ኢያሶ ማጻፋ 19:22 - Geeshsha Maxaafa

²² He biittata zaway Taaboore, Shahaxuumenne Beeti-Shemishe bochchi biidi, Yordaanoose shaafan gelees. Istti ubbay tammanne usuppun katamata; istta yuushon diza gutatikka isttan gujetteettes.

ጋሞ ማጻፋ

²² ሄ ቢታታ ዛዋይ ታቦሬ፥ ሻሃጹሜኔ ቤቲ-ሼሚሼ ቦቺ ቢዲ፥ ዮርዳኖሴ ሻፋን ጌሌስ። ኢስቲ ኡባይ ታማኔ ኡሱፑን ካታማታ፤ ኢስታ ዩሾን ዲዛ ጉታቲካ ኢስታን ጉጄቴቴስ።

ኢያሶ ማጻፋ 19:22 Referans Kwoze

ዳናታ ማጻፋ 4:6

Issi gallas Diboora Abino7aame naa Baraaqe Niftaaleme biittan diza Qaadeese katamappe kiittada xeygisadus; «GODAA Isra7eele Xoossay nena, ‹Niftaaleme zareppenne Zaabiloone zareppe tammu shii as ekkada Taaboore zumaa bolla keza.

ኤርማሳ ቲንቢቴ 46:18

Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.

ዬ ማጻፋ 89:12

Pudehanne dugeha neni medhdhadasa; Taaboorenne Hermoone zumati ufayssan ne sunththan yexxeettes.

1ታሪኬ ማጻፋ 6:77

Attida Meraare zarkketas Zaabiloone zarkketappe Armoonenne mehe heemmizasohotanne Taaboorenne mehe heemmizasohota ekkidi immida.

1ካዎታ ማጻፋ 4:9

Beeni-Diqaarey Maqaxa, Sha7albime, Beeti-Shemishenne Eeloonenne Beeti-Hanaane dereta ayssees.

ኢያሶ ማጻፋ 21:16

Ayine, Yuuxa, Beeti-Shemishenne istta mehe heenththasohora issife gaththi immida. Hayti uddufun katamati Yuhuda qommotappenne Simoona qommota xinxxofe gishetti imettidayta.

ኢያሶ ማጻፋ 19:38

Yiroone, Migidal7eele, Horeeme, Beeti-Anaatenne Beeti-Shemishe. Istti wuri 19; istta yuushon diza gutatikka isttan gujetteettes.

ኢያሶ ማጻፋ 19:12

Hara baggara qasse Sariide katamappe arshey mokkizaso bagga simmidi Kisiloote-Taaboorera kanththi biidi Dabiraatera gede Yaafi7a bees.

ኢያሶ ማጻፋ 19:21

Eremeete, En-Gaanime, En-Haadanne Beeti-Phaxeexe.

ኢያሶ ማጻፋ 19:23

Hayti Yisakoore qommotas xinxxo gididi istta zarkken zarkken gishan gakkida katamatanne gutata.

ዳናታ ማጻፋ 4:12

Abino7aame naa Baraaqey Taaboore zuma bolla bidayssa Sisaari siyidi,

1ታሪኬ ማጻፋ 6:62

Yisakoore zarkketa biittafe, Aaseere zarkketa biittafe, Niftaaleme zarkketa biittafenne Baasaanen diza Minaase zarkketa biittafe 13 katamata Gershoone zarkketas immida.