ኤርማሳ ዚላስ 1:6 - Geeshsha Maxaafa

⁶ Xiyoone macca nayppe izi puulateththinne teemay shaaketti kichchides; izi daannati maata mizasoy dhayda genessa mala gidida; istti bana gooddizaytappe wolqqay wuriin baqatida.

ጋሞ ማጻፋ

⁶ ጺዮኔ ማጫ ናይፔ ኢዚ ፑላቴኔ ቴማይ ሻኬቲ ኪቺዴስ፤ ኢዚ ዳናቲ ማታ ሚዛሶይ ይዳ ጌኔሳ ማላ ጊዲዳ፤ ኢስቲ ባና ጎዲዛይታፔ ዎልቃይ ዉሪን ባቃቲዳ።

ኤርማሳ ዚላስ 1:6 Referans Kwoze

ሂዚቄላ ቲንቢቴ 24:25

GODAY tana, «Haysso asa nawu! Bantta wolqqa, bantta ufayssa, bantta bonchcho, istta ayfes shemposonne istta wozinas ufays gidida istta macca naytanne attuma nayta gaththa ta isttafe ekkiza wode,

ሂዚቄላ ቲንቢቴ 24:21

Isra7eele keeththas Ubbaa Haariza GODAY, ‹Intte ceeqettiza wolqqa, intte ayfe shempisizasozanne intte wozinas ufays gidida Xoossa Keeththaa tayssa ta tunisana. Intte yeggi bida intte macca naytinne attuma nayti mashshan wurana.

ኤርማሳ ቲንቢቴ 52:13

GODAA Keeththazanne kawoteththa keeththaa hessaththoka Yerusalaamen diza keeth ubbaaka taman xuuggides; hara wolqqama keeththatakka dippi histti xuuggides.

ኤርማሳ ቲንቢቴ 52:11

Sedeqiyaasa ayfetakka wooci kessides; xarqimala sansalatan iza qachchidi Baabiloone efides; histtidi izi hayqqana gakkanaas heen qasho keeththan gam7isides.

ኤርማሳ ቲንቢቴ 48:41

Iza katamatinne iza miixati oykettana; He gallas Mo7aabe olanchchata wozinaykka miixa oykettida maccassa wozina mala gidana.

ኤርማሳ ቲንቢቴ 47:3

Para toho giirissi morkke para-gaareta waaso, para-gaareta tohoy genderishe giiriza giirissa gaason aawati bantta nayta ashshanaas guye simmi xeellettenna; istta kusheykka sila gidana.

ኤርማሳ ቲንቢቴ 29:4

Dabdaabbezikka, «Ubbaafe Wolqqama GODAA Isra7eele Xoossay tani Yerusalaameppe Baabiloone di7isa yeddida asaas,

ኤርማሳ ቲንቢቴ 13:18

GODAY tana, «Kawozasinne iza aayo godatteys, ‹Intte bonchcho kallachchay intte hu7eppe wodhdhana gishshas, intte kawoteththa araataappe duge wodhdhite.

ኢሳያሳ ቲንቢቴ 12:6

Intte giddon diza Isra7eele Geeshshay gita gidida gishshas Xiyoone asawu ilili giite; ufayssankka yexxite» gaandeta.

ኢሳያሳ ቲንቢቴ 4:5

GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

ዬ ማጻፋ 96:9

Iza geeshshateththa puulan GODAAS goynnite; biittan de7iza as ubbay iza sinththan kokkorite.

ዬ ማጻፋ 50:2

Mulera lo7o gidida Xiyoonippe Xoossi poo7isees.

2ካዎታ ማጻፋ 19:21

Hessa gishshas GODAY iza bolla yootida qaalay hayssa. «Geela7o Xiyoone naya nena kadhadussinne kawushshadus; Yerusalaame naya ne izi bollara piradhdha bishin ba qoodhe ne bolla qaaththawus.

ዛሬ ማጻፋ 32:30

Istta medhdhidayssi istta aaththi immonttaako, GODAY istta yeggi aggonttaako, Issaadey 1,000 as wostti gooddandee? Woykko nam7ati 10,000 as wostti gooddanee?

ዛሬ ማጻፋ 28:25

GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana.

2ካዎታ ማጻፋ 25:4

Baabiloone olanchchati katamayo giddoththi uttidi issi baggara katamay gimbe menththi gelida; Yuhuda olanchchati ubbayka kawo atakilte achchan diza nam7u gimbeta giddora diza pengezara kanththidi omarsara duge Yordaanoose shoobba gakkanaas baqatida.

2ካዎታ ማጻፋ 25:5

Gido attiin Baabiloone olanchchati kawoza kaalettidi Iyarkko demban gakkida. Olanchchati ubbay kawoza aggaagi laalettida.