ኤርማሳ ዚላስ 1:2 - Geeshsha Maxaafa

² Iza giddoththi camo yeeho yeekkawus; izis afunththayka shagalara goggees; izi laggetappe izo minththeththizay oonikka deenna; ubbatikka izo kaddida; zaaridikka izis morkke gidida.

ጋሞ ማጻፋ

² ኢዛ ጊዶ ጫሞ ዬሆ ዬካዉስ፤ ኢዚስ ኣፉንይካ ሻጋላራ ጎጌስ፤ ኢዚ ላጌታፔ ኢዞ ሚንዛይ ኦኒካ ዴና፤ ኡባቲካ ኢዞ ካዲዳ፤ ዛሪዲካ ኢዚስ ሞርኬ ጊዲዳ።

ኤርማሳ ዚላስ 1:2 Referans Kwoze

ዬ ማጻፋ 6:6

Ta ceecen xalla daaburadis; omars omars tani yeekkashe ta hiixa caphisays; ta borkoththaaka ta afunththan musissays.

ሚኪያሳ ቲንቢቴ 7:5

ne lagge ammanoppa; ne laggenkka ammanettofa; ne ki7on nenara aqizaariska ne yootizaaz akeekada yoota.

ኤርማሳ ዚላስ 1:21

«Derey ta zilalizayssa siyides; gido attiin oonikka tana minththeththizaadey beettibeenna; ta morkketi ubbayka ta metotoyssa siyida; neni ooththoyssaka eridi istti ufayettida; ne istta bolla ehana ga qachchida gallassaya yu; isttika ta mala zilaletto.

ኤርማሳ ዚላስ 1:19

Tani ta dosizayta xeygadis; istti gidikko tana kaddida; ta qeesetinne cimati ba shemppo ashshanaas kath koyishe katamay giddon wurida.

ኤርማሳ ዚላስ 1:9

Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ኤርማሳ ቲንቢቴ 30:14

Intte laggeti ubbay inttena dogida; istti intte gishshas wudettettenna; tani inttena morkke shociza mala shocadis; menxe iita asa mala ta inttena qaxxayadis. Gaasoykka intte qohoy gita; intte nagaraykka daro.

ኤርማሳ ቲንቢቴ 13:17

Intte siyontta ixxiko, intte otoreteththaa gishshas ta shemppoya geeman yeekkana; GODAA wudey di7etti bichchida gishshas tani camo yeeho yeekkays; ta ayfeppe afunththi haaththa mala goggees.

ኤርማሳ ቲንቢቴ 9:1

Shukettida ta deraa gishshas omarsinne gallas ta yeekkana mala ta hu7ey haaththa olla, ta ayfetikka pultto mala afunth gogissidaakko ta ay mala dosandinaa!

ኤርማሳ ቲንቢቴ 4:30

Hanne bashshas uttidaaree! Neni ay ooththay? Ne zo7o may7o ays may7ay? Worqqa alleqokka ays aaththay? Ne ayfe ciro ays tiyay? Neni coo mela nena lo7eththaasa; Ne laggeththoti nena kadhida; istti nena wodhanaas koyeettes.

ዬ ማጻፋ 31:11

Ta morkketa ubbaas tani qidhe miish gidadis; ta shoorotas miires attadis; tana erizaytas kadhes gidadis; ogen tana be7idaytikka taappe baqateettes.

ዮሃኒሳ ኣጁታ 17:16

He do7azinne ne be7ida tammu kaceti he layma maccassayo ixxeettes; istti izo dhayoso gaththana; kallo mela ashshana; istti izi asho maananne izo tamankka xuuggana.

ዮሃኒሳ ኣጁታ 17:13

He tammu kawotas issi qofay de7ana; istti ba wolqqanne ba godateth he do7azas aaththi immana.

ሆሴኤ ቲንቢቴ 2:7

Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ሂዚቄላ ቲንቢቴ 16:37

neni isttan ufayettida ne laggeta ubbaa, ne siiqizaytanne ne ixxizayta ubbaa ta shiishshana; ubba baggafe ne yuushon shiishshada istta sinththan ne kalloteththaa ta qaarana; isttika ne kalloteththaa ubbaa be7ana.

ኤርማሳ ዚላስ 2:11

Ta derey wurides; naateththa naytinne qeeri nayti katama giddon labbani kundida. Hessa gishshas ta ayfey afunththan baljumides; taas maracey kokkorides; ta wozinaykka seerides;

ኤርማሳ ቲንቢቴ 3:1

«Issi asi ba keeththaayo anjji yeddiin iza baada hara azina gelikko, kase anjji yeddidaadey simmi izikko bizee? izi biikko he biittaya mule tunekkee? Neni gidikko ne siiqiza cora laggetara laymatadasa; histtadakka ha7i neni taakko simmana koyay?» gees.

ሌሚሶ ማጻፋ 19:7

Manqo iza dabbo ubbay ixxees; histtiin iza laggeti ay keena izappe baqatanee! Kaalli aadashidikka izi istta demmenna.

ኢዮቤ ማጻፋ 7:3

Ta daaburda aginati taas go7ay bayndayta gidida; meto omarsatikka taas qofa omars gidida.

ኢዮቤ ማጻፋ 6:15

Ta ishati gidikko haroy harotti wodhidaappe guye meliza ammanththontta shaafata mala baleththizayta.

ዬ ማጻፋ 126:5

Yeekkishe zeridayti ufayssan yexxishe shiishshana.

ኤርማሳ ቲንቢቴ 2:25

Ne tohoy argacana gakkanaas woxxofa; ne doonay saamon melana gakkanaas toylattofa; ne gidikko, «Coo daaburoppa; tani eeqa xoossata dosadis; tani istta kaallana» gadasa.

ዬ ማጻፋ 69:21

Tani gafida wode taas cammiza kath immida. Tani saamettida wode taas caala phanqida ushshu immida.