; Walakay baynda muuruta worqqay waani laamettidee! Xoossa keeththi keexettida bonchcho shuchchati oge doonan laalettida.

ኤርማሳ ዚላስ 2:13

«Hanne Yerusalaame! Ta ne gishshas ay gaanaas dandayazinaa? Ta nena aazara ginasa xeelloo? Hanne dosettida Xiyoone geela7oyee! Ta nena wostta minththeththanaas dandayazinaa? ne madunththay abbafeka cimmatees; nena paththanaas dandayzay oonee?

ኤርማሳ ዚላስ 1:21

«Derey ta zilalizayssa siyides; gido attiin oonikka tana minththeththizaadey beettibeenna; ta morkketi ubbayka ta metotoyssa siyida; neni ooththoyssaka eridi istti ufayettida; ne istta bolla ehana ga qachchida gallassaya yu; isttika ta mala zilaletto.

ኤርማሳ ቲንቢቴ 50:29

«Wondafen olizayta Baabiloone bolla xeygite; issaadeyka kessi ekki bontta mala istta giddoththidi dunkaanite; GODAA Isra7eele geeshshaa kawushshida gishshas izi ooso mala izis zaarite; iza harata bolla ooththidayssaththo izi bolla ooththite.

ኤርማሳ ቲንቢቴ 16:7

Kayottizayta minththeththanaas shoch ehanay deenna; qasseka aaway hayqqida woykko aaya hayqqida as minththeththanaas shochcha ushshu ehanay deenna.

ኤርማሳ ቲንቢቴ 13:27

Intte zumbullata bollanne demban ooththida harassiza ooso tani be7adis; intte laymateththanne intte ziita hanota ta be7adis; Yerusalaame nees aayye ana! Neni ayde gakkanaas ne tunateththaafe geeyontta daanee?» gees.

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኢሳያሳ ቲንቢቴ 54:11

GODAY, «Hanne un7ettida katamayee! Gote carkon shocettidaaree! minettonttaaree! Be7a, tani nena bonchchettida shuchchatan alleqissa keexxana; semppere shuch nees yoch yeggana.

ኢሳያሳ ቲንቢቴ 40:2

Yerusalaameskka shugo qaalara yootite; izis awajjite; iza aylleteththan ooththiza wodey wurides; izi nagara waagay cigettides; iza ba nagara ubbaa gishshas GODAAPPE nam7u kushe qixaate ekkadus» gees.

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 37:17

Abeet GODAWU, ne hayth haa yeggada ezga. Abeet GODAWU, ne ayfe pogada haa xeella. Nena De7o Xoossaa cayanaas Senakireemey kiittida qaala siya.

ኢሳያሳ ቲንቢቴ 37:4

De7o Xoossaa cayana mala iza godaa Asoore kawoy kiittida ola gadawa qaala GODAA ne Xoossay siyontta aggenna. Qasse GODAA ne Xoossay he siyida qaalaa gaason iza qaxxayontta aggenna. Hessa gishshas neni shemppora paxa attida cashata gishshas woossa› gees» gida.

ዬ ማጻፋ 140:8

Abeet GODAWU! Iitata amoy polettofo; istta qofay polettana mala ooththofa!

ናሂሚያ ማጻፋ 9:32

Gita, wolqqamanne yashshiza nu Xoossawu! Neni ne caaqo qaalanne mernaa gakkanawu diza ne siiqo naagaasa; nu bolla, nu kawota bollanne nuna kaaleththizayta bolla nu qeeseta bollanne nu nabeta bolla nu aawata bolla, qasseka dere ubbaa bolla, Asoore kawotappe doommidi hach gakkanaas gakkida meto ubbaa ne qoppa.

2ካዎታ ማጻፋ 14:26

Aylle gidiin woykko goqa gidiin Isra7eelen dizay ubbayka keehi waayettizayssa GODAY be7ides; istta maaddizaykka deenna.

2ሳሜላ ማጻፋ 16:12

GODAY ta kawushshateththaa be7idi hachcha doqeththaa gishshas izi taas lo7o ooththanaakko oonee erizay» gides.

1ሳሜላ ማጻፋ 1:11

Izakka, «Ubbaafe Wolqqama GODAWU tana ne aylley kawushshateththaa ne haa xeellada tana ne qoppikonne tana ne aylleyo balontta ne taas attuma naa immiko izi ba de7o layth ubbaan nees gidana mala tani iza GODAAS immana; magallaykka iza hu7e binana bochchenna» gawus.

ዛሬ ማጻፋ 32:27

Gido attiin istta morkketi, ‹Nuni nu wolqqan istta xoonidos attiin Xoos gidenna› giidi otoreteththan ceeqettidi tana hanqeththanaakko gaada qoppays.

ዛሬ ማጻፋ 26:7

Histtiin nuni GODAA nu aawata Xoossako waassidos; izikka nu waasoza siyidi nu waayeza, nu daaburazanne nuni qohettidayssa be7ides.

ኬሳ ማጻፋ 4:31

Isttika ammanida. GODAY isttako yidayssanne istta waaye be7idayssa siyida mala biitta bolla gufanni goynnida.

ኬሳ ማጻፋ 3:17

Tani inttena Gibxe biittaa waayeppe kessada pude maaththinne eessi goggiza Kanaaneta, Hiiteta, Amooreta, Paarizeta, Hiiwetanne Yaabuseta biitta efana gadis› gides» gaada yoota.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ዬ ማጻፋ 69:21

Tani gafida wode taas cammiza kath immida. Tani saamettida wode taas caala phanqida ushshu immida.

ኢሳያሳ ቲንቢቴ 51:19

Be7a bashsha bolla bashshi ne bolla yides; histtiin nena oonee minththeththanay? isttika laaleteththinne dhays, koshanne mashsha.

ኤርማሳ ዚላስ 5:1

Abeet GODAWU! Nu bolla gakkidayssa ne qoppa; nu kawushshateththaka xeella.