ዮናሳ ቲንቢቴ 2:6 - Geeshsha Maxaafa

⁶ Tani zumata gars duge wodhdhadis; heen biittaa garsan mernaas gordan uttadis; gidikkoka abeet ta GODAWU! Neni ta shemppo ciimma ollafe kessadasa.

ጋሞ ማጻፋ

⁶ ታኒ ዙማታ ጋርስ ዱጌ ዎዲስ፤ ሄን ቢታ ጋርሳን ሜርናስ ጎርዳን ኡታዲስ፤ ጊዲኮካ ኣቤት ታ ጎዳዉ! ኔኒ ታ ሼምፖ ጪማ ኦላፌ ኬሳዳሳ።

ዮናሳ ቲንቢቴ 2:6 Referans Kwoze

ዬ ማጻፋ 30:3

Abeet GODAWU! Tana duufon bontta mala naagadasa; duge ciimma ollan gelontta mala neni tana ashshadasa.

ዬ ማጻፋ 16:10

Ne tana Si7oolen aggaka; ne geeshshaza wooqqana mala aggaka.

ኢሳያሳ ቲንቢቴ 38:17

Hekko ta meton ceecidayssi taas go7as gidides. Neni ta shemppo bashsha ollafe ne siiqon naagadasa; neni ta nagara ubbaa neeppe guye zaarada oladasa.

ኢምባቆ ቲንቢቴ 3:10

Zumati nena be7idi mannida; Haaththaa dambalay aadhdhi bides; abbay ceeqettides; abbaa dambalakka pude denththides.

ኢምባቆ ቲንቢቴ 3:6

Izi eqqiin biittay qaaxxides; izi xeellidi asaa kokkorisides; Mernaas diza zumati laaleteth piski gida; Beniisofe diza zumatikka woddida; Iza ogey mernaassa.

ኢሳያሳ ቲንቢቴ 40:12

Haaththata ba kushe kuphphen makkiday, salota tadhdhakiday, baana daachchon makki oykkiday, zumata ba meezaanen, zumbullatakka meezaanen woththiday oonee?

ዬ ማጻፋ 143:7

Abeet GODAWU! Tani daaburadis; ne taas zaaro immanaas elela! Tani hayqqida asataththo duge duufon gelontta mala ne sinththa taappe genththofa.

ዬ ማጻፋ 104:8

Istti gita zumatappe duge shoobbata wodhdhida; neni isttas giigsidaso goggida.

ዬ ማጻፋ 104:6

Wogga gita abba biitta bollan afala mala miccadasa; haaththika gita zumata kammides.

ዬ ማጻፋ 65:6

Neni ne wolqqa gixettadasa; zumatakka ne minththa essadasa.

ዬ ማጻፋ 55:23

Abeet Xoossawu! Neni gidikko iitata duge ciimma ollan yeggana. Suuth gussizaytinne baleththizayti ba daana layththas baggaka deettenna; gido attiin tani nenan ammanettays.

ዬ ማጻፋ 30:9

«Ta hayqqiko woykko duufon gelikko ne taappe ay demmanee? Biittan gelida asi nena galati erizee? Ne ammaneteththa haasayi erizee?

ኢዮቤ ማጻፋ 33:28

Tani duufon gelontta mala tana ashshides; hekko ha7i paxa daada tani poo7o beyays› gi yexxides.

ኢዮቤ ማጻፋ 33:24

kiitanchchay izas qadhettidi, ‹Iza wozzizaade ta demmida gishshas izi duge duufon wodhdhontta mala aggaaga!› giidi hayqo oykkidaakko,

ዛሬ ማጻፋ 32:22

Ta hanqoy tama mala eexxana; biittanne biitta bolla diza ubbaa xuuggana; he tamay si7oole ciimmaa gakkanaas eexxana; tamazi zumaas yoch gakkanaas maana.

Maatosa 16:18

Neni zaalla; hayssa zaalla bolla tani ta Woosa Keeththe keexxana; Gaanname pengetikka izo xoonettenna.

ዬ ማጻፋ 18:5

Duufo wodoroy tana qachchides; hayqo woximadey ta sinththan waaxettides.

ዬ ማጻፋ 116:3

Hayqoy woximade mala tana dooddi oykkides; duufon geloy tana hirgisides. Ceeceynne un7oy tana toli oykkides.

ኢሳያሳ ቲንቢቴ 38:10

tani, «Ta de7o layththas buron bagga gakkiza wode, hayqo pengera gelana bessizee? Taas attida layththay taappe bonqqettanaas bessizee?» gadis.

ሂዚቄላ ቲንቢቴ 26:20

beni wode asati gelida ollan wodhdhizaytara ta nena duge woththana; duge ollan gelizaytara ta nena issife beni laalettidi diza biitta garsan ta nena woththana; hessafe guye neni biitta bolla shemppora paxa dizayta garsan nees de7oso demmaka;

ሂዚቄላ ቲንቢቴ 31:14

Hessa gishshas haaththa lanqen diza ay miththika ba xeera cuppu gida bonccotappe bollara dhoqqu histtidi hayssafe guye bana otoron zaradhissenna; qasseka ay miththika lo7eththidi hayssaththo aduqqenna; ubbayka hayqqidi duge duufon gelizaytara issife hayqqana mala pirdettides› gees.

ዬ ማጻፋ 69:2

Tohoy eqqizasoy baynda caren mitettadis; ciimma haaththa giddo geladis; haaththa dambalay tana mittana hanees.