ኤርማሳ ዚላስ 1:10 - Geeshsha Maxaafa

¹⁰ Izi aqota ubbaa bolla morkkey ba kushe yeddides; Xoossa asaa shiiqon gelontta mala neni diggidayti eeqa xoossatas goynniza ayzaabeti gede izi Xoossa Keeththan gelishin be7adus.

ጋሞ ማጻፋ

¹⁰ ኢዚ ኣቆታ ኡባ ቦላ ሞርኬይ ባ ኩሼ ዬዲዴስ፤ ጾሳ ኣሳ ሺቆን ጌሎንታ ማላ ኔኒ ዲጊዳይቲ ኤቃ ጾሳታስ ጎይኒዛ ኣይዛቤቲ ጌዴ ኢዚ ጾሳ ኬን ጌሊሺን ቤኣዱስ።

ኤርማሳ ዚላስ 1:10 Referans Kwoze

ዛሬ ማጻፋ 23:3

Amoonenne Mo7aabe zereththati wurikka tammanththa yeleta gakkanaas GODAA asaa duulatan geloppetto.

ኤርማሳ ቲንቢቴ 51:51

«Allagati geeshshasoho GODAA Keeth gelida gishshas, ‹Nuni cayettidos; yeellay nu sinth kammides; kawushshateththika gulluntidos› giite» gees.

ኤርማሳ ዚላስ 1:7

Yerusalaamey metotida wodeninne waayettida gallassatan kase izis diza aqota yuushsha qoppawus; iza morkke kushen kundida wode izo maaddizay oonikka baynda wode, izi morkketi izi kundeththaa be7idi izi bolla miiccida.

ናሂሚያ ማጻፋ 13:1

He wode asay wuri Muse maxaafay nababettiin siyishe, «Mo7aabe asaynne Amoone asay Xoossa asaara mernaa gakkanaas walakettofetto» gizaso gakki demmides.

ማርቆሳ ሚሺራቾ 13:14

«Intte harassiza tunateth izas bessonttason eqqidaashe beykko nababizaadey wozinan woththo; Yuhudan dizayti pude zuma bolla baqatetto.

ሂዚቄላ ቲንቢቴ 44:7

Intte taas ta quma, modhdhonne suuththa yarsho ooththidi shiishshiza wode, wozinaynne ashoy qaxxarettontta allaga asata Xoossa Keeththa gelththidi istti iza tunisana mala ooththideta. Intte tunateththa ubbaa bollaka gujjidi ta caaqoza laallideta.

ሂዚቄላ ቲንቢቴ 9:7

Hessafe guye GODAY isttas, «Ta keeththaa tunisite; zagotakka ahan kunththite; biite» gides; isttika kezidi katama giddon ubbaan yuuyidi wodho doommida.

ሂዚቄላ ቲንቢቴ 7:22

Tani ta ayfeso haraso zaarana; bonchchettida ta keeththaa pangati gelananne tunisana.

ኤርማሳ ቲንቢቴ 52:13

GODAA Keeththazanne kawoteththa keeththaa hessaththoka Yerusalaamen diza keeth ubbaaka taman xuuggides; hara wolqqama keeththatakka dippi histti xuuggides.

ኤርማሳ ቲንቢቴ 20:5

Ha katamay aqota, iza ooththa demmida ubbaa, Yuhuda kawota aqotanne isttas diza al7o miish ubbaa tani istta morkketas aaththa immana; isttika di7i ekkidi Baabiloone efana.

ኤርማሳ ቲንቢቴ 15:13

Ne dere ubbaan oosettida nagara gishshas ne aqota ubbaa di7izaytas coo aaththa immana.

ኢሳያሳ ቲንቢቴ 63:18

Guuththa wodes ne derey geeshshasohoza laattides; ha7i gidikko nu morkketi ne Keeththaa yedhdhida.

ኤርማሳ ቲንቢቴ 50:28

«GODAA nu Xoossay halo kessidayssa, Xoossa Keeththa gishshas halo kessidayssa Baabilooneppe betidaytinne goodettidayti Xiyoonen haasayzayssa siyite.

ዛሬ ማጻፋ 23:4

Gaasoykka intte Gibxeppe kezidi yishin istti inttena kaththinne haath diggida; qasse Mesphexoomiya biittan Patoore katamaan diza Bi7oore naa Balaamey inttena qanggana mala miishshan shammida.

2ታሪኬ ማጻፋ 36:18

Baabiloone kawoy Xoossa keeththan diza gitanne guuththa miishshata ubbaa, GODAA keeththan diza aqota, kawo aqotanne iza shuumeta aqota ubbaa di7i ekkidi Baabiloone efides.

ኤርማሳ ቲንቢቴ 27:19

GODAY Ubbaafe Wolqqama Xoossay ha kataman attida tuussata gishshas, xarqimalappe oosettida gita saaneza gishshas, gaareta gishshassinne hara attida ubbaa miishshata gishshas,

ኤርማሳ ቲንቢቴ 27:21

GODAA Keeththan, Yuhuda kawo keeththaninne Yerusalaamen attida miishshata gishshas Ubbaafe Wolqqama GODAA Isra7eele Xoossay,